Atu tan hi Online facebook caah Editor hmurka in NLD tanhnak ca tampi a tial tu Chin Ramkulh NLD Party a tanh taktak mi editor pa nih 2020 thimnak ah a ruah ning a chim mi cu ka uar bak. Cheu khat a catial mi cu dohkalh tu hna nih fak taktak in comment tiang an rak pek bal. Cun a ca reltu vialte nih zei Party dah a tanh ti cu rak hngalh dih a si ko. tu tan ah biaruahnak kan ngei kho i ka lungtlin ngaingai mi ka van langhter lai. Cun a catial mi hi ka rel peng hi kei zong nih NLD ah ka ruah. asinain naite a Facebook le an onlien media a catial mi ka rel hnu ah ka khua ruah a har tuk caah media lei journalsit zong ka si lo nain Ramkheel a zuam mi ka si nak in bia ka ruah mi a si.

JV: Nan media hi NLD nih a thawk mi le NLD ta a si maw? Rolian: Kan media hi NLD ta a si lo,a thakw mi zong a si lo. kanmah te in kan thawk mi a si ko. cu ruang ah harnak zong tampi kan tong I ca kan chuah khawh lo caan hi a tam. hawi le kom hna thapek nak in kan dir ko. asinain hi Media ka thawk hlan te ah kei cu NLD ka si caah ca ka tial zong ah ka umnak Party dawtnak he ca ka tial caan a cam pi ko. JV: Media cu tanh hlei mi ngeih ding a si lo tiah an ti na hngalh ko va si kaw ziah NLD tanh in ca tampi na rak tial? Rolian: : Aw Uitlak hmanh nih ka umnak tibual a ngan cem a ti I a hum hak ve ko cu teh. Cun Media cu tanh hlai mi a ngei ding a si lo ti cu ka hngalh taktak. asinain zei zong te hi thil sining nih a thlen khawh mi an si. Tahchunnak ah nifatin na ei tawn mi hmanh kha tulio Covid-19 ruang ah na thinh deuh ve ko lai,,, na sum deuh ko lai, cucu na ralrin ruang ah a si. zei tik poh ah kan ei tawn peng mi kan ei ko lai ti angah lo. thilsi ning nih kan siapuazi, kan cawl cangh ning le kan eitawn mi a thlen khawh cu. NLD ka tanh mi cu keimah pumpak zalonnak righ a si ko. a taktak le ngaingai ti ahcun minthang media hmanh nih media zulhphung an zulh lo caan a tam. Tahchunnak ah CCN hna khi min thang media asi. Obama cozah lio ah fund tampi an hmuh, asinain Republican Party in Donald Trump a rak kai tik ah an duh lo mi Party chung in Trump president a kai tik ah mual phoh zawng in ca an post i atu ahcun ral ah aruah ve ko hna. Obama chan lio ah CCN hi min athang bal lo. Obama a tlak hnu ah an lungfah in Trump mual phoh ding in in catial le ca post in min than nak a hmu mi a si. chim duh mi cu tanh mi ngeih kan ti mi hi kan thisen in a chuak mi a si. Chim duh mi cu, minung ka thisen nih tanh mi le bochan mi a ngei dih. cucu kan covo pakhat a si. kan covo an buar ahcun kan thisen an chuah ti khawh a si. cucaah keimah pumpak ramchung politic kanfiang ningin NLD ah ka umnak a si. NLD ka um lio ah NLD tanh in ca ka tial mi cu keimah pumpak right a si ve ko. JV: Tuandeuh hi cabia na tial lio ah NLD tanhnak ca na tial. cu na catial mi cung ah careltu cheu khat nih NLD nih teinak hmu hlah seh ti na duh ahcun a lam pakhat lawng a um. The Voice of Democracy media hi thah a hau, a hram in phawi lo ahcun mipi tamtuk a lem khawh hna tiah ca an tial. cun Taungzalate media zong NLD tanh in a dir an ti nain kan peh tlai kho rih lo. cun NLD party tanh in a dir mi media hi Party media an si caah Party nih an cawm hna an ti mi hi teh a dik maw? cun comment tampi ah The Voice of Democracy cu Chin ramkulh NLD cozah nih tender zong an pek tiah an ti mi hi a dik maw? 1. Aw ka zumh ve i ca tampi ka tial ko, asinain practice in thil an tuah mi ka hmuh tik ah kei zong ka khua ruah a har ve. cucaah 2020 thimnak cu Party tanhnak thazaang zong ka ngei ti lo, tanh awk zong an tha lo, Miphun mit hmai zoh in Politic ka tuah ko cang lai. 2. Chin ramkulh cozah nih tender pakhat hmanh a kan pe lo, a sok zongka sok lo. atu tiang kan tuan lo. ka rian cu media asi ko caah tender ka tuan lo. 3. Taungzalet media hi NLD party a si le si lo ka hngal lo, an riantuanti he kan i thei lo i kan i pehtlai bal lo. bawmhnak hi Party nih zei an pek hna le pek hna lo ka thei lo an mah hal ko hna u. Keimah cu Party nih kan in dirpi lai an ka ti nain kum 3 chung ah thil sining ka theih caah. NLD ka si ruang ah Party ka tanh ti lai lo. Keimah nih ka duh mi minung, a minung zoh in thimfung ka pek ko hna lai. JV: NLD cozah akai hnu ah, media zalonnak, mipi thanchonak, Miphun ram ngandamnak kong he pehtlai in Editor hmukar tial law zeitin dah tial ah ka tha hnga tiah na ruah? Rolian: Tial ka duh mi topic ngaingai cu kan chim kho lo, asinain tial ka duh mi cu a tampi. Media zalonnak kong chim duh ahcun chim awk ka ngei lo, kham mi le tlaih mi ah kan tel lo cu te. Mipi thanchonak ti ahcun tampi chim awk um i atu bantuk caan ah chim dih khawh a si lo caah kan let lai lo. Miphun ngan damnak kan ti mi hi a kau tuk fawn i atu bantuk caantawi biaruahnak cun kan let kho rih lai lo. a tawinak in Miphun nih a herh mi zauk phung adirkamh mi kha kan dirpi caan a si. JV: 2020 thimnak cu a minung in zoh na ti i Party dang in mifim thiam chuak hnasehlaw na dir pi hna lai maw? Rolian: Dirpi tuk, kha party ee cu party an si ti ruang ah si loin miphun le ram caah bochan tlak an sinakbzoh in ka dirpi ko hna lai. Party pakhat chung kan um ruang ah thimfung kan pek duh mi cungah party nih kanparty mee na pek lai ti phun in kan zalonnak he a pehtlai mi timfung peknak ding ah zei party hmanh nih aa kan kham kho lo,, Miphun a dawtu minung cu cawisan in tanpi ding a si ko. JV: Naite na FB timeline na ca post mi zoh ah tanh hlei mi na ngeih lonak kan van theih. Media riantuan pakhat dirhmun in na peh lai maw? Rolian: Ka peh ko lai. Tanh le dirpi tu mithmai zohnak in kan miphun le mipi mit hmai zoh a herh deuh. JV: Zei ruang te ahdah NLD siseh a dang party zong tanh lo ding tiah bia na khiah? asilo ah NLD nih an in bmawh lo caah dah na leet? Rolian: Hi bantuk in biakhiahnak ka tuah mi cu keimah pumpak zalonnak he aa peh tlai mi a si pin ah kan ram nih a herh mi he pehtlai in atu bantuk in bia ka chim hi a si. Mipi zong an lungre thei hna hlahseh, thimfung kong cu tamdeuh kan van post te lai. NLD bawmh le bawmh lo cu chia rih, an ka bamwh mi nak in media dirhmun in NLD ca rian ka tuan mi hi man a ngei deuh. kan media ah NLD party in EC hna cabia fungkhat hmanh rel awk a um lai lo. tampi an ka dirpi ko asinain keimah pumpak nih NLD ka bawwh mi a tam deuh. asinain Sifak santlai lo nih cun Party tanh lennak in mipi a bawm kho tu mi nung kan tanh hna ding ti ka hngalh hnu in mipi herh mi minung dirpi hi ka hmaithlak. JV: 2020 thimnak ah teh zei party nih dah tei seh tiah saduh na thah? Rolian: keimah saduh thah le thah lo kha biapi a si lo. mipi thim mi cozah nih teinak hmu ko seh. cun ram le miphun caah zumh awktlak minung nih teinak hmu koseh. Hi zawn ahcun chin ramkulh chung media, CSO le a dangdang zong kan tanti awk a si ko. Asiah Chin Ramkulh Ramkheel Party cio hna I an thatna le an sikhawnnak cio chim awk na ngei maw? Rolian: An chiatnak chim awk ka ngeih lo bantuk in an thatnak chim awk ks ngei ve lo. a luancia thil sining nih a langhter mi zoh in mipi nih tanh mi Party si loin tanh mi minung tu thim ko hna usih. JV: Zei ruang ahdah Party a biapi lo tiah na ti than khawh? Rolian: Myanmar ram phunghram ning ah zei party hmanh nih teinak hmu ko hna seh phunghram an remh kho lo. phunghram remh kho ding in a herh mi thutden a lawng lo. cu nak cun a party si ti loin a minung in kan tan a hau cang. hi kong cu tampi chim ding a um caah hi vial in si ko seh. na biah ruah cung ah ka lawm. Kei zong ka lawm ve. Biaruah tu: Joel Van

Ref: Ro lian , Chief Editor, The voice of democracy

Note: Hi biaruahnak ka ngeih mi hi keimah theih loin a dang social media ah copy le post ka siang lo.

By Chuncha