South China Sea chung i a ummi tikulh hmunhma a tamdeuh paoh cu China nih ai halhmi cu US nih rem ah a chiahpiak kho hrim lo. US ai thlaak ruangah South China Sea ah buainak a chuahter chinchin i, kan i pehtlaihnak a chiatchuah, tiin China lei nih US an thangchiat ve.China nih hin South China Sea ah a ummi tikulh pawl i halhnak nawl pakhat hmanh a ngei lo. South China Sea pawngah a umm Southeast Asian ram pawl thihphaihnak dingin kum tampi chung hmun ai halhnak hi a si cang, tiah US Scretary of State Mike Pompeo nih a chim.

In China, the Trump Administration Is Following a Realist Strategy ...

Pingtein kan chim cang: South China Sea a titlaang velchum ah a ummi thil mansung pawl China nih ka ta, a ti mi hi phung he ai kalhmi a si. Cun, amah lawng nih i haikonh viar ai timhmi zong hi a palh, tiah Pompeo nih a chim. Pompeo hi Trump cozah chungtel ah cun vanlai mupi bangin China a dironh ngambak mi pa a si. South China Sea ah China nih hmunhma ai halhmi US nih a dohnak hi a sau cang i, South China Sea ah zalongtein tilawng in chawhlehnak um kho ding lamsialpiak hna a duh caah US nih punghmaantein a ralkap tilawng pawl a thlah zungzal. Monday i thawngthanhnak an tuahmi le bang cu a hraang ngai cang.South China Sea amah rili hmunhma ah China nih ser ai timhmi hi vawleipi nih a onh lai lo, tiin Pompeo nih a chim.

Trump on China's Xi consolidating power: 'Maybe we'll give that a ...

A liamcia kum 4 ah khan UN Convention on the Law of the Sea (UNCLOS) nih law (phung) an ser i South China Sea ah China nih hmunhma ai halhmi hi a dik lo ah an chiah. Cu phung te cu US nih ai tlaihmi a si.China nih hmunhma kan i halhmi US nih a kan hnonpiakmi hi a phung a si lo, tiin Chinese foreign ministry aiawhbiachimtu Zhao Lijain nih a chim.Ahohman nih hnahnawhpek khawh lo mi rili hmunhma kan i halhmi kongah alhnialnak a chuahter i, kan kiangkap daihnak a hrawh i, a cawlcanghnak hi a rian zong a si fawn lo, tiin Lijain nih US cu a den ve hna.South China Sea lei ah cun US nih a raltuknak tilawng le vanlawng tha taktak cu a runrun in a tu le tu a kuat hna. Cucaah, US hi kan pawngkam daihnak le himnak a hrawktu mi buaibai a si, tiin China nih an chim.

Why China is laughing - The Hindu BusinessLine

South China Sea i energy ramtuk a umnak hmunhma vialte i 90% tluk cu China nih ai halh dih. Asinain, Burnie, Malaysia, Philippines, Taiwan le Vietnam nih kan ta a si ve, tiin an chim.South China Sea pal in kum fatin chawlehnak an tuahmi hi $3 trillion tluk tam a si. China nih cun ralkap inn le lo a sak tung hna. Asinain, daitein chiah ka thimhmi an si, tiin a chim ve. An Vun i Zumrai Chinchin cang maw? US nih China hi kham a timh tikah, ramdang zong nih US bangin an tan ve hi a biapi ngaingai. UNCLOS phung tangah South China Sea ai ham ve mi ram pawl, abikin Vietnam ko hi cuhlan nakin ai zumrai deuhdeuh cang lai, tiah Singapore ah a ummi ISEAS-YusofIshak ah senior a si mi Ian Storey nih a chim. Phungning tein South China Sea ah hmunhma i halh rian hi ka pommi a si, cucaah China zong nih cuhlan phung a ummi kha vun zul ve seh law a thabik ko, tiah Philippines lei nih an chim.

Trump Stops Short Of Saying He Will Sign Hong Kong Bill Amid China ...

Taiwan nih US biachimmi an cohlan. South China Sea ai halhmi ram hi kan tam ngai. Asinain ahohmanh nih hramhram in siseh, midang thihphaih in siseh, asiloah thazaang hmangin hmunhma i halh cu kan ram nih a cohlang kho lo, tiah Taiwan foreign ministry aiawhbiachimtunu Joanne Ou nih a chim. Coronavirus kongah siseh, cun Hong Kong namhnul a tonmi kongah US le China an i pehtlaihnak hi nai hrawng cu a chiakha ngaingai. South China Sea i kan i halhmi hmunhma hi kan rili hmunhma kulh chungah a ummi 3.5 million square kilometers vial lawng pei a si ko cu, tiah China lei nih a tu le tu an chim ve. Tutan lawnglawng ah hin South China Sea i China nih hmunhma ai halhmi hi phungning lo a si, tiin avoikhatnak kan thanh a si. Statement tuah hi a tha ko e, asinain cu na statement cu zeitindah nak kalpi kun lai, tiin Pompeo chimmi chirchan in Center for Strategic and International Studies ah analyst a si mi Chris Johnson nih a chim.

China expert David Bachman on latest Trump accusation about ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha