Hi bantuk thawngpang kan theih cu lung a fak ngaingai. Aruak zoh ahhin nikhua a sau deuh cang mi zong a lo i, zei bantuk in athih ning a si hnga ti zong theih asi rih lo, ti nih maw a phorh hnga?a si lo le an hlonh mi maw a si hnga? Amah tein dah a tla sual mi a si hnga ti zong theih a si rih lo.

Zeiruangahdah a chungkhat hna a ngei hna hnga lo maw? Ti ruah a um ngai, fa chung le khat ngei ko ahcun inn a hlam lo mi hna cu kawl zong kawl ve ding asi nain, atu bantuk thil a cang ko tik ahhin ruah ding a tam ngai caah le a sining hi tha tein theih a hauh ngai phun a si. Hlathlai tu hna nih tha tein an hlat ko ahcun thil sining an theih zau ko lai dah.

Mah hi Hakha times nih live in a vung thlakmi chungin lak mi a si. A minung kong zeihmanh a theih tuk lo nain pa a si ko lai tiah kan zumh tiah an chim. A zei a si poah ah thil thar sining cu kan theih than tuan ko lai caah update thar tuah khawh kan ral zuam than te lai. Hakha HKBC Biakinn thing thlang hausangva ah aho a si hngalh lo mi ruak hmuh a si. Video Credit: Hakha Times Newspaper

Thawngpang dang <<< Kan farnu Sui Hlei Tial ruak tawlrelnak he pehtlai in pehzulh fianternak: 2020 October 08, zinglei 09:00-11:00 ah Thantlang penguk zung ah cozah zunglei nawlngeitu, khua nu/pa le TYA/TSC upa tonbiaruahnak kan ngei. A biapi in kan lungfah, ngaihchiatnak le biakhiahnak ngeitu Covid-19 main committee ah khuami le zatlang phu telh le ruahnak hal ding ah chimhruah a si.

2020 October 08, zanlei 1:00- 4:00 ah Chin ramkulh cozah in Vuanci Pu Soe Htet, Upadi Choh Pu Sonny Thang Cung, Chin ramkulh uknak zung bawizik, Palik bawizik le khua nu/pa, biaknak lei, ngaihchiatnak tong mi chungkhar le TYA/TSC kan i tel. Tonnak a dih hnu ah Ramkulh cozah le TYA/TSC lawng tel in tonnak ngeih ding in hal a si i a dih hnu ah kanmah le Cozah upa lawng zalong tein kan i tong.

Chin ramkulh cozah sin ah kan hal mi cu: 1. Hi kongkau ah mizapi lei teltumnak in a zalong mi hlathlai phu (Independent Inquiry Commission) dirh i hmuhchuah mi fianhnak le dantatnak ngeih ding. 2. Peng huap Covid-19 Committee ah khuami teltumnak ngei ding in remhsiam ding. 3. Hihnu hmailei ah hi bantuk a um lo nakding le Covid-19 zulhphung he aa tlak in aho mithi zong nih thlaan hmunte ah an i vui khawh nakhnga tawlrelpiak ding

Hi a cunglei kan hal mi kong ah Chin ramkulh cozah nih ruahpiak ding le Statement siseh, thawngfianhnak tuahpiak ding in lehnak an kan ngeih. Credit: Thantlang Youth Association

Ape cangmi nan cungah kan ilawmtuk! Kan ruahning lengin Bulh A Pemi Kan Tam. October 12, 2020 (Kawlram Caan) zinglei 11:00am tiang kan cohlan rih lai. Sui Hlei Tial(21) Bulhnak Bawmhhal mi pek a duhmi nih GoMefund https://gf.me/u/y3w8bm ah pek khawh rih a siko. October 17(Sat) ah Chungkhar hna sin kan pek chanh lai. | Tangka fang (Cash) in pek a duhmi nih USA- 240-786-8162 le Kawlram – 09259153892 ah pehtlaih khawh a si. Ape cangmi nan cungah kan ilawmtuk!

Chin ramkulh Thantlang peng Tlangte khuami Thantlang khuachung No. (2) um Pu Thang Kar le Pi Tluang Zi hna I a fanu Leng Sui Hlei Tial (21) kum cu Malaysia ah inncung Dot (9) in September 29 ah a tla i a kan liamtak. October 1 in a semnak Thantlang, Chinram a ruak an tlunpi nain October 4 ah COVID-19 boruak tiin Thantlang khua phakhlan lamkam ah an vui. Ramkip Laihritlai Chin unau dihlak nih lung kan fakpi cio. Cozah lei le chungkhar lei iceihhmainak in October 7 ah Thantlang thlanmual ah an vui than.
Sui Hlei Tial ruak tlunpinak ah a herhmi Malaysia le Kawlram Embassy, Vanlawngman le tlun kalman ah tampi a dih tiah chungkhar sin in kan theih. Cucaah Sui Hlei Tial dawtu le Chin miphun thihlo bultawl nunphung tha a pemi unau hna nan kut samh cio dingin Tangka bulhnak he The Chinland Post nih bawmh kan in hal ve. Credit: The Chinland Post

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha