The Chanland Post CNLD miphun party; Thantlang CNLD cu vei media phu nih reform an va tuah hna ti a si, anmah pawl khi zeitik party member an luh zong kan thei cio lo. Lakhruak in an party biaceihtu ah an cang ko.

 

Candidate zong CEC lawng nih fehter khawh a si an ti tawn nain anmah media phu nih an an uar deuhmi nu pakhat kha rianrang in an khumh i ‘no.1 in aa cuh lai’ tiah an fehter colh, EC vote thlak zong a um lo. An mak ko. Party member hmanh a si lomi nih party pakhat reform tuahnak nawl an ngei cu ka khuaruah lei a har.

Tuhnu cun CNLD party cu Chin miphun party tiah auh ti hlah u, The Chinland Post media phu Mang Hre Lian le Ngun San Aung nih chukcho mer khawhmi The Chinland Post CNLD party tiah rak auh cang ko u.Credit: Salai Lungthli Tum

Relchap<< Nihin a cang mi hi thaizing caah kan tuanbia a si than lai caah kai save ve rih lai. Hibantuk thil hi cu mipi hmai lang lo tein Miphun party nih rak tawlrel kho sehlaw tha tuk hnga. A tawlrel kho le a lungsau mi Hruaitu zong kan si a herh.

Thim laiah buainak chuahter ngamtiang dirhmun kan phak hi miphun dawtnak kan ti mi a muru takak kan kilven khawh lo le lungsau lo a si ko tiin ka hmuh. Ceu Bik Thawng zong a palhnak um kho. Nain tutiang thawngpang ri in kan zoh asi ahcun Thantlang CNLD cathanhnak chungah statment a pical lo mi bia a um. Tam kan chim duh lem lai lo.

Cun Miphun party chungin Upa bia ah bia dawhcah lo taktak Zuding pa i ti hi CNLD dignity pi kilven lo le Miphun dirhkamhnak tlinglo ah ka ruah. Thantlang CNLD dirhmun pumpak dirhmun defend nak men lawng asi. Quality thatha kan ngei ko lai. Kan fimnak lawng si loin kan behaviour hrim in Miphun aiawhtu asi mi hruaitu nihcun miphun kan kilkamh a herh. Chimduh mi cu upa sawhsawh hmanh nih cubantuk bia cu chimrel dingah kan i thlachiat tawn mi bia asi.

Hruaitu tha nihcun buainak hi a handle zia an thiam i an thin an thumh deuhdeuh. An quality thatha an chuah chinchin. Buainak le thil har nih Hruaitu puitling sinak an quality a langhter deuh tawn. A tlaungtlam mi kong ahcun hopoah nih handle khawh dih asi. Party ciocio lakah Miphun party ko nih hibantuk kongah i kilven a herh khun fawn.

Tinhmi cungah thil tha kan duh dih. Nain a dik mi taktak thil tha a chuah pitu cu a dikmi ruahnak le khuakhannak cungah exactly right biachahnak peng hi asi. The difference between success and failure is the difference between doing exactly right and almost right ti hi asi. Almost right hi exactly right ah kan ruah sual tawn tawn tikah buainak le hlawhtlinlonak failure cu a chuah ter tawn i exactly right nihin success taktak cu a chuahter tawn. Zeidah exactly right cu a si te lai timi a lang te ko lai.

Miphun party nih hibantuk kan tawn lengmang mi hi hruaitu chung lila ah miphun dawtnak tling taktak kan ngei hna maw ti hi ruah loawk a tha tawn lo. Hmailei ahcun a fit milawng si loin behaviour lei zongin miphun kilkamh khotu zong zoh chih thiam kan herh ngaingai lai. Hi kongah kan lung tha cio lo.Catialtu: Al Bik Lian Zathang

By Chuncha