Myanmar ramkomh chungah COVID-19 zawtnak ruang ah ramdang phaisa cawk duhnak a zor ruangah Dollar man a tla cuahmah. Hihi Central Bank nih tla thai lo dingah ai zuam len ko nain Dollar man hi a kai ding dirhmun a phan rih lo tiah theih asi. Cu ruangah ramchung thilman a ttum ngai kho tiah Union of Myanmar Federation of Chamber of Commerce and Industry (UMFCCI)nih an chim. July thla chung ahkhan $1 hi 1400 Ks. lengkai a si nain, October thla ahcun $1 dollar ah 1300 Ks. tiang a ttum cuahmah. Dollar man ttum tik paoh ah Central Bank nih dollar tampi cawk in dollar man tla lo dingin control a tuah tawn nain, tutan ah cun kai hlei loin a tla cuahmah ti a si.

Dollor Currency Images, Stock Photos & Vectors | Shutterstock

Dollar man tumkai hi mipi chawlehnak he direct in ai pehtlai mi a si tawn. Central Bank nih karlak in control tuah taktak awk a tha lo. September 30 le October 2 ahkhan Central Bank nih US Dollar $3.8 million le $ 3.7 mIllion cu Foreign Exchange Auction ah dollar man ttum control nak ca ah a rak cawk. Asinain, hi nih hin ramchung thilman tlak nak a siamremh kho lai lo tiah an chim.

110 Dollor Currency Photos - Free & Royalty-Free Stock Photos from  Dreamstime

Dollar man a tla timi hi mipi sinah hmunhnih in hnursuannak a um kho. A tubantuk caan ah dollar man a tlak tikah thilman a tla ve i, chawlet mipi ca ah harnak a chuahpi pin ah kan ram phaisa man kai loin dollar man a tlak ahcun santlai lo ngai a si tiah an chim. Source: DVB

Money American Hundred Dollar Bills Pile | Backgrounds/Textures Stock Image  1514020769

Thawngpang dang>>  Electoral votes ah hin i tluk khawh a si caah, election ah hin i tluk a um kho ve ko. Electoral College ah i tluk a um ah cun, biachahnak nawl hi House of Representatives thutdanh a tingcomi kut ah a um lai i, state kip nih an vote mi cu unit pakhat ah ai hman ve lai.Hi kong hi Constitution ah cun a dikdiar in langhter a si lo nain, state kip aiawhtu phu nih cun an duhmi candidate kha vote an pek lai, tiah Yale University ah law le political science prof. a si mi Akhil Reed Amar nih a chim. State aiawh phu lak nih vote an pekmi zongah an i tluk ko rih a si ah cun, state vote hi san a tlai ti lai lo.

US Supreme Court Fast Facts - CNN

Candidate nih buan a co khawhnak dingah cun a tlawmbik vote 26 a hmuh a hau. A tutiang ko rih ah cun Republicans nih 26 state delegations ai uk rih hna i, Democrats lei nih 22 ai uk ve hna. Pennsylvania belte nih Republican le Democrats delegates ai zat veve in a ngeih hna. Michigan nih cun Democrats 7, Republicans 6 le independent 1 ai ngeih hna. House seats vialte hi election kong lai a reltu a si caah, Nov. 3 thimnak a khupthal a let khotu taktak cu hi state delegations hi a si. Vice President kong i biachahnak belte cu a thar in thimmi Senate kut ah a um i, senator pakhat cio nih vote an thlaak ding khi a si. A donghnak ah cun, cu ti vote an thlaknak kongah buaibainak hna a um pingpang belte le, Supreme Court ah an langhter te lai.

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha