Breaking: Tamu TSG le SAC Ralhrang Kahdohnak ah Ralhrang 9 an Thi

Breaking: Tamu TSG le SAC Ralhrang Kahdohnak ah Ralhrang 9 an Thi

Tamu TSG le SAC Ralhrang Kahdohnak ah Ralhrang 9 an Thi: Nizaan July 24, zaanlei sml. 4:15 ah Tamu mipi ralkap (Tamu Security Group-TSG) le SAC ralhrang karlak kahdohnak a chuak i SAC ralhrang minung 9 an thi, tiah TSG nih thawngpang an chuah. SAC ralhrang tthiangtthunh Pyosawhti chungtel pawl nih TSG an umnak hmun lei ah SAC ralhrang pawl an kalpi hna i kahdohnak a chuah hi a si.

May be an image of one or more people, people standing, outdoors and text that says "BVJ"

SAC ralhrang hnuzul Pyosawhti pawl nih TSG kan umnak ah SAC ralhrang pawl can ratpi hna. Runvennak a tuahtu TSG ralkap he an i tong hna i, kahdohnak a chuak. Kahdohnak ah SAC ralhrang lei in minung 3 an thi i hliamhma a pumi an tampi. Hliam a pumi chung in Pyosawhti chungtel pakhat, Manipur Kathe Tapung pakhat le SAC ralhrang 4 an thih chap caah an zapi minung 9 an thi,” tiah TSG nih nihin (July 25) thawngthanhnak ah an langhter. Credit: The Chin Journal, July 25, Yangon

Mindat le Falam Peng I Kahnak Ah Ralhrang 20 Leng An Thi Chin ramkulh,Mindat peng le Falam peng chungah ralhrang rallokap le mipi ralkap kar ah nihin July 24 ah i kahnak a chuak i ralhrang rallokap lei in 20 leng an thi tiah thawngtheih a si.

How many dead bodies...' asked Myanmar protester before he was shot dead on bloodiest day | Deccan Herald

Mindat nichuahlei khua pakhat ah ralhrang kuttang palek riahbuk pakhat cu tuzing zinglei ah CDF-Mindat nih an luhhnawh i an lak,ralhrang lei in 20 leng an thi. July 20 thawk in CDF hna le ralhrang kar ah kahdaihnak a rawh caah i kahnak a chuak i CDF Mindat in minung pakhat a nunnak a liam.

Myanmar army pauses operations in north in rare conciliatory action, South Asia News | wionews.com

Nihin zanlei ah Falam pawng Falam-Hakha lamcung ah ralhrang rallokap le CNO/CNDF i kahnak a chuak tiah thawngtheih a si.Hi i kahnak ahhin hliammi le thimi zat tgeih a si rih lo.Credit:Thechinpost

Myanmar military opens fire, rolls in armored vehicles amid ongoing coup - YouTube

Thawngpang dang: KIA Le Rallokap I Kahnak Ah Rallokap 4 Nak Tlawmlo An Thi Shan ramkulh,chaklei Tinan peng Nanti kgua lr Nansalet kar Panti khua pawng KIA Brigade 10 tang no 17 Batalion phu le ralhrang rallokap Tatmah 99 cu nihin zinglei suimilam 10 ah fak ngaingai in i kahnak a chuak tiah thawngtheih a si.

Thazaang 70 leng a si mi Tatmah 99 cu KIA Batalion 17 phu nih timhcia hngak in an kah hna i,i kahnak fak ngai in a chuak tiah theih a si.I kahnak ah ralhrang lei in a tlawmbik 4 an thi,tamngai hliam an pu. “Suimilam 10 hrawngah meithal thawng kan theih,kaphnih i kahnak thawng,Suimilam pakhat chung hrawng i kahhnu ah meithal thawngtheih a si ti lo,mipi zong nih Covid kan tih bantuk in ralzaam siding zong hi kan tih ngai tiah”min langhter a duhlo mi khuami pakhat nih a chim. I kahnak ah a thimi hna hi Nansalet lei ah an thir hna tiah mithmu tu nih an chim. Shan chaklei ahhin KIA,MNDAA hna le rallokap kar ah i kahnak a chuah lengmang nak a si tiah 7stars newnih a langhter.

Nihin thawngpang: Ralhrangbu Nih KIA Bomb An Lamh Caah Fak Ngaiin Hliam An Pu KIA hmunpi Laiza pawng Hpun Pyen Bum pawngkam ah a chawkmi rallokap pawl nih nizaan July 23 zaan suimilam 7 hrawngah KIA nih an kamh mi bomb nih a puahhnawh hna caah fak ngaiin hliamhma an pu tiah theih a si.

Atu bantukin bomb nih a puahhnawh hna caah Hpunpia Bum ah hmun a khuar mi rallokap pawl nih Hangkai Bum, Hpun Pyen Bum ah a um mi KIA battalion no. 24, 19, 25 umhmun lei ah zaan suimilam 8 hrawngin meithal ngan 120MM, 60MM in kah theih in an kah tiah KIO chimhnak nawlngei Col. Naw Bu nih a chim. Rallokap hna hi Dot Hpun Yang, Hpun Pyen Bum le Hkaya Bum umhmun in an kah mi a si tiah KNG nih a tial. KIO hmunpi pawng Hkaya Bum, Bumre Bum, Hpun Pyen Bum umhmun ah ralhrangbu nih thazaang tampi an chap caah i kahnak fak pi in a chuak te kho mi a si tiin Col. Naw Bu nih a chim. Credit:Thechinpost

Thawngpang dang:  NCA Min A Thu Mi Tlangcung Briamtlai Phu Hna Nih Covid-19 Dohnak Committee An Ser NCA Min a thu mi tlangcung hriamtlai phu hna i funtomnak Peace Process Steering Committee- PPST nih atu lio Covid-19 zawtnak kong he pehtlaih in Covid-19 Situation Management Committee- CSMC cu minung 11 he an fonh tiin PPST nih July 24 ah cathanh an chuah.

Mah Committee hi atu lio covid-19 zawtnak kongah i vennak, dohnak le zohkhenhnak rian pawl a kal pi ding an si. Mah phu nih atu lio zawtnak kong he pehtlaih in i vennak, dohnak le zohkhenhnak kongah rianrang tein rian a kalpi khawhnak dingah covid he a pehtlaih mi ramcung riantuantu vialte le ramdang cozah, bu hna he riantuan i bawm cio dingin July 17 ah tuahmi PPST tonbiaruahnak nih a ser mi a si.

PPST cathanh nih Covid-19 dohnak kongah ramkhel kong he pehtlaih ter lo in Kawlram mipi ngandamnak caah riantuantu vialte nih kan i zuam cio ding a si tiah cathanh ah aa langhter. Committee chungtel hna cu Col. Hkun Ok-ka, Col. Sai Ngin, Comrade Myo Win, P’do Saw Taw Ni, Saw Mya Yazar Lin, Comrade San Ni, Dr. Sai Oo, Naing Aung Ma Nyein, Nan Yin Yin Soe, Maj. Saw He Sei, Maj. Saw Mu Eh Wa hna an si.

Leave a Reply

Your email address will not be published. Required fields are marked *