Atu bantuk in mawtaw cang sual ruang i thil a cang mi cu lung a tha lo ngaingai. Atu lio cu rampi thimnak kong he pehtlai in Party cio campagin tuah cio lio asi. a bu bu in khua kip ah kal a si tikah motor le Cycle in khua tlawn a si. mawtor hi cu mi tam deuh citnak a um tikah ahin i cang sual ahcun thihnak zong phan khawh asi i, hliamhma fak zong tuar a fawi te, a zei poah hi iralrin tein kal um khawh hi a herh hringhran. thanwgpang duh nung lo pakhat tu cu a mawngtu pa nih a tlik tak hna ti hi huat a tlai bak mi a si. mah bantuk hi cu a caah a har ngai mi asi.

Mon state, Kyaik Htu myo ah NLD party aungnaingyi ih tel mawtaw pakhat cu speed control thei loin a letih, mi 8 in hriam an ngah tiah theih a si.Tuini October 4, 10:30 ah Mon ramkulh Kyaik Hto myo ah NLD sticker campaign ih tel mawtaw rual lakih a netabik ih feh Hijet mawtaw rang pakhat cu a letih, a totu pawl lak ihsin mi 8 in hriamhma an ngah. Himi Hijet mawtaw mawngtu kum 30 mi Ko Htaik cu a tlan hlo tiah theih a si. The Ladies News

Ziah Chinpa nih NLD cu a vote ?: 2020 election hi USA election bantuk a si lo dohthlenlennak election a si. Kan ram dohthlennak a kan tuah pi kho tu ding hi abik in Sukyi le Minkonaing long ka hmuh hna. Chin ram ah cun Vanlian(L) le Cinsinthang tehi hero politicians an si ve ka ti hna. Keimah telh chih in adang politicians aa ti mi pawl hi cu zeihmanh kan si lem lo. Ralkap nih aana van teing selaw kan dai tthup ko lai tiah ka zumh.

Dohtlennak ahhin hruatu ( Leader) kan herh. NLD hi dohthlennak ah hruaitu bik a si mi Sukyi party asi. Cun 8888 Leader Minkonaing zong nih ttanh mi party a si fawn. Ralkap bawi paul nih an ttih bik mi cu meithal aa put mi pawl le miphun party pawl hi an si lo. Kawlram mipi le mipi thinlung a lak khawh mi Sukyi le Minkonaing hna hi an si.

Miphun party hi miphun caah a herh i ttanh ding zong asi ko nain kan ram sining kan zoh tikah ache-ane atthat rih lo ruangah kan ttanh rih lo mi asi ko. Cubantukin NLD me kan pek lai timi zong hi Sukyi me kan pek lai tinak asi. Cucaah NLD candidates pawl hi me kan pek lai lo nain Sukyi party NLD cu mipi nih me kan pe te ko lai. Election result zong hi aa theih pah ko cang i NLD cu Union ah atlawmbik 350 seats kan hmuh lai timi zong aa-na lo te in kan chimh chi ko hna. 2.10.2020, By Salai Bawikung

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha