Chin ramkulh chungah Vanlawng tuah hmasa bik a si mi Falam peng i Surbung Airport cu a lim dih ngawt cang ko tiah thawng theih a si i lawmh a um ngai ngai pinah a ho poah nih vanlawng a voikhatnak tum ding hi kan i ngaih cio mi asi. Aralaimi 25 June 2020 ah khin Surbung Airport ah vanlawng țum le kaai tuah chin dingin timhlamnak ngeih lio te a si tiah thawng kan theih cang.


.
Mah testnak an tuahnak ahhin a tulio cu ruah a suur a tam pah tawn caah hi bantuk a herh lio caan teah ni le khua ruah a sur lo nak dingah thlacamnak in bawm cio hna uhsih. An tuahnak ding ah hin zei hmanh I chuah sualnak le buaibainak, hna hnawhnak zeihmanh a um lo i hlawhtling taktak in an tuah khawhnak hnga thlacamnak ngei cio dingin kan i sawm hna. Ref: Falam Today

Atang hi Relchap,,,Coronavirus ruang ah Chin ramkulh Falam peng i Surbung Airport cu an i timh ning bantuk in a kal khawh ti lo nak kong Chin ramkulh sipin Vuanci U Soe Thet nih cun mipi sin ah Media hmangin theihter nak a tuah .Atu dirhmun ah Surbung Airport hi 95 Persent  tluk cu kan dih cang i , ti le mei le inn pawl cu kan lim dih cang nain a biapi bik mi cunglei le tanglei pehtleihnak cet kong ah US lei in mithiam cah a si.

Coronavirus ruang ah Myanmar ah a ra kho ti lo i kan rian cu kan dih khawh ti lo nak a si tiah Vuanci U Soe Htet nih cun a chim .June thlachung ah vanlawng zong a voikhat nak test nak ah kan tumter lai kan ti mi zong tumter khawh a si ti lo i June thladih lei hna ah a si kho te hnga dek maw cu zong cu afiang kho ti lo tiah a chim fawn .Vuanci U Soe Htet nih cun ” Ti , Mei , tower le khualtlawng pawl luh/chuah nak hmun pawl vialte cu kan lim dih cang

Asi nain a biapi bik mi rian a tangmi US lei kan cah mi a rat khawh ti lo tik ah awlok chong in kan um cang ko . US mithiam kan cah mi hi ra kho seh law cu 100 Persent kan dih cang hnga i kan i timh bantuk tein June thla chung ah On nak puai zong sunglawi ngai in ka tuah hnga i vanlawng zong kan tumter cang hnga tiah a chim.

Coronavirus zawtnak ruang ah US mithiam kan cah mi a ra kho ti lo i , mipi sin ah theihter nak kan tuah cang mi le program kan siam cia mi vialte zong laklawh dih in a um i lungrawk ngai in kan um ko tiah a chim fawn .Surbung Airport hi vanalwng tliknak a kauhlei pe 100 , a saulei pe 6000 a si i Fixible Pavement lam bantuk in tuahmi a si .

Over run a saulei pe 200 , a kauhlei pe 100 le vanlawng dinhnak hmun a saulei pe 250, a kauhlei pe 250 a si . Runway Resistance cu pound 50,000 a si i vanlawng ATR 72 (MTOW-49604) a tum kho ding a si tiah theih a si . a biapi bik mi caah US mithiam an cah mi hi Covid-19 boruak a dih hlan lo cu kawlram ah a ra kho ding  asi ti lo caah Surbung Airport project caah cun a dih khawh nak lam a har ngai cang ko tiah lungre thei ngai in vuanci U Soe Htet nih cun Media sin ah mipi thawngthanh nak a tuah nak a si . Source : Khonumthung

By Chuncha