Syria ram nichuah chak lei ah hriamtlai phu hna nih an ukmi hmunhma hrawng cu nizan September ni 20, kum 2020 ah khan Russia ral tuknak vanlawng nih biatak tein a tthuat hna tiah Syria ram cozah he aa zuam cawhmi party lei nih an chim. A tu bantuk in Russia nih ral tuknak vanlawng hmang in a kah hnami hi a luan ciami thla 6 lio ah Russia le Turkey kar kah daihnak caah hnatlaaknak an rak tuah hnu in a faak bikmi kahnak si.

New Russian Su-57 Stealth Jets Deployed to Syria Despite Putin Promise of  Drawdown

Russia ral tuknak vanlawng hna nih hin Syria ram Idlib khua leng zawn, nitlaak lei kap ah bomb an thlaak thlauhmah tiah mit bak in a hmu tu pakhat nih a chim, cun Syria ralkap pawl hmunhma an khuanak Idlib khua thlanglei kap zawn ummi Jabal al Zawya pawng hrawng zongah kah dohnak a faak ngai.

Russia 'deeply concerned' over Israeli attack on Syria

A tu bantuk in kah dohnak a chuakmi ah a thimi an um le um lo cu theih khawh si rih lo i Syria ram nitlaak lei Latakia district ah Russia ralkap pawl hmunhma an khuarnak kongkau hlathlainak tuah tu Mohammed Rasheed nih cun tutan ah Russia nih ral tuknak vanlawng hmang in a kah hna hi kah daihnak caah hnatlaaknak an tuah hnu ah Russia nih a voi 30 nak si cang tiah a chim.Credit:C24SN

Russia 'deeply concerned' over Israeli attack on Syria

Thawngpang dang <<<“Biatak chim ahcun mi tlaihhremtu hna hi mi zapi hmai ah thlai ka duh hna, nain nuhrin covo kha zulh a herh caah Chemical hmang in an chiatha hrawh hi kan duhpiak hna,” tiah Pakistan prime minister nih tu zarh thawk ah khan a rak chim. A ruang cu tu September 9. ah khan nutung pakhat Pakistan khualipi Lahore khua leng lampi ah a mawtaw Bensin a dih. A mawtaw chung ah a fale pahnih innka a hrenhkanh hna i palik chawn in bawmh a hal hna.

Palik a hngah hna lio ah cun patling tam ngai nih an hun fuh i mawtaw thlalang an khuai hnu ah mah nu cu le a fale cu leng ah an rawt hna. Cun nu cu a fale hmuh hngan ah an tlaihhrem. Cun a tak i ummi thilri an lak i an zaam tak hna. Cu he pehtlai in patling 15 cu an tlaih hna. Cu kong ah atu bantuk in an prime minister nih a chimmi cu a si. Cu kong ah khua lam zawh in tlaihhrem a hmangmi cu kan thah piak u tiah nu he pa he duhnak an langhter.

Asinain Muslim ram an si caah an tlaihhremmi nu kha a palh a titu an um. A ruang cu nutung, nungak, nu ngakchia hi amah lawng in mui le zingka ah umter le chawhter hi an duh hna lo. A phung ah an chia lo, i aa chawkmi cu nu ttha lo ah ruah an si. Mah an tlaihhremmi nu cu France rammi sinak aa tlaihmi Pakistan nu a si. Amah lawng aa chawkmi nu nih lam tthadeuh le mi tamnak a si lo ah timhcia te in Bensin aa rawn ding a si, amah a palh tiah hi kong a hlattu pa nih Guardian ah a chim. Credit : TRCT News

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

 

 

By Chuncha