Hakha Chin Oo Si, Nichuahlei sang um Evan. Thang Zel inn cu, nihin 2020 October 29, chun suimilaam 10:00 in 11:00 karlak ah mifir nih an bauh i, tangka sing 4 hrawng an lak, tiah kan theih. Evan. Thang Zel nih, “Kan nupa in Rual-U thlacamnak tlang ah, thlacam ah kan kal. Kan kal hi zing suimilaam 10:00 ah a si. Kan fanu sianginn cachim a tuan mi inn ah a um. Kan kal tlawmpal khan anih kha sayagyi pa nih a auh i, cazin tuak ah cikhatte a va kal khi a si.

Image may contain: plant, tree, house, sky, outdoor and nature

Inn zong tawh a hrenh ta dih. Caan sau a rau lo, a rak tin ahcun innka cu aa hung dih cang. Bizu chung ah tangka kan chiah mi sing 4 hrawng an lak,” tiah The Hakha Times ah a chim. Atu bantuk in inn an bauh hi, atu lawng a si lo. An inn pawngkam zong atuletu an bauh lengmang hna. A bauhtu le a firtu hi mizeisat a si an thei rih lo. Cun, inn an bauh caan le thil an fir caan zong hi zaan ah si loin chung lawngte ah a si, tiah Sangmi cheukhat sin in kan theih.Source : Hakha Times

Image may contain: indoor

Thawngpang dang >>> Former President Barack Obama nih Orlando, Florida ah Democratic ticket Joe Biden le Kamala Harris caah he tiah campaign a tuah. President Trump cu fakpi in a vun phomh i, Media pawl nih Coronavirus kongah an ttial tamtuk mi Trump nih a soisel mi hna cu, Barack Obama nih Trump fakpi in a phomh. Obama nih Trump cu, “Zia Trump nih hin mah bantuk in Media nih Covid kongah an tial mi ah a vun soisel hna, US mipi nih Covid an buaipi lai i Covid thawngpang thei an duh lai cu tiah fakpi in a vun soisel.

Donald Trump - Latest News and Top Stories | NBC News

Obama nih Trump cu Tax a pek bal lo mi a si tiah a soisel than. Mah bantuk in Obama nih President Trump a vun soisel caah Trump nih ceilak in Obama cu aleh ve.Obama cu mi um lonak ah bia kha chim saw saw ko hna seh. Biden cu teitu a si lai lo tiah a zum kho lo caah a duh lo bu in endorse a tuah mi a si ko, a bia chim mi hi lakding a um lo, fake lawngte si.Obama nih Joe Biden caah Campaign a tuahnak ah mipi hmuh ding zong a um lo. Joe Biden le Obama cu US mipi nih an duh hna lo, an campaign tuahnak ah mi hmuh ding an cum lo khat tiah ceilak in aphomh than hna. RTK

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.