Lai pasal an ropui hringhran ko. Mino lio ah miphun dawtnak thisa in zuamnak a cuh ngammi hna hi upat an tlak hrim ko. Bawipa nih anmah le pahrang cioah Chin miphun caah lam kan hruai piak hna sehlaw an saduhthah bang a tling i, teinak zong hmuh hram hna seh, an fimthiamnak cu Miphun caah raltha in thanem santlaihmi si hram ko seh. Mah bantuk kan thlah mi hi anmah le anmah  i zuam cawh phun in kan thlah duhmi a si lo, mino te nih an i timhmi upat kan peknak hna a si. Atang hi Salai ngunzakam thang nih atial mi kan lak mi a si.

1990 election ah kan theih mi kan pa le independence in teinak an rak hmuh. 2010 le 2015 election ah cozah aser te hnga ding party cu ( given) bantuk asi caah independence in aa cuh mi kan lairam ah an rak um Lo.

2020 election cu phundang ngai in a vun kal than . Abik in mino nih tel le cuh ve kan ngamh . Thil tha tuk ah Ka ruah . LMZ upa Ka tuan lio Ka chim bik mi cu hmailei caan politic thlihran tik ah hmun khat, Aw khat kan chuah khawh nak hnga hi Ka au pi bik. 2010 election ah Zophei cakei le zophei cakei bak an seh ter hna.

2020 a phan cang . LMZ in kan mah le kan mah ii seh than ding kan si than, Miphun caah atha bik policy in a Khan hruai tu candidate cu thim fung pek nan si te lai,  Salai Van Bawi Lian , Salai Do khar le Salai Lungthli Tum nan ral thatnak ,miphun dawtnak thinlung nan ngei mi cung ah upat kan pek hna . nan tei pek ,tei Lo pek, Kan mino thinlung catlap ah nan min tial in a um cang.

Teinak cu Bawipa nawl si te ko seh ! Dr . Hmuh Thang , MP Ni Sui Lian le Saya Hmun Rung zong upat nak kan pek hna . Kan Miphun nih bochan mi nan si, Nan zapi upat nak he.. Catialtu: Salai Ngunzakam thang.

By Salai Lungthli Tum: Fimcawnnak le rum kawlnak hnu in ram le miphun ca pumpeknak lamthluan lei ah; Caan sau ngai khua ka ruah hnu ah tukum thimnak ah Thantlang peng Pyine No.2 in luh ve ding biachahnak ka tuah, ka nu le ka pa zong nih thluachuah an ka ham piak cang.

Fimcawnnak ah India college tha bik a si vemi Loyola College in bachelor ‘first class’ ka dih, ka chunmang a simi England zong ah MBA ka dih fawn. Pumpak rumnak chawva zong ka kawl than i ka tinhmi dirhmun cu ka phan cang. Atu hi ram le miphun caah ka sining dihlak ka pek caan a si cang tiah ka ruah. Ram le miphun caah saduhthah tampi ka ngei ve, nain ka saduhthah tlinter ding ah midang rinh awk an tha lo timi fiang tein ka theih. Hi ruang ah keimah pumpak hrimhrim luh ka tim hi a si.

Independent in ka luh lai caah MP ka tlin ahcun vuanci le CM tibantuk cu tutan ah ka ngah lai lo a fiang. Nain, MP pakhat dirhmun in ka si khawh tawk Chin miphun dihlak caah riantuan kaa zuam lai. Khuate ka kal tik zong ah ka tuah khawh ding lawnglawng bia ka kamh hna lai.

Kaa tinhmi hi tuhnu kum 5 ca lawng ah a si lo, MP sawhsawh va tuan lengmang ding zong a si lo. Chinram caah ka saduhthah ka tlinter khawhnak ding caah cun Chief Minister tal ka si te hrimhrim a hau. Kum 15 maw kum 30 tiang a rau kho.

Suu Kyi cu ka uar tuk, ka thih hnu tiang zong ah ka upat ko lai. Nain, ‘central power’ a tam tuknak party NLD ah cun zeitik hmanh ah luh kaa tim lo. Doh zong ka tim fawn hna lo, an tlamtlin lonak belte cu ka phuan pah te ko lai. Bawmh khawh tawk zong bawmh ka timh fawn hna.

Cun, CNLD bantuk in thutnak ngah duh ah miphun min zuar kaa tim bak lo. Ka party ah Chin ka telh(te lai) ruang ah vote pek ding ka si lai lo, ka tuahsernak tuanbia le miphun ka dawt le dawt lo ruang deuh ah vote pek or pek lo ding a si lai. Pumpak hlawknak caah si loin miphun caah riantuan a duhmi poahpoah he rian ka tuanti lai, hawikom ka ser hna lai. Nain,pumpak hlawknak a duhmi belte cu hrial an si lai.

Keimah meehmun ah aa cuh ding hi Dr. Hmuh Thang, Saya Rung Kaw le MP Ni Sui Lian an si. Miphun a dawmi lawngte an si ve. Keimah caah harnak tampi a um lai, nain a dikmi zumhnak a um ko ahcun teinak a um hrimhrim lai tiah ka zumh. A donghnak ah, MP ka tlin ahcun ka ngahmi hlawh fangkhat hmanh kaa lak lai lo. Keimah nak a herh deuhmi sifak harsa bawmhnak caah a dihlak in ka hlut lai.

By Chuncha