CMOC (Conditional Movement Control Order) Chuahthan Asi Lai: Selangor, Kuala Lumpur le Putrajaya hmunhma pawl cu caan sining zoh in chawhvah le cawlcangh cu phihkhar asithan lai, October 14, 2020 zaantim bak in thok le ot than asi lai. Humhimnak lei I tuanvo ala mi vuanci Ismail Sabri Yaakob nih Covid 19 zawtnak cases cu Klang, Petaling, Gombak and Hulu Langat ah akarh than ruang caah asi tiin achim.


“Hmunhma dang pawl ah hi zawtnak rungrul karh terlonak ding le ahlankan tein ikham/ven cianak ding caah ram humhimnak veng tu phu (National Security Council) zong nih Klang, Petaling, Gombak le Hulu Langat hmumhma pawl ah CMCO pehzulh than ding cu an lung atling ve” ti ah tuni facebook in ton I chimrelnak ah achim.

Note: Acung lei thawng thanh he peh tlai in iralring cio than han usih. MCO thok ka ban tuk kha asi ko ti khawh asi.
Siaherhnak he, CRC

Dr. Sa Sa nih a chim ning ahcun, NLD nih Campaigner caah ka min an vun langter bak in, ka lungrethei tak tak. Mah thawngpang hi ka nu le pa ka chim hna i, Ka nu nih, “ka fa, Sa Sa, zaangfahnak in politic ahcun lut hlah, mi tampi cu chim lo, hngakchia tiang nih an nih soisel lai i, an in thangchiat lai” tiah a ka ti. Kapa zong nih mah bantuk in Politic ah ka lut ding mi hi a duh lo. Atu rian na ttuan mi hi a tha ko, mah bantuk in rian ttuan peng ko tiah a ka ti tiah a chim.

NLD campaigner ding in an ka sawm hnuah, Lailenpi ah pastor hna cu politic ah ka lut lai maw lut lai lo kong cu saupi in an ruah.NLD party campaigner nih ka min an vun langer hnuah fakpi in thlacamnak ka ngei. Pathian sin ah thlacamnak ka ngei hnuah fiangtein ka thei mi cu, kei hi Mara caah le Chin state caah rian ttuan ding in Pathian nih aka duh piak mi lawng a si lo.NLD Center lei ah hruaitu zong nih, ‘kan nih cu kan upa cang caah NLD caah rian fakpi in kan tuan khawh ti lo i, cun nangmah (Dr. Sa Sa) nih ramleng zong ah siseh, mi tampi thei mi na ngei i, US zong siseh, World Bank  zong ah siseh, UK zong, Japan zong, Austrialia zong ah, politician thei mi tampi na ngei caah tiah fakpi in an ka chim.Atu cu Myanmar caah pathian nih aka duh piak mi asi caah mak bantuk in NLD nih campaigner caah an ka sawm mi ka cohlan mi hi asi tiah Zoom biaruahnak ah achim. Credit: CP Thawngzaam

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chunchanews Editor.

By Chuncha