CNA Ralkap Paletwa An Phan: A luan cia thlathum hrawng ahkhan CNA (Chin National Army) hna cu thlanglei Chinram Paletwa an phan tiah theih a si. “Captain Ngin Vung hruainak in CNA ralkap Battalion 2 hna cu kan hnu thlathum hrawng in khan Paletwa ah Camp va sak dingin an kal cang i, Kawl ralkap nih warning an kan pek lawng si loin, Kawl ralkap siseh AA ralkap si hna seh CNA caah ral pahnih ngei bantuk kan si caah CNF Headquarter lei zong timh cia tein kan um ko” tiah Camp Victoria a ummi CNA ralkap minlanghter a duh lomi pakhat nih Rawn Chin Post ah a chim.

CNA ralkap Paletwa an kal kong he pehtlai in CNF bawmtu Chinland Club member Salai Cung Thawng Lian nih “CNA ralkap Paletwa an kalmi hi AA le Kawl ralkap i tukdohnak ruang ah Chin miphun kan tuar tuk caah, zeiti tal in khi kaa lei ah kan cawlcang kho hnga maw tiah an kalnak a si theo lai. Cun Paletwa ah CNA an um ve cang lai caah Chin miphun nih ral pahnih ngei bantuk kan si cang. 2012 lio CNF le Acozah remdaihnak minthutnak ah Paletwa cu CNA hmunkhuarnak ah sianh a si lo. Kawl ralkap siseh, AA si hna seh CNA he hin ruah loin i tukdoh kho dirhmun an si cang. Cucaah Chin miphun nih kan Chin ralkap caah thlacamnak le chawva he kan dirkamh chin hna a hau” tiah Rawn Chin Post ah a chim. Rawn Chin Post – Weeklynewspaper Photo credit

Thawngpang dang relchap: Fakthanh: Pembroke Primary School ah na fa rak kaiter ve , Parthlam zong a um: Pembroke Primary School cu Melbourne nichuahlei Laimi kan tamnak bik sang, Mooroolbark sang ah a um mi a si. Hi Siangniamruun hi Laimi a kan theithiam ngaingaimi an si. Cucaah kan herh tik caan paohah tiawktluk in kan rak hmanmi a si. Pumhnak, Crusade tuahnak, meeting tuahnak le Puai le thlacamnak tbk ah kan rak hman ngaingaimi a si. Laimi kan Fale zong Hi sianginn ah a kaimi an tam ngaingai.

Atu cu cozah nih bawmhnak a pek i Sianginn thar sak a si caah aa nuam i a tha ngaingai. Cucaah tulio thil sining hoih in saktharmi a si caah thilri a tling, system a tha . Cucaah kan Fale caah sianginn tha ngai ah a hung cang. Ramtha ahcun aakhat dih ko tiin ruah cio asi nain aakhat lo. Chanthar hoih in sertharmi ah sining tha deuh in sak le ser an si. Thilri a tlinnak le System a thatnak hi biapi ngainga mi a si.

Culawng siloin Hi Sianginn ahhin Laimi kan tam caah Laimi caah Ro sunglawi a ka sak piakmi zong a um. Lai Thlam tha taktak Laimi bak nih sakmi kan ngei. Lungthu tha tein phunmi le Vaamthluk a um mi Parthlaam tha taktak kan Fala nih kan sining an hngalh camcinnakhnga sak piak kan si fawn. Zoh a phu mi Parthlam a si. A satu zong an thiam taktak.

Cucaah Pemproke Siangniamruun cu Laimi caah fim cawmnak pinah le kan Nunphung fekthup in a dirnak sianginn a hung si. Rak zoh vete uu. A lengmi zeimaw kan hun tar. Kal colh na duh lai An Sianginn hi thawngthanhnak an tuahmi catlap tete zong kan hun tar. Hi Siangniamruun cu Laimi kan muisam a hun langhtertu a si. ACC-EM

By Chuncha