US President a cuhmi paoh nih election lai ahcun cucu ka tuah lai, khakha ka tua lai tiah election campaign lio ah mipi lunglaaknak le lemsoinak ah an chim cio. Asinain a chimning bantuk in a tuah taktak mi nak in a tuah lomi an tam deuh lai tiah ka zumh. President cheukhat cu Election campaign an tuah lio ah mirum tampi sin in phaisa bawmhnak an laak, Media pawl duhning zawng in bia an chim, teinak an hmuh taktak tik ah phaisa a bawmtu hna, media lei in a bawmtu hna duhning loin rian an tuan ngam ti lo. Cucaah thil dik an tttanh ngam lo, media duhning le a bawmtu hna duhning lawng in rian an tuan.

They're a puppet of China': President Trump lashes out at World ...

President Donald Trump cu mirum a si caah aho bawmhnak phaisa hau loin election campaign tuahnak phaisa a ngeimi a si. President thla hlawh zong a laak lo caah tihding le mithmai zoh ding a ngei lo. A dik a timi cungah fek tein a dir. Aho mihmai hmanh zoh a tim lo. US ram pumpi thatnak lawng a tuakmi a si. Media mithmai le phaisa in a bawmtu mithmai zong a zoh lo. US rampi huap caah a tha a timi cu soisel a ton zongah a pah chih. Mirang,Minak Asia tiah aho mithmai a zoh lo.

US President Donald Trump urges China to reveal all about origin of ...

US ram pumpi caah atha a timi cu raltha tein a tuah. US ram caah a thatnak a si ahcun ramdang mithmai zong zoh a tim lo. Ramdang president ka si lo, US mipi nih thimmi ka si caah US mipi le US ram ca thatnak caah ka tuan lai ” tiah a chim tawn. A chim bantuk tein vawleicung khoika ram hmanh a tih hna lo. US ram thatnak caah cun ramdang mithmai zoh a tim bal lo.President Trump nih president a chuah hlan election campaign lio tein ka tuah lai tiah a chimmi chung in a tuah cangmi cu a tanglei ah ka thil chihmi pawl an si. Tuah a timh ko nain a tuah khawh rih lomi zong kan tial chap te lai.

President Donald Trump Nih A Tuahchuah Cangmi
1) Jerusalem cu Israel Capital ah ka cohlan lai a ti bantuk in a cohlan pin ah, US embassy cu Jerusalem ah a thial. 2) US tax petu hna phaisa hmang in nau thlak, nau thah, nau hrawh a pommi hna, International abortion tuahtu NGO le INGO pawl bawmnak a phih piak hna. US I Abortion a tuahtu Planned Parenthood pawl zong federal funding a phih hna.3) Obama nih a rak sermi transgender school law a thlen, public Sianginn I thlacam a ngah lomi phung zong a hrawh.

China shrugs off Trump's threat to sever bilateral ties - The Mainichi

4) Obama nih Iran duhning in an rak tuahmi, Iran Nuclear-Deal, hrawh taktak. Sanction zongh a tua chihh. Iran cu muslim ralhrang terrorist a bawm tu bik a si. Iran ah sipuazi a thli tein a tuahtu, Tuluk company Huawei company ngeitu i fanu, Meng Wanzhou cu Canada ah a tlaih ter hna I taza a cuai ter hna.5) America ram ah Oil/Gas a chuah I, middle east pawl a bochan tawnmi kha a dongh ter. America ramsung ah oil/gas tampi a chuah tik ah middle east pawl duh tawk in sanction a tuah khawh hna. 6) 1969 ah America ram ah rian ngei lomi, a tlawn bik le riantuantu an tambik caan sipuazi a tha bikmi caan a ser khawh.7) Christmas ah White House in “Merry Christmas” tiah vawlei pi theih in a phuan ngam. Obama chan ahcu Merry Christmas tiah a chim duh lo, Happy Holiday” a ti.  Obamacare ruangah, health insurance ngei lomi cozah nih dantat mi phung a thah.9) UNO ah Israel fek tein a dirkamh. Obama chan ahcun Israel cu dirkamhtu cu chim lo, mawhchiat an tong zungzal.10) Religious freedom act thar a tuah, biaknak zalonnak phung thar a ser, na zumhnak ruangah tazacuai khawh a si ti lo. Obama chan ah khrihfa cheukhat an zumhnak an dirpi ruangah thongtlak an tong.

No Plans To Speak To Chinese President Xi Jinping: Donald Trump

11) North Korea nih nuclear test a tuah tawnmi cu a zor ter.12) Khrihfa a thattu, an hngawng a phet tu hna, ISIS muslim ralhrang a thio dih hna. A thong in a thah hna. An hruaitu Abu Bakr al-Baghdadi zong a thah.13) Hlan lio North Korea ral ah American ralkap thimi pawl ruak USA phurh dih hna. 14) Supreme court ah conservative, Pathian zummi judge pa hnih a thut ter hna. 15) DACA law (human trafficking ah an hman) a thlen, ramdang mi a hlei in Latin leimi US ah a thli in a luttu pawl a zor deuh.16) US Cozah in mipi an temtawntu phung tampi a hrawh.
17. China he trade deal a tuah khawh. US nih China he chawhlehnak ah kum khat I, US $400 billion reng lo sung tawn. Asinain a ra laimi kum 2 chungah China nih US sin in US$ 220 billion man a cawk cang lai.18.President Trump hruainak in US, Mexico le Canada nih USMC trade deal a tuah khawh I, NAFTA a hrawh. US nih kum khat ah US$ 26 billion a hmuh chap hlei ah US GDP US$ 68.2 billion a kaiter lai.

Dollor Images, Stock Photos & Vectors | Shutterstock

19, US Mexico border wall meng 100 tluk a lim cang. Meng 90 a thar chuah. Mah ruangah rit si, mi tha lo, Gang le minung zual a zor. Nu tampi cu gang nih US ram chungah an luhpi hna I, an zuar hna. Mexico president thar he hnantlaknak laak in US le mexico ramri cu Mexico ralkap a conghter hna. Phungning lo lutmi, minung, gang le drug a zor. biakilh: Talkshow tuahnak ah ka chimmi chung in ka laak thanmi a si.”

Thawngpaangdang<<Democrats party minung tam deuh nih Joe Biden nak in New York ramukbawi, Andrew Cuomo cu President caah an duh deuh ti a si. US ram pumpi ruahnak an laakmi ah New York Governor nih 56% Joe Biden nih 44% lawng a hmuh. Hispanic pawl, mino, nu pawl le liberal ruahnak a pommi paoh nih Joe Biden hi kal taak i, Cuomo dirpi an duh. New York ramukbawi, Cuomo cu tutan New York khuapi ah a cangmi Coronavirus zawtnak a riantuan ning a felfai tuk caah demcrats pawl nih an uar ngai, cucaah democrats aiawh in President i cuh dingah an duh ngaingai ti a si. Asinain President ka cuh lai lo’ tiah a chim.

Biden promises 3 million new jobs in caregiving, early education ...

Joe Biden cu kum 78 chungah alut cang i, a rauh hlan ah kum 80 a phan colh ding a si. President i thim sual hmanh ah term khat lawng a tuan kho dingmi, one term president a si lai tiah zumh a si. A lung a lo, thil a philh lelek ti a si. Nikhat ah suimilam 12 chung lengmang a it ti a si. Mah ruangah President Donald Trump nih “Sleepy Joe” tiah a auh phahnak a si. President Donald Trump cu nikhat ah suimilam 4 lawnga it ti a si. Joe Biden cu liberal ruahnak a pomi a si. Nau thah, nau thlak, nau hrawh le same sex marriage a pommi a si caah khrihfa tampi nih an duh lo. Joe Biden President i an thim ahcun Obama policy nih a rak hmanmi policy kha a hman than lai tiah zumh a si. Anmah Democrats party pawl hmanh nih an duh set lomi nih Donald Trump tei ding cu fawi dawh a si lo.

Thawngpangdang<<CNLD 2020 thim nak ah san Atlai rih lai lo; kan kawlram cu.,Gen,Aungsan le Tlang cung mi lungrual nak in, 1947 feb 12 ah Federal Union hna tlak nak rak neih si, Aungsan thih tuan tik ah, Federal phung zul loin, Nihin ni tiang Ralkap kut ah a um thai. Federal Union phung Ralkap kut ah um mi cu, Tlangcung mi nih, hriamnam in kum 60 reng, An doh nain, Aanasin (dictator) ram ah tapung nih tei khawh si lo, zei caah kan ti ahcun, Ram chung thilchuak Phaisa vial te kha hriam nan cawk nak ah an hman dih caah hriamnam in tapung nih tei khawh si lo.

CNLD nih 2020 thim nak ah, kan mah Vote nan kan pek ah cun, Federal cu kan lak lai an tiin, Mipi an hlen hna, Mang meithal men asi,.note/ CNLD nih An i,Ruah ning ah cun, NLD nih, Cozah Amah lawng nih Atlai kho lai lo i Coalition Government Aser te lai i Tlangcung mi Akan Sawmte lai i kan duh mi Federal kan hal te lai tiah Rauhchan nak an ngei,Tlangcung mi le CNLD Chin mi nih Hal ding mi cu, Federal asi caah, Federal cu Ralkap le USDP nih an duh lo tuk mi asi caah, Tlangcung mi sawm duh lo bia Zeirel lo si loin, Atu lio Phunghram um tu ning ah,Ralkap nih caan țha lak in Aana An ting khawh cu caah, Tlangcung mi sawm loin An mah kawl party pawl Asawm ko hna lai i Cozah Aform ko lai, Cu caah CNLD nih 2020 thim nak ah Azei ti hmanh in, Chinram ah Cozah an ser khawh nak lam a um rih Hrimhrim lo.

Kan Chinram te țhangcho seh ti duhnak cio ah NLD hi kan țanh nak cio asi Akawl mi phun kan țanh asi hlei lo Chinram kan dawt ning ai khat dih cio ko, Alam lo in dawt khawh si lo, 2008 Phunghram hi, thir hri hling fek tuk in an hren mi asi cah phoih khawh asi loh, NLD nih, hluatdaw chung le hlawtdaw leng in remh ding in An i zuam cuah mah,Term khat chung ah cun an remh kho rih lo nain, term hnih nak ah cun Afiang te ko lai,.

CNLD nih hin, Chinmi ai Awh caah MP Pa 3-4 tal cu hlawtdaw leng NCA 21 century pinlung Conference caah Chin MP chuah an herh ngai ve. Gen Aungsan nih Pinlung Federal Union cu Zul manh loin,Athih tuan caah, Afanu Aungsan sukyi nih Athih hlan hrim ah Ralkap kut ah lak ai zuam, 2020 thim nak ah țanpi cio a herh rih.Catialtu: Sangling Thantlang.

 

By Chuncha