Mandalay ah plastic sungih chiahmi phone pahnih an charge nak iruang in rawldawr pakhat a kang tiah thawng kan theih. Mandalay i Tharaphu rawldawr cu tuzing suimilam 2:30 Am hrawng ah a kang. Inn dot a cung bik ah mi 11 an tang i a thimi um loin an chuah khawh dih hna tiah theih a si. Mah inn a kang hi palastic chung ah chiahmi phone pa 2 chagre an thun ruangah a linsa tuk i inn hi a kangnak a si tiah an chim. #TheFifthWaveNews

Biden cu Campaign a tuah nak ah, a mipi pawl an langter bal hna lo ruangah fak ngaingai in soisel a ton. Hi soisel nak nihhin Trump lung a lawmh ter ngaingai tiah an chim. US presidential thimnak cu ni 3 caangcio lawng adu cang, Democrat lein an thlak mi Joe Biden hi tutang cu acawlcang a ttha ngaingai tiah Fox News hman nih a van langter ve cang.

Trump zong a cawlcang a ttha tuk ve tho ko, nain Joe Biden nih 2/3 tluk bak in hmun tampi ah a tei. Tutiang ahcun Joe Biden a cawlcang ttha deuh ngai ti khawh asi. Asi nain Trump hi tih anung nak cu Hidden poll etc.. tam ngai te a ngeih tiah an chim pah ruang ahin, Thimnak ni  taktak a van phak tih ahcun Trump zong nih tei nak hmuh tthan te dawh asi tihi mitam ngai lungthing ah a um  mi si.

Tutang ah Biden cu MSNBC bak nih fak ngai in an soisel ve. Joe Biden cu State kip ah Campaign tuah ding in a kal nak hmun poah ah a mipi hna hmuh khawh an si bak hna loh. Hi ruang ahhin Trump zong nih achim  mi cu Biden campaign a tuah lio ii mipi cu an tlawm tuk ahhin ka innchung ah rawl ei mi zat hman an si lai loh tiah a chim.Tutang zong MSNBC pawl nih hi kong hi a mah Biden biahalnak tuah a ttha te lai ti zong in an chim. Mipi authawng lawng theih asi, cu lawng si loin cu authawng zong cu mi tlawm te authawng asi fawn,a caan ah Mawtaw hawng le Khuang hna kha heih tiah an tum.

Asinain amah Biden nihcun Hi tluk mi tampi nih nan ka don caah ka lawm tuk ati ve . Mi tam taktak in a chim ve ko nain a au mi awthawng cu 50/100 hrawng tluk cio lawng alo. Trump cu a kalnak hmun poah ah a mipi hmuh khawh dih an si. Amah TV ah a lang hlan in a mipi pawl an lang hmasa peng, cu tih ah a zoh tu hna mipi an tha atho ngaingai tiah an chim fawn.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.
Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.
Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.