Congratulations Vel Lian & Sayamah Mengku: Vel Lian hi CCN Rianttuan nak ah Thazaang chuah in a rak kan bawmtu asi ve. Sayamah Mengku cu kan theih dih lai Ka zumh. Bawipa nih chungkhar nan dirhnak ah thluachuah he lam in hruai ko hna seh. Photography Hungpolovu, Credit: Chin Cable Network Channal

Thawngpang dang<<< 𝐀ðŪ𝐎𝐭ðŦ𝐚ðĨðĒ𝐚: 𝐒ðŪðĐ𝐞ðŦ $𝟐𝟎,𝟎𝟎𝟎 𝐧𝐚 ð­ðĄðĻðĄ ðĶ𝐚𝐰? 𝐑𝐚ðĨðŦðĒ𝐧 𝐝ðĒ𝐧𝐠 𝐭𝐞 𝐭𝐞 𝐚𝐧 ðŪm: Pulrai COVID-19 nih kan vawilei cung pi a kan den bak in ram kip khuasak tuntuk nak le siipuaizii tiang in a hnursuan dih. Australia zong ram mi an har sa tuk sual lai tiah zawn ruahnak lian pi he kan Cozah nih pension lak tik lawngah hman khawh ding in chiah mi tangka (superannuation) kha 2019 – 2020 le 2020-2021 Financial kum ca in $20,000 tiang lak khawhnak ding in an tuah. Rianrang tuk in an tuah caah system tha tein an ser manh lo. A fawi zang deuh tein lak khawh nak ding in zokzok te in an khan.

Ni hin ni tiang ah minung 3.1 million nih an super kha an rak lak cio. Australian $ in 33.3 billions a chuak cang tiah ATO (Australian Taxation Office) nih thawng an thanh. Federal Parliament nih ning cang tein an la hna maw la lo ti kherhlainak (inquiry) an tuah i 100 chung ah 90 cu an hman ko tiah kan hnu zarh ah kha an chim. Asinain, private lenglei company Accenture nih hlethlainak an tuah mi ahcun a voihnihnak July 01 hnu in $10,000 a la than mi pawl hna lak ah minung 10 chungah pa 4 hi cu an income a zor hrimhrim lo ti an hmuh. Cu pin ah, mah hna pawl kha inn cawk nak caah tangka a khawng deuh mi an si ti kha an hmuh.

Cucaah, Australia ram i a lian taktak mi big 4 banks tiah an auh mi hna (CBA, NAB, ANZ le Westpac) hna nih rianrang tein an bank he ai peihtlai mi licensed brokers pawl le agents pawl hna sin ah atanglei bantuk in kherhlainak tuah ding in nawl an pek hna. 1. Australian rammi (citizens) a si mi First Home Buyer inn a voikhatnak cawk a tim mi paoh nih an Super $20,000 an thoh maw thoh lo.

$20,000 a thoh mi hi ATO a hleng maw? A thoh lio ah a income a zor taktak maw tbk in biahalnak nan tuah hrimhrim hna lai an ti hna. 3. Rian tuan bu le income a zor lo buin inn
cawk duh ruah ah na Super $20,000 na lak ahcun bank nih tangka an cawih kho lai lo
tinak a si. 4. Inn cawk a cang mi na si ahcun na super $20,000 na lak thawng in refinancing (Tangka cawi than nak) caah a hnursuan te hna lai ti a si. Refinancing ti mi cu kum 30 ca cham ding in inn na cawk cuahmah lio ah kum zei maw zat na pek hnu ah bank dang ah interest (attu) a niam deuh caah tangka cawi thannak tuah mi khi a si .

Acunglei ruangah hin bank tampi nih kan minung pawl ka sin ah a ra mi hna kha tangka an cawih duh hna lo. An super lak mi khah an bank deposit ah an chiah i mah cu bank nih an pom hna lo tiah Mortgage Choice i broker a si mi Rob Lees nih a chim. Cu pin ah, ralrin ding mi cu ATO nih a thar in kherhlainak an tuah cuahmah cang ti a si. Abik in, $20,000 a thoh mi paoh tha tein an riantuan ning record an zoh dih lai ti a si. Ahman lo buin $20,000 a thoh mi paoh $24,500 leng dantat an si lai.Atu tiang ahcun ATO nih super thoh ruangah dantatnak mi zei hmanh a pe rih hna lo ti a si. Catialtu: Sang Hre

By Chuncha