US ram Indianapolis khua ah um mi Chin Evangelical Baptist Church (CEBC) Nubu department nih Mai Sui Hlei Ṭial chungkhar sin ah bulhnak $1000 an pek. CEBC Nunu Khrihfabu hi Chin ram ah rian tampi an ṭuan i CNF nu le ngakchia hna ca zong ah phisa tampi in thazaang a rak chuah bal mi an si.

CEBC Khrihfabu cu US ram lawng silo in vawlei cung Chin Khrihfabu lak ah a ngancem an si i members 3000 leng um nak Khrihfabu an si. Credit: Chin Cable Network Channel

CBCUSA NUBU hi cu uar nan um hrim hrim ko. Kut tampi Chin miphun caah nan samh mi hi upat kan in pek ko hna. Nan riantuannak Bawipa nih hin thluah in chuah chin lengmang ko hna seh. Tuarpinak le Bulhnak: Leng Sui Hlei Tial nih a kan liamtak kong he pehtlai in CBCUSA NUBU hna cu kan ngaih a chia i Ngaihchiatnak tuarmi chungkhar hna kan in tuarpi hringhran hna.

CBCUSA NUBU nih Kan ngaihchiatnak tuarpinak langhter nak ah $1000 Cung Hu Blood Bank sin in kan van in kuat hna. Nan ngaihchiatnak mithlitlaknak vialte Bawipa nih tuar khawhnak thazang thar in pe ko hna seh law thluachuahnak he lam in hruai ko hna seh ti hi CBCUSA NUBU hna kan thlacamnak a si. By CBCUSAWomen Department

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha