Pu No Than Kap hi cu a pasal ve hrim ko. mipi zong nih an uar hrim hrim mi hi a rak phu ko rua, Kawlram thimnak cu a naih cuahmah ko cang, mah si khawh tawk in party cio tan lak cio asi ve cang. Kan Pu Than zong khual a tlawnnak ah mipi nih sunglawi ngai in an don, an conglawmh mi hmuh asi tikah lawmh a um ngai. khuami hna nih akalnak hmun ah vok in siseh, caw zong in amah upatnak an pekmi hi a sunglawi hringhran. amah zong nih na kan dawtnak hi kan philh hna lai lo tiah bia a roh hna.

Pu No Than Kap zei maw zat khualtlawnnak pawl an langter mi kan theih khawh tawk kan rak khomsuatnmi hna an si. Khuate lei an lungput hi uar an um ngai hna.  Hmawngkawn in Pu No Than Kap Vawk An Thah, September 25, 2020, Tuini Hmawngkawn Khaw Thar ah, Pu No Than Kap cu vawk thah a si ih khawsen in ruai hilpi a si. Cutin lungawi aipuang in can an hmang tlang ti thuthang dawn a si.

Tibual in Pu No Than Kap Caw Thah; Tibual khua in Mizan ah Pu No Than Kap CAW an thah. Tibual hi High Shool tlawng, Palik Sakhan le Sizung umnak a si. Inn 30 hrawng an si. Tibual khua hi an tlom te nain an lung a rual bak, CNLD in a cuhmi an Pu No Than Kap caah cun uimi zeihmanh an ngeih lo ti hi hmuh khawh asi. khua hmete an si nain an lungput cu tihzah upat an tlak ngaingai. miphun an dawt ning an langter mi hi uar an um ngaingai.

Bualkhua in CNLD Hotu Pawl Vok Thah; September 15. 2020 Tuini Falam peng Bualkhua ah Pu No Than Kap (Falam Pyine Hluttaw MP Candidate), Salai Ngepi Thian Uk Thang (Amyotha Hluttaw MP Candidate), Falam CNLD nubu sungṭuan Nu Van Nem, Mino sungṭuan Salai Shalom le Mai Mawi Mawi pawl cu Bualkhua an feh ih vok thah in ruai an kilpi. #Meifar

2020 Hrilawk: Party Le Mipi: Ziangvek Party khal thil sual tuah dingih dinmi Party an um lo ruangah an ṭha thluh. Asinan, Party tumtah mi le hnatuan dan an bangaw lo. Tumtah bangaw lo Partypawl lakah Chin mipi in kan ṭan ih kan dinpi mi an bangaw lo lala. Hi zawnah, Kan dinpi mi party zohin ziang lungput kan nei ti awlten theih a theih. Thimnakah, Chin Party maw Hnamdang Party kan dinpi timi zohin, kanmai miphun maw hnamdang kan rinsan deuh ti theih a theih.

CHINRAM ih kan theih larbik Party 3: USDP, NLD le CNLD thu: USDP cu democracy uknak neih duhtu ralbawi hlun Gen.Theinsein ih ho pawlin June 2, 2010 ah dinmi a si. NLD cu democracy duhtu Ralbawi hlun Brig. Gen. Aungkyi, Gen. Tin Oo le Aungsan fanu Pi Sukyi pawlin Sept 27, 1988 ah dinmi a si.

HMINSIN: USDP le NLD an pahnih in democracy duhtu veve, ralbawi pawl thawn dinmi Party an si. 3, CNLD cu Chin party 3 (CPP, CNDP, CLD) kawm, Ralkap tel lo Chinmi rori ih dinmi, Chinram le miphun damnak thupi bikih rettu, democracy hmanah Unitary timi Central uknak thawn feh democracy phun si loin, Federal dan thawn feh “Federal democracy” duhtu a si. Din ni September 29, 2018 (1988 ih rak dinmi thawn a bangaw lo. A hmin lawng a bangaw).

SAWMNAK: Democracy timi cu “Mipi uknak lole Mipi thuneihnak” a si bangin, hrilawk a naih ih Party khat le khat zuamawk tikah, mipi hnenah thudik le tumtahmi (tuah thei taktak a si le silo cu thuhran) sim le puansuah hi MIPI UPAT le ZAHNAK langter a si. Democracy duhtu cun mipi thupitzia thei in, mipi upat le zah kan zir a thupi. Hizawnah, Mipi cu awkam nemten biak le thusim men a tawk lo, thinlung thiangten duhsaknak thawn an theih ṭul taktak mi thudik fiang ko sim ding a si. Midang Party le an hotu thuhla sim le rel a ṭul can khalah, bulpak thangsiat tumnak (*Holier than thou, *Nang hnakin ka thianghlim deuh, timi lungput) thawn zumhmang thu men sim ding a si lo. #An policy le kan policy *tahṭhim ih sim sawn a ṭha. #Hihi upat tlak mipitling tidan a si.

CHIN PARTY: CNLD in Chinram le miphun lawng silo Rampi thu khal ruat in a buaipi. Party dang thawn rualpi tuah thu ah, Tlangmi Partypawl cu rualpi ah ret cia in thu reltlang ringring a si. Tunai August 24-25, 2020 khalah ni hnih sung totlang in thurel khawm a si. Hmanseh, Kawl party kawp ding thu relcat mi a um lo, MP cuhnak ding cutawk khatawk hmun in kian uh, timi khal CNLD in a nei lo.. Party (Kawl) zaten anmah le an Party tumtah mi vekin an feh cio.

Hi thu ah, Mai zumnak menin CNLD cun cumi khami Party a kawp (kawp ding) ruangah, cu tawk kha tawk hmun an kianaw tivekin mipi hnenah thuphan sim lo a ṭha. CUN, Chin Party le an hotu cun Ralkap an kawp (kawp ding)” tin sim tahratin, “CNLD nan vote le tu hlan bangin Ralkap in Kuli an lo phurter dingih nan taw an lo thawi rero men ding.. tivek umze nei lo mipi lungthin buaiter thei sim khal hi bansan rori a ṭha.

Chin party lam khalin, Chinram le miphun humhalh le tungding dingih dinmi CNLD a sinak diktak hi a thei hrih lo pawl hnen khalah taimazet le ralṭha zetin puang suak rero tluktu a um lo ding. CHIN cu Hnam upa le Phunsang kan si bangin, MIPI zah le upatnak thawn, pitling lungput neiin 2020 hrilawk ah thianghlim zetin zuamaw vutvo uhsi. Hihi democracy nawmnak pakhat a si. By Pu No Than Kap

By Chuncha