Malaysia hrambunh Chin Youth Organization Malaysia ( CYOM ) nih Malaysia ah a ummi Chin ralzam COVID – 19 ruang ah harnak a tongmi hna caah RM – 18,800 man din ei a phawtzamh lai. Malaysia cu March 18, 2020 in cozah nih lockown tuah a thawk i May 12, 2020 tiang khi lockdown dingย cu a si.

Cu ruang ah Malaysia ah a ummi Chin ralzam hna rian kan tuan khawh ti lo ruang ah harnak fak pi kan tuar hna. Inn man siseh, din ei tirawl lei in siseh a harsami tampi kan um lio a si. CYO Malaysia zong nih Malaysia kan miphun harsami caah ti khawh tawk tein kan cawlcang ve.

Mahhi RM 18,800 man CYO Malaysia nih Chin ralzam sinah din ei tirawl pek kan timh mi hi Chin Relife Organization, USA nih RM 12800 le Sungsung ( USA ) nih RM 6000 Malaysia ummi harsa caah bawmhnak pek ding in CYOM sin ah an rak kan kuat mi a si.

CYOM nih ai tlak le a tha bik ti ning in Malaysia ummi kan Chin ralzam hna sin ah din ei tirawl in kan pek hna lai. Cafang, Chiti le Arti an si lai.

Vawlei cung hmunkip ah a ummi kan miphun hna nih COVID – 19 ruang ah harnak a tongmi Malaysia Chin ralzam bawmh na duh hna ahcun zeitik can poh ah CYO pehtleih khawh peng kan si. A tha bik in CYO nih kan in tawlrel piak lai.

Bawmhnak a rak petu CRO, USA le Sungsung ( USA ) cungah lunglawmhnak chim cawk lo kan ngei ti kha kan rak langhter. Pathian nih thluachuah in pe chin ko seh!

Malaysia ah harsa lungrethei tuk in a ummi hna zong nih CYO zeitik poh ah chawnh khawh kan si.

Kan i lawm
Chin Youth Organization Malaysia

By Chuncha