# Pandemic Dohnak thilri zalh ah China 🇨🇳 ram ah an thlahmi, Canada cargo vanlawng nganpi pahnih cu a lawng in a rak kir. “China 🇨🇳 ram shopping a kaimi an tam tuk. A lan khawh poh, ilan a si caah, kan nih cu kan ting ti lo” tiah an ti.

# Trump nih Immigration, a bik in US green cards a sawkmi pawl khamnak cu, ni 60 chung tuah a timh. Economic kan awn tthan tikah mipem nih US rammi rian an chuh sual hna lai tiah a ti.

# Canada 🇨🇦 Ram, Nova Scotia ramkulh, “Portapique khua” ah suimilam 14 chung ikahnak ah minung 22 an thi tiah police nih an fehter. Hmun 16 ah mithi an hmuh hna. Mithattu pa hi bawmtu hawi a ngei lai tiah an zumh. Portapique “ khua ahhin kum 10 fai khua a sa cangmi a si an ti. Zeiruang ahdah hibantuk sualnak hi a tuah hnga timi an hlat cuahmah lio.

# Lockdown ruang ahhin, Japan ram ah a pum a zuarmi nu pawl fakpi in harnak an tong ve. Social distance ruangah an thil cawtu an um ve ti lo caah, Inn man le ei-din kong ah an har. Cucaah, Japan Cozah nih a dang tein bawmhnak a serpiak hna.

# Battle Creek, USA 🇺🇸 ah a ummi Caw Thahnak Company/ JBS ah riantuanmi minung 60, Covid19 positive an si tiah Fox nih an thanh. Cuka ahcun Laimi tampi tuannak, Company a si caah, an thin a phang ngai cio.

# Canada 🇨🇦 Ram, Alberta ramkulh ah a ummi, caw thahnak Company/ Cargill plant zong ah Covid 19 case in Minung pakhat a thi i, cuka ah riantuantu 100 leng positives an si caah an khar chung. Cun, Caw thahnak thiam, Brooks, Alta. a ummi, JBS plant zong ah Minung 67 positives cases an hmuh rih. Cucaah, Canadians tampi cu super markets ah cawsa cawk an ttih ngai cio tiah CBC nih an thanh.

Tulio te hi hmun dang, Ka dang zongah Caw Thahnak Companies pawl hi fak ngai in Corona Virus 🦠 nih a tlak cuahmah lio a si caah, Beef 🥩 / Cawsa paam hna a tlungter sual hnga maw tiah khuaruah a tamter ngai. Credit: ZaSang Cinzah

By Chuncha