Chin State Cozah Thar Cuanh Chungnak le Saduhthah ( Part II ), Biahmaithi : Zahan ah mah kan tlangtaar hmangin Chin State Cozah thar cuanh chungnak ah Chief Minister a tuan ding le State Hluttaw Speaker a si kho ding (possibility) kong kan langhter cang . Atu cu Chin State cozah thar chungah Hakha le Thantlang Peng chungin Minister kan tuanpiak kho hna sehlaw timi saduhthah kan langhter hna lai. Savo phawt phun deuh in minister hi i phawt a si te rih hmanh maw ti ruahnak he langhter a si lai.

Image may contain: 1 person

Hakha Peng : Hakha peng chungin minister seat pakhat caah minung pathum kan langhtermi ah hin pakhat paoh nih kan tuanpiak kho hna sehlaw a tha tuk hnga. Minister tuan dingah cun elected si a hauh lo caah a lengmi kan langhter hna lai. (1) Dr. Sui Hingz : Anih hi kan theih cio bangin Business, managment le organizational development in Thailand University in Ph.D a dihmi a si. Kawlram economic zone biapi bik a simi Thilawa special economic zone zohkhenhnak le tawlrelnak board ah secretary a tuan liomi a si. Kawlram lawng hmanh si loin, Asean level tiang ah bochanmi pakhat a si caah Chin State economic le planning rian a tlaih ahcun Chinram cu tampi a thanchoter khawh lai.

(2) Dr. Moses Thla Cung : Hakha Peng NLD party in candidate caah min aa pe ve nain, a tling loh. Asinain party chungah zumhtlak ten a um pengmi a si. Anih hi B.V.S (saram lei sibawi ) pakhat a si i Hakha ah bochan tak takmi kan pa a si. Candidate a tlingmi cu an tlin ko cang caah, a tling ve lomi hi duhsak khawh ahcun a tha tuk hnga.

Image may contain: Jacob Thang, indoor

Saya Lian Ceu : Anih zong hi Hakha Peng NLD in candidate aa pe ve nain, a tling ve loh. Party chuahtak lote in candidate pawl tu hehchet a bawmh hna. Mah caah si men lai, Senthang candidate an i tel lo bu ah NLD nih senthang peng vote tampi an hmuh. Candidate ah senthang an i tel ti lo caah anih tal hi minister rian pek khawh ahcun hmailei NLD caah lam sialtu a si hnga. Anih hi SAT pension a si i, Diamond Boarding ah riantuanmi a si.

Thantlang Peng : Thantlang Peng ca zongah Minister seat khat a ummi caah, MLA a si lomi a lengin minung pahnih kan langhter hna lai. (1) Salai Jacob Thang : Salai Jacob Thang hi AGTI, B.A, M.A ( Organizational Leadership ) a dihmi a si. Mino te a si nain ram le miphun caah bochan ngaimi hruaitu pakhat a si. Hakha Thantlang NLD chungin cun International Award voi hnih tiang a kan lakpiak khotu cu amah lawng hi a si men lai dah.

Image may contain: 2 people, people standing

Party chung candidate ah tling hlah hmanh sehlaw, tutan election ah Chin State NLD Winning Committee chungtel a si bang, a hawile caah a thazang dihlak a chuahmi a si caah minister cu pek a phu bak ko. Mino aa fit bakmi a si caah kan miphun caah rian tampi a tuan kho ding a si. (2) Pu Steven Van Bik, Anih hi B.Ag ( cinthlaknak lei ) a dihmi a si i UNDP ah rian sangpi Program Manager rian a tuanmi a si. Hakha, Thantlang nih cun kan i bochan bakmi kan pa a si ve. Party chung candidate ah tling hlah hmanh sehlaw, party a chuahtak loh.

Minister kan tuanpiak kho sehlaw riantuan zia a thiam tak tak ding a si. Cozah riantuanmi nakin INGO riantuanmi hi Minister caah cun an tha deuh tuk lai. Eihmuarnak nih cun an zaamtak dih men lai. Mifel tak tak a si. Mah hihi ca tialtu pumpak ruahning le saduhthah sawh sawh a si. 2016 lio zong ah NLD cozah nih minister caah cun a lengmi tampi a lak ko hna caah, tutan zong ah a lengmi ( MLA si lomi ) aa fit deuhmi thim than hna sehlaw ti bia a si. Comment ah na ruahning hun chim.ve. (To Be Continued )

Image may contain: one or more people, people standing, people sitting, outdoor and nature

State Cozah Thar Cuanh Chungnak le Saduhthah ” ( Part I ) Biahmaith: Kan theih cio bangin 2020 election cu a dih cang i NLD Party nih mincimh bakin teinak an hmuh cang caah 2021 lei ahcun Union level le State/ Region level in Hluttaw thar le Cozah thar muisam kan hmuh cang hna lai. Rampi ca cu kan chim rih lai lo i Chin State cozah thar le hluttaw thar ah hruaitu a si kho dingmi hna le saduhthat tlawmpal langhter ka duh.

(A) Chief Minister : Nikum ah Central NLD Party bia chimnak nawl ngeitu pakhat nih 2015 lio ah khan kan rak i palhmi a um, CM reserve kan rak tuaktan lo i CM an fel lo tik le duhningin rian an tuan khawh lo tikah, duhning bantukin action lak ngam an si loh, anmah aiawhtu ding reserve kan rak chiah lo caah. Atu cu candidate kan thim bakin CM tuan kho ding zong State/ region pakhat ah 3 hrawng tal reserves chiah cia a hau lai a rak ti bal. Cucaah, 2021-2025 tiang Chin State CM a kan tuanpiaktu ding i ruahmi hna cu-

( i ) Pu Lian Luai ( Falam ) Anih hi LL.B a dih hnu ah cozah rian ah a lut i Union Attorney General office ah District Law Officer tiang a rak tuan. Kan theih cio bangin atu CM a tuan liomi a si.. Kum 5 chung a tuan cang caah a peh rih ahcun riantuan ningcang a thiam ngai cang lai caah rian hma a kal kho ngai ding a si. Central lei he zong aa theihngal ciami a si.

Image may contain: 1 person

( ii ) U Soe Htet ( Paletwah ) Anih hi atu Minister for Municiple and electricity a tuan liomi a si. Cozah rian ah experience tampi a ngei cang. B.Sc a dih hnu ah ralkap a lut i Lieutenant Colonel dirhmun tiang a phan. Cun Amyothar hluttaw ah Deputy Director General tiang a tuan cang fawn. Anih hi mikip nih an uar, a chonhbiak a nuam tuk an ti. Cozah department kip i Kawl bawi pawl zong a ngamh tuk hna an ti. CM caah cun dinfel lawngin a za loh, Cozah riantuanmi Kawl bawi pawl ngamh a hau.

( iii ) Pu Sonny Thang Cung ( Hakha ) Anih hi LL.B, B.R.E a dih hnu ah cozah rian ah a lut i Union Attorney General office ah dirhmun sangpi tiang a tuan hnu ah atu Chin State Advocate General ( Sihni Bawizik ) a tuan liomi a si. Experience tampi a ngei, mi dingfel zong a si caah amah nih CM a tuan ahcun eihmuarnak zong biatak ten a doh khawh men lai. A cunglei i kan langhtermi pathum chungah hin pakhat paoh nih CM cu an kan tuanpiak te ko lai i , a dang pahnih hi reserves an si te ko lai dah tiah ruah a si.

Image may contain: 1 person, standing

( B ) Hluttaw Speaker Hluttaw cu phungphai sernak hmun a si caah Hluttaw Speaker tuan dingin cun Upadi lei a thiammi si a herh caah atu Chin State MLA a tlingmi chungin Law in a dihmi kan theih khawh tawk cu pahnih an si, a dang zong an um rih kho men. ( i ) Pu Pa Thang ( Matupi ) Anih hi LL.B in a dihmi a si i a tirte in NLD party ah zumh awktlak ten a rak dir pengmi a si. Atu zong ah NLD Central Committee chungtel pakhat a si ve caah a ralaimi Chin State hluttaw speaker a tuan te kho dingmi a si.

( ii ) Pu Sonny Thang Cung ( Hakha ) Anih hi CM ding zong ah zumhmi lakah aa tel pinah Hluttaw Speaker ca zongah zumh a si. Amah nih speaker a tuan ahcun phungphai ser zong rian a kal kho ngai ding a si. Note : Comment dawhcah lo le Pengtlang thinlung he comment paoh cu delede dih a si lai. (To Be Continued ) By Victor Pa

By Chuncha

Leave a Reply

Your email address will not be published.