Chinland Club ca zong Salai Tial Hmung sinah dah ti lo cu paisa pek lo ding an si. Cun, CNF sin zongah kan hmuhning hi chim ding a si. Chin Nationalism ah fektein CNF a dir khawh tung lo ahcun NLD lawlaw nih maw an dirkamh cang hna lai ti hmanh ruah ve kan hau lai. Zawngparathlei bantuk cun tha a chia tuk ai cang lai. Fiangtein kan theihmi an um len ko cang hna i lung cu a nuam lo ngai ko.

Chin National Front -CNF Hruaitu Thar Thim Mi Hna | CCN CHANNEL

Zammang Mualcin.Biaknaklei in an kan hruaitu hna hi miphun ah fek tein an dir ngam cu a herh bak. Biaknaklei a kan hruaitu nih miphun mit an dei lo, langak bantuk in awtaw hmul hna an ibunh ve ahcun, kan techin fapar chan ah cun Kawl lawlaw i ican viar ah kan inuam deuh te men lai. Van peh cio ulaw ttha lai ka ti e.Credit:Salai C Alexander

Burma-Myanmar: Chin National Front (CNF) tells Arakan Army (AA) to leave  Chin State and fighting with Myanmar military ยป Wars in the World

Thawngpang dang <<<“Biatak chim ahcun mi tlaihhremtu hna hi mi zapi hmai ah thlai ka duh hna, nain nuhrin covo kha zulh a herh caah Chemical hmang in an chiatha hrawh hi kan duhpiak hna,” tiah Pakistan prime minister nih tu zarh thawk ah khan a rak chim. A ruang cu tu September 9. ah khan nutung pakhat Pakistan khualipi Lahore khua leng lampi ah a mawtaw Bensin a dih. A mawtaw chung ah a fale pahnih innka a hrenhkanh hna i palik chawn in bawmh a hal hna.

Coronavirus crisis delivers yet another blow to political fortunes of  Pakistan PM Imran Khan | The Indian Express

Palik a hngah hna lio ah cun patling tam ngai nih an hun fuh i mawtaw thlalang an khuai hnu ah mah nu cu le a fale cu leng ah an rawt hna. Cun nu cu a fale hmuh hngan ah an tlaihhrem. Cun a tak i ummi thilri an lak i an zaam tak hna. Cu he pehtlai in patling 15 cu an tlaih hna. Cu kong ah atu bantuk in an prime minister nih a chimmi cu a si. Cu kong ah khua lam zawh in tlaihhrem a hmangmi cu kan thah piak u tiah nu he pa he duhnak an langhter.

Asinain Muslim ram an si caah an tlaihhremmi nu kha a palh a titu an um. A ruang cu nutung, nungak, nu ngakchia hi amah lawng in mui le zingka ah umter le chawhter hi an duh hna lo. A phung ah an chia lo, i aa chawkmi cu nu ttha lo ah ruah an si. Mah an tlaihhremmi nu cu France rammi sinak aa tlaihmi Pakistan nu a si. Amah lawng aa chawkmi nu nih lam tthadeuh le mi tamnak a si lo ah timhcia te in Bensin aa rawn ding a si, amah a palh tiah hi kong a hlattu pa nih Guardian ah a chim. Credit : TRCT News

Imran Khan's Instagram page is world's second most active government-run  account, says BCW

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha