September 18th ,2020 zantim ah Indianapolis,Greentree Apartment a kang i Inn/Unit 12 a um i inn 6 cu lak awk tlak ti lo tiangin a kang dih tiah kan theih .Inn 6 belte cu a kang ve ko nain an remh than hnu ah cun um awk a tha than ko lai tiah theih a si fawn .Inn 6 a kang mi ah hin inn 5 cu Chin mi umnak inn a si i inn 1 cu Kachin mi umnak a si i an neihmi thilri vialte pakhat hmanh chuahpi manh lo in a kanghchih dih .

Kachin hna chungkhar cu Indiana Kachin Baptish Church i menber an si i , vanchiat nak tongmi Chin mi chungkhar 5 cu Miz Christian Church ah pakaht , Chin Bethel Christian Church ah pakhat , Falam Baptish Church of Indianapolis ah pakaht ,Chin Evangelical Baptish Church ah pakaht ,IZCC ah pakhat ( a fale pathum he an si )le , Gospel Baptish Church ah pakhat an si .An zate in minung 25 an si i , an SSCard tiangin a kanghchih dih caah a thar in an tin than a hau lai , thenkhat cu chungkhat neihniam inn ah an um i thenkhat cu Hotel ah an um , cuti cun vansang ngai ngai in an um lio a si .Chin Community of Indiana (CCI) pawl nih bomhnak Gofundme an tuahpiak colh hna i a tlawmtam si lo in mah bomhkhawh tawk cio in bomhkhawh an si . Source : US Chin

Thawngpang dang >>>Supreme Court i biaceihtu rian a lawngmi ah President Trump nih a rannak in khrihfa zumhnak, US constitution le conservative ruahnak a pommi biaciehtu ka chiah colh lai tiah a chimmi cu Liberal democrats pawl nih faak ngaingai in an i buaipi i an tah-ha lawng mang. Democrats House speaker Nancy Pelosi nih President Trump nih November 8 thimnak hlan ah Supreme court i biaceihtu rian a pek ahcun a rian in kan phuah lai” impeachment kan tuah lai” tiah a van hro len.

Trump Faces Election Fallout After Reportedly Insulting Dead Troops

Asinain President Donald Trump nih Nancy Pelosi bantuk mihrut an um hnga maw? phunghrampi nih rian a ka pek bantuk in ka tuah ko lai” tiah a leh. Nancy Pelosi nih Supreme Court biaceihtu rian pek khawh lonak dingah kan si khawhning poah in kan kham lai tiah a chim. Supreme Court biaceihtu cu President nih thaizing Friday ah a duhmi a thim cang lai. Mah hnu ah Senate i Judiciary committee nih hearing an tuah lai I, an pom hnu ah Senator minung 100 nih thimfung an thlak lai I, vote 50 nak tam deuh in an fehter te lai.

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha