CNN I Chief International C A Simi Clarissa Ward Hi Ralhrang Bawm Tu Asi Le Silo Fiangternak

CNN I Chief International C A Simi Clarissa Ward Hi Ralhrang Bawm Tu Asi Le Silo Fiangternak

Vawleicung thawngthanhca minthang CNN  i Chief International Correspondent a simi Clarissa Ward cu Myanmar ram ah a ra i thilsining a rak hlathlai. Ralhrang bawi rual he an i tong, mipi chungin micheukhat zong a ton hna, bia a ruah hna.

CNN Reporter Hi Ralkap Lei Tang A Si Maw?

Clarissa Ward cu Myanmar ah a ra timi thawng RFA nih a tialmi cu mi tampi nih kan lawmh, ramchung thil sining fiang tein vawleipi theih ah a phuan, a langhter cang lai tiah kan i ngaih. Asinain Indiana, US ah a ummi pakhat nih cun “Mah nu hi ralhrang nih rangka an pek i anmah thatlonak khuhpiak dingah an sawmmi a si tiah ka ruah” tiah Mirang holh in comment a tial. A si ngai hnga maw tiah ka hei ti ko. Asinain “ralhrang nih anmah thatlonak khuhpiak dingah tangka phalh in an sawm” timi bia hi a hmaan ko lo hlah maw tiah ruah ding a um.

Yangon residents snatched after visit by CNN crew 'being held at military  interrogation center' | Myanmar NOW

A ruang. Pakhatnak: Ralhrang nih anmah sualnak le thatlonak a phuangtu ding cu Myanmar ah an luhter hrimhrim lai lo. Pahnihnak: Myanmar a phak in ralhrang nih an don, tha tein an zohkhenh, a kalnak kip ah an cawngh! Pathumnak: A tonmi le bia a ruahmi cu pakhat hnu pakhat in ralhrang nih an tlaih lengmang hna!

Hi a cunglei pathum ruangah hin Clarissa Ward cu mipi lei ah tang loin ralhrang lei tu ah a tangmi a si tiah chim khawh a si. Cun a biapi tukmi pakhat a um rih. Cucu RFA nih CNN sinah biahalnak a tuahmi a si. Clarissa Ward nih bia a ruahmi hna an tlaih lengmang mi hna kong he pehtlai in RFA nih CNN i chimnak nawlngeitu Jonathan Hokins cu “Hihi zeiruangah dah a si?” tiah bia an hal.

Jonathan Hokins nih cun email in a leh hna. “Clarissa Ward hi Myanmar ralkap nih an onh caah Myanmar ah a phanmi a si. Ralkap nih cawngh buin thawngpang a la. An tlaihmi hna hi CNN he bia aa ruahmi an si taktak maw si taktak lo ti kan theifiang rih lo. Hi kong he pehtlai in Myanmar ralbawi hna sinah thilsining kan hal lio a si”.

Mit in a hmutu hna nih Clarissa Ward nih bia a ruahmi hna cu ralhrang nih an tlaih hna tiah an chim lengmang ko. Cu buin an tlaihmi hna hi CNN he bia aa ruahmi an si maw si lo kan theihfiang rih lo ti cu a dik ti lo. CNN le ralhrang hna karlak ah hnatlaknak pakhat khat cu a um ti a fiang. Cu ruangah hi nu hi a hrial bak in hrial ding. Myanmar in chuak tiah a min in auh i lamzawhnak zong tuah ding a si.

Note: Ka tialmi hi a palh zong a si kho, asinain atu tiang thil umtuning zoh ahcun a hmaan ko. Social Media zongah keimah bantukin a ruatmi hna nih Mirang in siseh, Kawl in siseh, Lai in siseh a tial/post mi an tampi cang. By. Van Bawi Lian

Relchih: Dihriam tein mipi 600 leng an kan thah hnu le an thazaang dih um nak hmang in mipi an kan doh hnu ah kahnak kan ngol lai timi cu mipi lei nih cohlan bak lo ding si. An mi lemnak a si. Thih dih le an ci mih lai an tih caah hi bia hi an chimmi a si.  Ralkap nih zahan zan ah rampi theih in thawng an thanh.

April 1 in 31 tiang kahnak kan ngol chung lai tiah an ti. An chim duhmi cu i kaap ti hlah sih tinak si. Hi kong ah micheu nih cun US lei in CNN media an phanh ca ah a si an ti. Mi cheu nih tlangcung hriamtlai tuk ah thazaang lak a duh caah a si an ti ve.

A zeibantuk hmanh si ai kun. ralkap nih an tha um eknak chuah in heh tiah thlapa thla hnih chun meithal le bomb hmang in mipi an kan thah. Dihriam tein an duhmi poh an tuah. Sualnak ngei lo an thah hna. An takpum tiang an khuai hna i mi chungril an lak.

Ngakchia le nu fapawi lio tar thlu loin an thah hna. Si nain mipi thinlung ah sungkhannak a um lo. Tihnak a um lo. Mipi an dir cang biatak in kah le doh an timh hna. Ralkap zeimaw zat mipi kut in an thi len cang.

Atu an tha a dih lei sang ah kahnak kan ngol lai an timi cu mipi an kan lemnak bak a si. Ralkap sining kan theih dih. An ti khawh lio caan cun thlachiat an ruat lo. An ti khawh ti lo cun heh tuah mi kanh an i zuam.

An tihmi poh he remnak an tuah an nek deuh mi poh zei ah an rel hna lo. Atu mipi he i kah rih lo ding a timi zong hi an ci mih dih lai le thih dih lai an tih caah a si. Cun thil a um kho rih mi cu hriamtlai phu pakhat hrawng nam a duh ca zongah si kho. Tahchunnak nihin ah Rakhine ram ah ralkap tampi a thlah. AA nih an ngiat ziar ko hna. Cucaah mipi lei nih ngol bak loin heh tiah kah le doh chih ding si. An dong cang an tla thluahmah cang. Ralkap tei kan duh cun atu an der lio caan teah kan tha umnak dihlak chuah in tuk ding si.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.Thawngpang kan tialmi hi careltu mipi caah thathnemnak si hram seh tihi kan itinhmi asi.

Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

Leave a Reply

Your email address will not be published. Required fields are marked *