Chinram Paletwa lamah kan milesa mawhnak nei lo mi 10 tluun an thi zo, tamzetin hliamhma an tuar ih, ei ding nei lole raltlan in a suk a so ah an tlaan.


.
Himi laiah kan Chin Politicians, ahleicein Chin Nationalist ti awtu, CNLD lam ihsin zianghman auaw theih ding aum hrih ual lo.
.
Hivek caan ih mipi khurawmtu le thlamuantu POLITICIANS / PARTY kan tul. Hivek caan hman ih ausuak ngam lo, statment suah ngam lo, le lamzawhnak huaihot ngam lo ahcun NATIONALIST ti ih kawh teh an phu peimaw?
.
CNF khal NCA ah hmin kan khen ti’n daitein nan um meen ding maw? Ziangvek boruak a thlen ahsaw Chin Politicians in mipi lam ah dingin khur-awm kan si ding.
.
Chin ramih NLD le USDP tipawl cun pi lole pu tivek an nei ih an mithmai zoh ding an nei, ngaite ti ahcun hipawl khalin Paletwa thuhla ah thih ngam ih an dinpi thotho a awm.
.
Kan politicians daitein an um ih mipi sawn sup aw thei loin lamzin par kan thleng asile Politicians ningzah hna thiampawl cun puan lu an khuh aw leh ding a si.
.
NLD, USDP le CNLD lam khalin ziang thawmvang hman mipi in theih ding kan nei hrih lo hi mangbangza kan si ko ee.
.
Arpi in a falepawl a thihsan hnu ciapciap cingin a suk a so ah Sehal deh phaang ih phar le zam kan hluan thlang a sihi maw

Credit: Salai DL Seenling

By Chuncha