Trump nih Thanksgiving biacah a chimmi ah hmaizarh silole zarh nolh in coronavirus khamhnak sii vaccine cu mizaw thloptu hna le senior citizen pawl phawt hmasa a si lai” tiah video conference in tuchun ah a chim. Coronavirus khamhnak sii sertu Moderna and Pfizer company hna nih an serchuahmi vaccine cu zawtnak rungrul 95% a kham khotu a si. Zawtnak rungrul kherhhlai thiam expert Dr.Fauci nih cun kum voi April thla ahcun US citizen paoh cu phawt dih an si lai tiah a chim.Kum voi tu bantuk caan ahcun a hlan nuning kel in kan nung kho cang lai tiah zumh a si.Credit:Salai Lalramthang

Thawngpang dang>> Laimi tampi nih Trump kan țanhnak aruang cu Khrifa adirpi, same sex adoh, nau chuak rih lo thah apom lo, ISIS ahloh hna, Jerusalem ah US Embassy ațhial ti pawl etc.. an si. Mah hi ațha ko. Joe Biden kan rem lonak cu same sex apom, nau chuak rih lo thah apom, Israel adirpi lai lo, ISIS an tho țhan lai, minak an lor lai ti pawl in Trump dirpi mi pawl kha lingtalet in atuah te lai tiah atuah rih lomi puh in rem lo khi asi. Hihi cu party policy kalning kha asi te ko lai.

Ruah awk: Khrifa nun ah hin same sex apom mi president khi biachia vialte in thangchiat i Satan bantuk tiah au hnawh peng khi maw Khrifa nun asi deuh, same sex apom mi zong Pathian nih adawt ve ko, a caah thlacam piak tu hi kan rian asi ti khi dah Khrifa nun asi deuh hnga. Joe Biden nih president an thim cang ka in vuanci rian akhinh hmasa bik mi cu Israel (Jew) miphun asimi Anthony Blinken (Secretary of State) asi. Anmah Democrat party chung i Muslim pawl hmanh nih Biden nih Zudah miphun ramdang lei vuanci tlaitu rian akhinh caah an soisel colh cang.

Mipeem arem lai lo kan ti lio ah Cuba ram in US ah mipem asimi Alejandro Mayorkas cu Homeland Secretary vuanci rian apek colh. Mayorkas hi US Immigration le Refugee vialte kong ah lutlaitu vuanci asi lai. Cabinet tling tein athim dih hna in website ah an kong tlamtling he ka vun țial țhan te lai

Joe Biden achuah ahcun kan fa le vialte nulenu/ palepa an i um dih cang lai ti phun i thaizing kip tuh ah Malaysia operasi lut in innkip ah an hung lut lai tiphun in ruah ding asi lo. Duhthimnak asi lai. US cu vulei cung ațhawng bikmi Democracy ram asi timi theih ahau. Joe Biden cu Liberalism apom mi Preisdent asi i Donald Trump cu Conservatism adirpi mi president asi. An i dang hrimhrim lai nain US ram rawk seh tiah uktu cu an si ve ve hrim lai lo ti afiang ko. Liberalism le Conservatism afiang mi caah cun nitin țial len awk hmanh aum lo. Hmailei zong ah Liberal president le Republican president an i thlen paoh ahcun hi lengmang hi asi ko lai.

Same sex hna cu um rih seh, hmailei ahcun minung le saram umți (Beastiality) apom mi hruaitu hmanh an chuah te khawh mi asi caah Khrifa mi kan rian cu mah vialte minung cung ah Satan rianțuannak sualnak phunzakip (Social Prejudices) in nifatin kan luatnak ding ah pumpak zumhnak fek tein le thih pi tiang ngamh in dirpi ding kha asi ko. Ka lawm.Victor Khen Sang

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor

By Chuncha

Leave a Reply

Your email address will not be published.