December 22, 2011 lio- CNF Emergency Conference kong analysis ka rak ttialmi, bukbau ah ka hmuh tthan i, a rel huammi caah kan hrawm hna. “2011 CNF Emergency Conference” a dih hnu ah “CNF Kong” cu “CNF statement, The Supreme Council Chairman biacah, Pu Victor Biak Lian catialmi pin ah Khotumnung News le Chinland Guardian nih a tialmi lawng hi kan rel khawhmi a si rih. Chinland Club, laiforum, le Chinland zong ah mipi lei hmuhning pikmak nih an tialmi zong rel a si. “CNF cawlcanghnak” hi Chin Miphun dihlak caah, ram chung an si ah, Ram leng ah kan si ah, “Chin Politic” ah a kengruang ruh (back bond) bak a si. Cucaah, CNF cawlcanghnak cu teinak hmuhnak caah a biapi i, Chin Miphun lungrualnak ca zong ah a biapi, cu pin ah Chin Miphun sinak Identity ca zong ah a biapimi ramkhel riantuannak BU pakhat a si.

Chin National Army Ralkap Hla & CNA Camp | INPUI: Hmar News & Info

2011 CNF Conference hnu ah thawngpang le capar, asilo ah ruahnak a chuakmi chung in Chin Politic a chung muru a langhter khotu “quatation pahnih ka thim. Pakhat nih CNF hruaitu quality a langhter i a pahnihnak nih CNF cawlcanghnak he pehtlai in “future Chin Politic” dirhmun mitthlam a langhter tiah ka hmuh.

A pakhatnakk quotation hi rel hnik usih: A rak kai mi hna zong an mah le an khuaram ah khua nu khuapa dirhmun tak tak ah a dirmi hna an si i, micheu cu CNF a rak duhlo tuk mi zong tiang ka vun hmuh tik ah ka khuaruah a har hringhran.” Victor Biak Lian .Pu Victor B.L nih a chimmi ahhin, atu lio CNF hruaitu lungput le an quality a langhter ngai tiah ka hmuh. Chin miphun chung ah nulepa dirhmun tak in a dir khomi upa vialte hna, CNF Emergency Conference Meeting kai kho ding in, CNF upa nih an sawm khawhmi hna hi teinak pakhat a si.

CNF Demands Halt to Clashes on Chin Land | Burma News International

Pahnihnak ah “CNF a rak duhlo tuk mi zong tiang ka hmuh tik ah ka khuaruah a har” a ti. “CNF a rak duhlo tuk mi” a timi hna hi zeibantuk minung dah an si hnga timi hi dikthliar in theih khawh a si lo. CNF hrim hrim hi a um a herh lo’ a timi maw an si? CNF cawlcanghnak hi a dik lo a timi maw an si? CNF policy hi a tha lo” a timi dah an si hnga, timi hi a fiang lo. Zeicatiah, CNF duhlo’ timi hi a huap khawhmi a kau ngaimi a si. Asinain, zeibantuk minung an si zong ah CNF a duhlo tukmi an si buin CNF Emergency Conference kai kho ding le kai duh ding in CNF upa hna nih an sawm khawhmi hna hrim hi “teinak lianpi” a si cang timi hi mah catialmi nihin a langhter ngai.

Cucaah, Pu Victor catialmi nih tutan CNF hruaitu hna nih lungrualnak hi an duh hrim hrim ko timi le, CNF cu Chin miphun vialte ta a si timi lungput he, mipi thinlung a teitu an sinak, CNF hruaitu lungput le quality a langhter ngai in ka hmuh. A kan duhlo tiah hmuhmi, kan ral a si tiah ruahmi, a kan dotu a si tiah hmuhmi hna, an inn chung or an chungtual politic ah luhter in hmailei riantuan tti ding in ifunnak a tuah khotu leader (hruaitu) hi Laimi nih zeitluk indah kan herh. Kan herhmi leaders, an si zia le an tlinh zia hi mah catialmi nih hin a langhter ngai ko. Pu Zing Cung hi hruaitu tha a simi timi endorsed tuahtu quotation a si tiah interpret ituah khawh a si.

Lieutenant Uk Lian Thang ( Chin National Army) - YouTube

A pahnihnak Quotation hi rel hnik usih.“Ziah kum 23 chung, Dothennak atuah ciami Bu pakhat nih, atu ah UN System an hman hnga?…. CNF/CNA ah hin HRIK aum asi hnga maw….Kei nihcun hi ni hi CNF tuanbia avaivuanh ni tiin, ka hmuh i ka palh ahcun ka ngai thiam hram uh.” Pu Lian Cin (Aa Ngun Pa).

CNF muisam thar an sermi ah body pathum in an ser. The Supreme Council, Central Committee le Central Executive Committee tiah an ser. Mah body pathum ahhin Chungttuantu taktak (Key Player) cu CEC hi an si. CEC ah chungtel dihlak hna cu CNF body hlun ah chungtuan tthiam thiam kha an si ko hna. Cucaah, CNF Conference hnu ah body thar an sermi ahhin CEC cawlclanghnak ah chungtuantu taktak cu CNF body hlun ah upa thiam thiam nih an hruai ko hna lai. Amahbelte cu a lengleimi upa, mifim tampi itel khawhnak caah “The Supreme Council Body le CC body hi an ser chapmi hi a si. The Supreme Council le CC body cu CNF a tthawn deuhnak ca lawng siloin CNF le Mipi ipehtlainak ah zumhnak/trust a um khawhnak hnga caah sermi sisehlaw a dawh bik.

Chin National Army - Photos | Facebook

CEC cu CNF cawlcanghnak ah riantuantu taktak an si i, CEC ah chungtuantu vialte zong hi CNF upa hlun lawngte an si ko bu ah atutan CNF muisam thar hi “CNF vaivuannak tuah” hmuhmi hi CNF body ah a teng-nge the Supreme Council le CC ah upa a ttuan dingmi cungah zumhnak (trust) an ngei lo ning hi a langhter ngai tinak a si. CNF body hlun kha a ttha ko. Hlan an kalning hi a ttha ko. UN system bantuk in kal hi vaivuannak a si lai tibantuk ruahnak a ngeimi hi hlan ah CNF supporters tampi nih an ngeih khawhmi a si. CNF cu miphun kip cawh in ttuan a herh lo. A huammi vial le a pumpemi vial nih ttuan ko hna seh timi (exclusive idea) a ngeimi hna nih tutan CNF structure thar hi an duhlo ngai kho.

Kamlo Lai Ralkap - CNA Chin army. - Chin National Army | Facebook

Cucaah, CNF sersiam tthan hnu ah “Future Chin Politic” ahhin CNF ah hrik a um ruang ah CNF cu sersiam tthan a si. UN system bantuk in CNF kalpi cu “vaivuannak a si lai” tiah a hmumi le ruahnak a ngeimi vialte nih CNF an dirpi ning aa dang kho ngaimi a si i, hlan ah CNF cawlcanghnak an rak ttanh bantuk in ttanh ti lonak nih mipi le CNF ipehtlainak a vaivuantertu an si kho ngaimi a si. Cucaah, Pu Lian Cin nih a rak ttialmi nihin “future Chin Politic” ah a um khomi, “internal political conflict” a um kho te dingmi hi a langhter ngai tiah ka hmuh.

Note: Mah ca ka tialmi hi personal attack siloin future Chin Politic mitthlam cuannak cu current issue le capar le thawngpang chung ah catialmi zoh chih in “analysis” rak tuahmi a si. Hmuhning chimmi a si i, minung hmuhning cu aa palh khomi a si caah, nanmah hmuhning cio kha nangmah caah cun a dikmi a si cio ko lai. Nain kan tialmi nih ruahnak (thinking) an pek hna ahcun, hmailei riantuannak ah iralrinnak petu a si kho ngaimi a si.Credit:Zasang Cinzah

By Chuncha