Dr. Irene Nunuk cu Michigan State University College of Human Medicine ah si lei kum li chung a kai. Cu dih cun Medical College of Wisconsin ah Internal Medicine in residency kum 3 chung a cawng. Mah dih cun St. Louis, Washington University ah Kal lei (kidney) specialist in kum 2 chung a cawn tthan hnu ah Indianapolis ah rian ttuan ding in a rak ii thial. September thla in Indiana University School of Medicine ah Assistant Professor (full time) ttuan ai tim. Southside lei zong ah IU Kal lei clinic ah a ttuan chih lai. Kanmah Chin mi chungin hi bantuk Sibawi Professor tuan khomi kan ngeih hi nan ilawm tuk cio theu lai, tiah ruahchannak kan ngei. Kan fanau te tampi caah zohchunh tlak taktak a si ko, Bawipa nih damnak le thiamnak chap chin hram ko seh! Chin mi tampi khua kan saknak Indy khua ah a rak rat caah CCI upa hna zong a cungah lunglawmhnak tampi kan ngei. Credit: CCI

Thawngdang ,,, Tuchun 21 Panglong Assembly Gen. Min Aung Hlaing nih “Ralkap hi Meeheh lu taar in Uico sa rak kan zuarh hlah Uh” tiah a chim. Zeidah a chim duhmi asi? A sullam zeidah asi? Kan Lai group media ah ” Min Aung Hlaing nih Hriantlai pawl cu Meeheh lu taar i Uico sa zuar pawl ansi ” tiah ati hna tiin an leh. Zeizawn te khi dah an lak hnga? Kei ka hmuh ning ahcun Gen. Min Aung Hlaing nih Tlangcung Hramtlai pawl a ti duhmi siloin Daw ASSK le NLD acozah kha a ti hram hna tiin ka fiang.

Khah! Abia ning tein kan zoh hmanh hna lai. Hramtlai phu pawl hi Acozah Uknak duh lo ruangah Cozah a dotu ansi. (Ralkap duh lo ruangah Hraimtlai mi ansi lo. Pasahpalah Cozah Uktu an duhlo ruangah an doh. Hraimtlai hi Ralkap duhlo nakin aa thokmi asi lo tikhi a chim duhnak asi).Ralkap le Tlangcungmi hraimtlai karlak ah a chuakmi buaibainak hi EAO (ralkap le Hraimtlai phu) an mah karlak buainak men lawng asi..kan nih Cozah he kan i san lo tiphun i um, an karlak ah daihnak kan ser piak lai tiphun i Refree bantuk in nan um awk asi lo. A ngaingai tiahcun Tlangcung Hraimtlai phu pawl hi Naingngandaw le Cozah a pehpeh an doh mi asi. Kan nih ralkap cu Nainngandaw le Acozah vengtu hna kan si……Meeheh luntaar in Uico sa rak kan zuarh hlah uh”….

Gen. Min Aung Hlaing A Chim Duhmi Sullam;Thiltha (meeheh lu) poh NLD Cozah nih nan i lak i. ThilchIa (uico sa) poh ralkap nan kan puh.
A chia poh ralkap ruangah asi. Federal le Democracy asi khawh lonak zong ralkap ruang ah asi tiphun in nanmah cu mark sang tak nan i pee i ralkap cu a chia cem uico sa nan kan hoih peng. Kanmah ralkap ruang lawng ah asi lo nanmah Acozah ruangah asi bik… ti khi a duhnak cu asi ko.
A fiang cemnak i chim ahcun….Federal Democracy asi khawh lonak hi kan mah ralkap ruang lawng ah asi lo nanmah NLD cozah ruang zongah asi ve…..tikhi a chim duhnak asi cem….NLD Cozah ca ahcun i kual lentlak biafak taktak khi asi tiin ka ruah. Nang teh zeitin na fiang ning asi ve.Kei Ka fiang ning cu mah kha asi koo.Credit:JacobR.Thang.

By Chuncha