Nihin October 27/2020 ah Chinramchung kan ngeih chung Surbung Airport ah Vanlawng Tlamtling tein an tum khawh ve cang. Lawmh aum taktak,Hihi a ho thawng si loin Pathian thawng asi.Nihin October 27/2020 cu Chinmi chung ah Tuanbia pakhat  bantuk in chiah asi ve cang lai. Chinmi kan i lawmhnak ni pakhat ah ai caang cang lai.Atang ah hin Video Rak zoh te.

Opening of the First Airport in Myanmar's Chin State Delayed Amid COVID-19

Atang ah hin Hakha Times nih live an thlak mi video kan van chiah chih:

Relchap>> Senate nih Amy Coney Barrett cu an fehter cang. President Trump ca lawngah teinak si loin, Khrihfa ca hrimhrim ah teinak thawngtha a si. Pathian thawnnak hmual a langhnak zong a si fawn. Mah ruangah President Donald Trump kan dirkamh cionak a si. President Donald Trump nih tutan thimnak ah teinak co lo hmanh seh, Supreme Court ahcun khrihfa kan zumhnak a him cang. Pathian a tel ahcun Zei paoh a si kho ko. Khrihfa zumhnak a dirkamhtu President Donald Trump nih teinak a hmuh thannak dingah thlacam cio kan herh rih.

Barrett confirmed by Senate for Supreme Court, takes oath | Star Tribune

Tuan i ka tial bantuk in Republican senator 53 an um i, Maine Senator Susan Collins lawng nih duh lonak thimfung a thlak. Democrats 45+2 Independent le Susan collins an dihlak 48 nih duh lonak thimfung an thlak. Pathian thawnnak a langh nak a si. White House ah President Donald Trump nih lawmhnak puai a tuah hnu ah Supreme court Justice caah biakamnak a tuah colh lai.

Amy Coney Barrett is Confirmed by Senate, Reshaping the Supreme Court - The New York Times

Supreme Court ah khrihfa zumhnak a dirkamhtu conservative biaceihbawi, minung 6 le zum lotu hna a dirkamhtu liberal biaceihtu minung 3 an si cang, cucaah khrihfa zumtu hna caah kan himnak a si. Hi hnu kum 30 in kum 40 chung cu khrihfa mi kan him rih lai tinak a si. Zum lotu hna le liberal democrats hna nih an dirpi mi nule nu pale pa thit-umhnak, same sex marriage, nau thah, nau hrawh, abortion, nu sinak le pa sinak a thlengmi hna, transgender timi a pommi hna caah cun thawngchia taktak a si ve.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

 

By Chuncha

Leave a Reply

Your email address will not be published.