April 22 ah hnahnawhnak a ummi Leitak inn ṭheh dingin April 28 ah Hmawngtlang khuabawi Pu Van Biak Thawng hruainak in Hmawngtlang khuami tam ngai nih Leitak ah an va kalhnawh hna.

Leitak ah security ṭuanvo pekmi palik hna le Covid-19 ruangah Leitak khua luhnak haukaa(gate) a cawngtu mino hna nih an kham hna. Hmawngtlang lei nih an hrocer hna i palik nih kir uh an ti hna nain an kir duh lo. Inn tiang cu kan kalter ko uh tiah Hmawngtlang lei nih an ti i Palik nih cunglei ah phone kan chawnh hmasa hna lai an ti, phone line a um lo caah an chawn kho hna lo. Khua chungah cun an lut i inn cu an va zoh. Inn cu ṭheh hraw loin an kir ṭhan.

Atu Covid-19 ruangah mibu in um lo ding timi phungphai zong cozah lei in chuah a si nain Hmawngtlang khuami tam ngai nih a bupi in Leitak khua an va luhhnawh hi phung he zong aa kalh ngaingai. Leitak khua ram ciacia le hmunhma ciacia i gate a cawngmi hna kut dong in va sawh in va hrocer zong hi thil dawhcah lo ngaingai a si.

Credit: Bawi Bik Thawng

By Chuncha