Chin Ram Kulh CM Ttuan Ding Ah Aa Tlaakmi: A tu term cu Halkha nih CM ttuan caan a si ko cang ka ti dawh dawh in Pyine hluatdaw pawl an thimmi hna an konglam ka theih tawk ka hlathlai hnu ah Halkha in NLD in thimmi Sonny Thang Cung nih hin CM ca ding a tlinh cem ti in ka hmuh.

Image may contain: 1 person, standing

A tanglei hi rel ve hmanh- 1. Sonny Thang Cung hi thlanglei Laitlang a ceu tertu hmasa bik mithi zipeng bawipa F. Za Hoe fa pa a si. 2. A mah hi upadi lei LL.B a awng i Chin ramkulh upadi zung bak ah lutlai director can saupi a ttuanmi a si. 3. NLD cozah nih an zumh i Pension a laak hnu ah a tu Atony General of Chin State ah ttuanvo an peek i a tu a ttuan liomi a si.
4. A mah hi miding, mifel a si i Acozah rian a ttuannaak zong ah min tthatnaak a tu le a tu a hmumi a si. 5. Chin miphun hunchonaak caah fim cawnnaak, pehtlaihnaak lam le sul sersiam lawng hi si lo in zuu le sa nih a hrawhmi mino hna kilven le hun cho ter hi ka duh ngaingai a timi a si zungzal.


6. Kan Chin ram huncho khawhnaak caah dawn tu pakhat cu ei hmuarnaak hi a si ve hrimhrim a ti tawnmi a si ca ah ei hmuarnaak hi a doh hrimhrim lai tiah ka zumh. 7. A mah hi Khrihfa ttha
PATHIAN aa bochanmi pakhat a si. Cu ca ah Sonny Thang Cung nih hin Chin State C M ttuan ding ah a tlinh bik i aa tlaak bik bak a si tiah ka zumh. Credit: J. P. Biak Tin Sang

Atu lio US le Kawlram thimnak ah hin minung tampi kan sinak fb cahmai ah a langmi kan hmuh. Laimi hi Khrihfa a timi longte kan si. Kanmah party tanhmi le duhmi ning in thil a kal lo sualah khuaruah lem lo in biachiakha hna chim le rel, tial kan hmang ngai ngai. A cheu cu nan comment ah hin pamh a hmangmi zong nan tam ngaingai.nan muihmai nan min pawl zoh ah le na piang thar lo hih i ti hna sehlaw thih a ngamh phun lawng te kan si hawi hna.

Cun a poi bikmi pakhat a um mi cu mah min lo in mi ati ngammi kan tam tuk mi nih hin zumtu tha kan si lonak a langter ngai. A thlithup in mi ti cu a tha lo ngai mi asi. A kan theih lai lo tiphun khi a ngah lo, cu caah pasal nusal ram le phun le party tha ding in tanhmi kongah cun mah min te bak in thil tuah hi a puitling mi rian cu a si.

Adang catial mi le comment pawl kha cu tlompal theihthiam an si rih, an hngalh dih lo ca tuah a si, a sinain Cantling khrihfa bu le Pathian rian a tuan cang mi hna Pastor le Evangelical nih politic kong biatak tein an i phum i an tial an phomh thluahmah ve mi kan hmuh hna hi cu a poi tawn ko. Ramkhel lei rian le Biaknak lei rian hi a then kho lo nain a zatawk te khi cu a um ngaingai. A herhnak ahcun chim rel ve a hauhnak cu a um ve ko nain tanh tukmi party le duhmi ah fak tuk in aupi le chim hi cu a si te khi a rak si lo ngai.

Tih a rak nung ngai mi Pastor le Evan pawl nih kan hngalh lo mi cu politic kong tam deuh na chim ahcun khin na member le na thanwgtha chim an ngai piak tawn tu caah khin na sinak na langter tuk tik ah lung kan i hrinh mi hna khi nan hngalh lo. Member thinlung a zaw cawlh ti khi nan hngalh ko buin a thing lo mi a pah chih mi nan tam ngai hna. na member le na thawngtha a ngai tu dingĀ  minung hna an zawn hi nan ruah deuh ding a si i, minung hi duh ning a khah khawh lo mi kan si ti kha nan ruah ngai ding cu asi.

Pathian riantuan tu hna hi cu nan rian te kha tha tein le lungsi tein diriam tein thlarau thazaang kim tein kan hmuh khawhnak hnga tlingtein nan rian te hi kan tuan piak kho uhlaw lung a hmui tuk ko hnga. Mah rian a si lo tuk mi ah nan caan nan pek khi a pam tuk. politic kong nan chim duh hmanh ah mipi thinlung ah a tlum mi tanh hlei ngeih lo tein kan chim rel piak ko uh. Azei a si hmanh ah a tha bikmi cu politic kong hi kan tial lo ah hin kan palh lo cem lai ti tu hi a tha lai. Nan fb hna hi Pathian bia hngal cawlh lo theih lo chim cawk lo tampi a konglam zong a um i, bible theihkauhnak lei le Khrihfa muru zeidah a si, Biaknak dang nih zeitin dah an i hruai ningĀ  asi ti tu hi tam khawh chung in kan tial piak kho uhlaw mi tampi nih hlawhnak kan hmuh lai i, nangmah ca zongah a tha deuh mi thil a si. Mah hi Pathian riantuan tu hna soisel le doh a si hrim lo, carel tu zong nih duh pinak a si titu le Pathian rian a tuan tu zong nih a kan duhfak pi nak a si ti mi he na kan rel piaknak lai zong kan sawm hna. Public News

By Chuncha

Leave a Reply

Your email address will not be published.