US official pakhat Taiwan a hung tlawn lio hna a si ko zongah, Taiwan cung i kan nawlngeihnak kilven kan duh caah raltuk kan cawn hi a si, tiah China nih a chim. US le China karlak buaibainak a linhsat saling ah China nih kuangfang (live fire) taktak hmangin raltuk cawnnak a tuah hnawh ve. Taiwan hi ram tengnge pakhat ah kan i ngeih mi a si, tiin China nih a chim. Taiwan a vung tlawngmi US official hi Keith Krach a si.

Chinese Army Soldiers Training, PLA Army men Push-up Training Pictures

US le Taiwan hi an i kawp riangmang le heh tiah hnahnawh an kan pek, tiah Friday ah khan China defense ministry aiawhbiachimtu Ren Guoqiang nih a chim. US nih China hi control a kan duh caah Taiwan hi ai hman.US hi amah le mah thawnter chinchin ai timh caah ramdang pawl i bochan phun in ai la. Cucaah, mei he lente ai celhmi paoh cu kangh nan i huah ve ko la teh aw, tiah Ren nih a chim. Tutan raltukcawnnak ah hin China’s the People’s Liberation Army an i tel i, an ram a nawlngeihnak le a covo kilven duh ruangah a tu bantukin raltuk an cawnnak hi a si, tiin theih a si.

China Army: Chinese military doubles new recruits' training period to  improve combat readiness - The Economic Times

Taiwan in southwestern rilikap hmunhma ah ni 2 chung biatakthlaak in raltuk an cawng. Saturday i an tuah te ding mi tleicia Taiwan president Lee Teng-hui a min philhlonak puai ah tel ve dingin US undersecretary of economic affairs Mr Krach hi a vung tlawn hi a si, tiah US nih a chim. Friday chunhnu khin Taiwan president Tsai Ing-wen he zanriah dumtinak an ngei te lai.  Asinain, biaruahnak an ngeih dingmi kongah media an hmang tuk lem rua lai lo.China le US pehtlaihnak a chiatkhat lio cem caan ah khual a vung tlawn hi a si.

America's greatest advantage against China is slowly eroding

2018 lio i trade war an i dohtonh pinah, coronavirus ruang i US nih China sual a phawtmi siseh, cun US ah a ummi lunghrimhmi Chinese spy (thohhlanzi) pawl US nih tor le cheng a tlaihmi hna kongah China nih biatak tein a thang a chiat ve. US nih hin diplomat phung tein cun Taiwan he pehtlaihnak a ngei lem lo nain, 1979 Taiwan Relations Act tangah US nih Taiwan sinah a hriamnaam zorh khawhnak lam ai ngeih ve i, cu ti caantha ai ngeihmi te cu US nih ai hman ve i thukdeuh in Taiwan he pehtlaihnak hlei a vun donh chap khawhnak hi a si.

Kan hnung thla i US cabinet member pakhat nih Taipei ah President Tsai a tonmi kongah China cu a thin a tlok in a tlok. China le US kan i pehtlainak a hrawk kho tu thil hi US nih hrial nan duh ko ah cun, Taiwan i a independence dirhmun he ai pehtlai in ningcanglo piin karhlannak tuah sual lai ci, tiin China nih US cu ralrin a pek. Credit:Chelsea Bawi

Photos Of US Military Training - Business Insider

 Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha