Chin State Chief Minister U Lian Luai said that the grandparents of Daw San Su Kyi (Aung SAN’s parents) were pastors. Chin State Chief Minister Pu Lian Luai nih Suu Kyi pi le Pu kha Pastor an si a ti. Voice record ka ngei. Nihin ah Lungcawi khua ah a chimmi a si. Credit: Salai Ngun San Aung

Relchap ding << Congratulation to SALAI LIAN LUAI: newly appointed CHIEF MINISTER of the Chin State government. Thimnak lioah minung 6 an i cuh i, mee 5,616 (49%) in a rak tei. A teinak a sang. Kan lawmhpi hringhran! Biachokvai (unconfirmed news) sawh ah khuaruat huaha loin thang ngai in kut bengh colh a hmangmi vialte ralrin a herhnak zong a hun langhter rua, ka ti.

“Salai” timi a “official name” ah a khumh chihmi hi Chinmi caah a biapi ngai dingmi “landmark” a hun si. “Salai” timi “identity” kha “legal name” ah a hun fehnak le tuanbia thar a tialni zong a si te men lai. “Salai” tiah ibunh hnu cun “Pu” le “U” ti mi “honorific title” kha betpiak chap a hau ti lo. “Salai” timi hmannak ah upa le hngakchia timi zong a um lem lo. Pre-Bagan period ah minthang paralttha Pyu-Sao-Hti cu “Shan” asi tiah an fehter khawhnak cu a min ah “Sao” a rak ikhumh ngelcel caah asi.


Tutan ah Mon min “Naing” nih Union Minister, Karen min “Mahn” nih Amyotha Hluttaw Speaker, Shan min “Sai” nih tulio VP, Kawl min “U” nih President, Kawl nu “Daw” nih Union Minister, Pwo Karen nu “Nan” (Nan Khin Htwe Myint) nih Karen CM an hun tlaih cio asi ahcun Chin “Salai” zong CM ah a hun chuah awk cu asi ve ko lo maw? Ramkomh Kawlram hi “identity” phunphun a ngeimi miphun hna in dirhmi a sinak zong hi zawn nih a hun langhter khun.

Asho Chin unau nih “Salai le Mai” phung ningin pawmpiak dingah Mirang Governor sin nawl an va hal lioah Governor nih a sullam a rak hal hna i, a tanglei bang an rak chimh (Dr. Salai Tun Than tialning). “Salai” timi sullam cu: ”pa ralttha, teimaknak le teirialnak lungput a ngeimi zumhtlak pasaltha, a chia le a tha thleidan khawhnak a ngeimi pafim, saram le thilnung cungah zaangfah zawnruah dawtnak lungput ttha a ngeimi pa” tinak a si, an ti.

“Mai” timi sullam cu: ”chung le leng a nun ai dawhmi, inn zohkhenhtu ttha, mahnak upa a upat thiammi, pasal le fa le a zohkhenh thiammi, zaangfahnak a ngeimi, mah nunphung a upat i zulh ai zuammi, fa ngeih khawhnak a ngeimi le a zohkhenh a conghram khomi” tinak a si, an ti. Chinram uktu ah “Salai” kan hun ngei cang hna lai. “Mai” nusalttha tampi an chuah zong kan herh ngai rih ko lai. Kan CM thar nih “Salai” hi aa khumh sawhmi asi lo––”Salai le Mai movement” lio tein a rak cawlcangmi asi ve, an ti.

Cucaah kan media nih amah a min a tial ning tein “Salai” hi a philh philhpiak lo ding asi zungzal te lai. Min hi a ngeitu an mah tial ning tein tialpiak le auh hi anmah upatnak asi. “Salai” timi lungput taktak he Chinram a hruai khawhnak hnga Pathian nih fimnak, tthawnnak le daihnak he lamhruai hram ko seh. Note, Mah hi Salai Lian Luai CM atling lio i Salai Van Lian Thang nih a lawmhpinak cabia kha a si.

By Chuncha