Salai Lungthli Tum nih CNLD a doh lo, Hihnu kum 5 maw kum 10 dan ah cun CNLD chung tel a si te kho ko:Salai Lungthli Tum cu pa fim, mi raltha le mifel a si. A tuahmi thil cungah a biatak hlei ah nunnak pek in le dawtnak thin lung he rian tuantu a si. Mi tampi nih Salai Lungthli Tum nih Chin Party CNLD hi a doh a rem lo, Chin Party nakin NLD a tanh deuh tiah mi tampi nih nan chimmi hi nan palh. NLD an that lonak zong a chim i a langhter ko. A tinh bik mi cu Chin State ah dinfel lonak a umnak hmun poah cu doh in dinfelnak leng sehlaw dawtnak he kal u sih ti hi a duh zungzal. Cucu mi raltha a sinak mifel a si zia kha a langhter.

Image may contain: 1 person

Nihin ah biatak tein CNLD chungtel a simi minung pakhat pahnih an tuanbia zoh ah mifel lo le miding lo an um rua ah CNLD chung tel minung a doh hi a si. Hi CNLD chungtel a doh hi Chin Party CNLD a doh a si lo ti hi fiang hna u si. CNLD nih zumhtlak tein Chin miphun le Chin ram caah rian a tuan ko ah cun a ngei chawva he a mah minung tiang hmanh khi CNLD chungtel ah lut in Chin State caah rian tuan zungzal a duhtu a si.

Salai Lungthli Tum nih Chin State caah a rian tuannak le a tuah sernak tha tein na thei ko ah cun tulio CNLD chung tel dih lak fonh in Chin State caah tiah an tuah sernak nih an tluk lai lo. Bawipa nih damnak a pek ah cun hi hnu kum 5, ..10 ah cun Chin hero ah a chuah te lai. Cu caah cun, thla ci a thei a tla ding tu hi Vote pek u si. Chin MP caah Salai Lungthli Tum maw vote lo in um lai ci.Credit: Rual Lian Thang. “Vote For Salai Lungthli Tum”

Image may contain: 1 person

 

Thawngpang dang<< Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

UN wasn't laughing at me, they were laughing with me, claims ...

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Biden releases video on NATO leaders' hot mic laughing at Trump ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha