China Nih Kachin Ram A Rak Ngiar Hnawh Cem Mi A Ruang. Kachin Ram Hi A Rak Mak Taktak Asi

China Nih Kachin Ram A Rak Ngiar Hnawh Cem Mi A Ruang. Kachin Ram Hi A Rak Mak Taktak Asi

Kachin ram hi Shan nakin tampi a hme nain an ram chungah thil mansung tampi a chuak, cucu an vnathatnak a si. Lungvar, sui le ngun lawng a si lo. Vawlei man ngei (Rare Earth) timi zong a chuak. Hi Rare Earth hi China nih a lakmi a si.

China Nih Kachin Ram In Zeidah A Duh?

Tutan rambuai ruangah hi Rare Earth cawhnak ah din loin rian an tuan ko nain China lei kuatnak/phawrh dingah a him ti lo tiah China cozah thawngthanhca a simi The Global Times nih a tial.

Rare Earth hi phun 17 tiang a um. Zeicadah an hman? Rare Earth cu Handphone, Computer Hard Drives, TV tibantuk thil manfak phun 200 leng sernak ah an hman.

China Nih Kachin Ram In Zeidah A Duh?

Tha pek than khawhmi batttary, battary tha tloter nak thilri phunphun zongah hman a si. Cun Renewable Energy phunphun zongah an hman. Hybrid electrict hleika sernak zongah an hman rih. An hmannak a tam taktak. Cucaah Another Development for Burma hruaitu a simi  U Saw Frankie nih cun electrit bantukin hmanh khawh a si caah man a ngei tuk tiah a chim.

Hi Rare Earth hi Kachin ramkulh ချီဖွေ၊ ဆော့လော်၊ ပန်ဝါ၊ လွယ်ဂျယ် ah an cawh i ramchung company hna nih an tuan. Phungning tein a tuanmi an um bantukin phungning loin a tuanmi zong an um.

Vawleicung huap in China hi Rare Earth tam bik a chuahnak a si. China khawh in Vietnam, Brazil, Russia, India, Australia, Greenland, US le Tanzania ram hna an si. China hi an ram ah Rare Earth tampi a chuak ko nain minung an tam tuk caa an i za lo. Kumtinte ramdangah a cawk lengmang. Kum 2020 ah khan China nih ramdang Rare Earth Ton-47000 a cawk.

Global Times nih a tialning ah cun 2020 ah khan China in Myanmar ah Rare Earth Ton-35500 a cawk i 2019 lio nakin %23 a tam deuh. Ramdang ah a cawkmi dihlak i %74.39 a si ti a si. Malaysia ah 17.06 le Australia ah 4.46% a cawk.

China lE Myanmar cu rampi saupi an i tlai, cu chimchap ah ramri ramkulh a simi Kachin ah Rare Earth cu hmu hna kaw phungningin siseh phungning loin siseh China nih a tuan thluachuah ko.

Kachin ramkulh lungkhur zung nih phungning tein Rare Earth cawh khawhnak nawl a pekmi ramhchung company pahnih an um. Myanmar Myo Ko Ko company nih vawlei ekah 140 renglo chungah hmun 5 ah an cawh. Shwe Sapa Lungkhur cawhnak company nih vawlei ekah 150 chungah an tuan ve.

Hi Rare Earth kuatnak/phawrhnak lam le Gas pipe line pi hi hrawh ahcun Myanmar ramkhel buainak zeimawzat aa thleng kho. #RFA

Relchih: Ralkap uknak a rawh nak dingah Kachin Baptist Church 400 renglo nih nifatin in thlacamnak kan ngei lai tiah KBC GS Rev. Dr. Hkalam Samson nih a chim. Thlacamnak cu April 1 khan an thok cang i thla dih tiang zingtin tein tuah a si lai tiah theih a si.

“Voidang ah cun zarhpi ni lawngah thla kan cam. Atu cu kan ram buainak kongah voidang bantukin si loin zingtin tein 7:00 am ah thlacamnak ngei dingin Church kip ah thanhnak kan tuah” tiah Rev. Dr. Hkalam Samson nih cun a chim.

Mah thlakhat chungah hin a karlak ah rawlulh in cam caan zong a um lai. Thlcamnak i an i tinhmi cu Myanmar ah Federal rampi a dir khawh nak hnga, daihnak le zalonnak a um i tlukruannak a ummi ram a si khawh hnga, zeibantuk khongton uknak hmanh a chuah ti nak hnga lo le tlangcungmi dihlak hmunkhat ah lungrual tein kan um khawh nak hnga, ti hna hi an si.

Khatlei in kan zoh ahcun Kachin Baptist Convention pi hi Myanmar mipi leiah kan dir ko ti kan langhter zong a si tiah Rev. Dr. Hkalam Samson nih a chim.

Kachin miphun hna cu anmah Kachin ramkulh lawngah si loin Shan ramkulh, Mandalay le Rangon zongah tampi an um. KBC ahhin Church 430 renglo le milu sing 4 renglo an um. #Myanmar Now

Leave a Reply

Your email address will not be published. Required fields are marked *