Rak ka ruat thiam uh Keimah le keimah sual ka phaw. Chawva in thazaang ka chuah kho lo. Ka miphun harnak an tong. Sizuung piahnak a um ti lo. Ralzaam si a har zia ka theih. Rak zam lio a har zia ka theih. Fimnak thiamnak a cawng kho lomi ka si.

May be a close-up of 1 person

Mah ram holh hmanh ka thiam lo. A rak tangmi ka miphun hna An tuar tthan lai ka siang lo A har zia kai fiang. “Bawipa, nangmah lawng ram damtertu na si. Nangmah hi kan in herh bik ko” ti dah lo keicu ka ram caah ṭhathnemnak ka ngei lo Tuzaan, nan hmai ah ningzak lo tein keicu ka ttap. Credit: Nusung hrangtlung

Thisen a luang thok cang: Kawl ralkap uknak an lak thok in mipi nih kan duh lo nak hna tu tiang hi peh tein duhlonak langter a si. Ngakchia upa telin Kawl ralkap uknak kan duh hrim lo I, kum tam tuk hremnak kan rak tuar cang tikah a ho fial um lo in mah lung te bak in kawl uknak duhlonak kan langter cio mi a si. Atu bantuk dirhmun ahhin cun mipi lei nih hnu kan tawlh lo a tha. Ralthat can a si. Atu hi can kan ngeih chun cu a si.

May be an image of one or more people and people standing

Mi nih ram caah dawtnak fak piin a au khuang lio hna ah duh salam in um ve inn chung hna I bengh ding can a si ti lo. Minung pakhat nunnak hi a hlu/asunglawi tuk mi a si. Nihin ahcun thisen a luang cang ko. Tampi luang rih khawh kan si. Kan tefa chan tiang ah a nguh ding mi tuanbia tial a si ko cang lai. Nihin ah Naypyitaw khuapi bikah duhlonak sandah a piah tu hna cu police nih an mi an then hna nak ah meithal an puah i, nu pakhat cu an kah khawh ruangah hliamhma a tuar hnu ah a nunnak zong a liam tiah thawng theih a si.

https://www.bbc.com/burmese/live/burma-55990512

Ralkap Uknak Duhlo Langternak a fak chin chin Ruangah Martial Law an Phuang. February 8 ah Kawlram i khuapi pakhat a si ve mi, Mandalay i duhlo langternak a fak chin chin ruangah Martial Law phuan a si. Mah order an chuah mi cu Mandalay i ramkulh ṭhen 7 a huap i duhlonak langternak, asilole minung 5 nak i tam umti lo ding le zaan suimilam 8:00Pm in zinglei 4:00Am tiang chuahvah lo ding bia pawl cu general administration department nih a phuang chuak hi asi.

May be an image of one or more people

Hi bantuk order bia an chuah mi hi Ayeyarwaddy pengṭhen khat zong phuan a si chih I, a rauh hlanah pengṭhen dangdang tiang a a phuan dih an tuah dih ko lai ti hi an thin a phan ngai mi a si cang. Mah thawnh an chuah mi pawl hi zei tik tiang dah an kal pi lai ti mi zeihmanh theih khawh a si rih lo nak konh Mandalay khuapi chung mi nih an chim. 𝑆𝑜𝑢𝑟𝑐𝑒: 𝐴𝐹𝑃/𝑎𝑗

Trump naupa, Myint Aung Hlaing: Atutan anaa laknak kongah keicu mahti hin ka ruahning a si ve. Ka ruahning hi za ah za a si dih ka tinak a si lo nan anaa laknak kongah cun 100 chungah zatuak 40 hrawng cu a tel ve tiah ka ruah. Ka ruahning cu Kawlram Khrihfa dihlak nawn nih Trump nan dirpi nan ttanh tuk ruangah Pathian nih Myint Aung Hlaing hmang in dan an tat hna tiah ka ruah. A rengreng ah Myint Aung Hlaing zongnih Trump nih Biden vote fir a puhmi kongah Kawlram Khrihfa zongnih nan dirpi tuk le nan ttanpi tukmi cu a fiang tuk ve/a theih tuk ve. Mah ruangah NLD party zong mee fir ka puh ve hna lai an ka soisel ngam tuk lai lo, chimnak lam ka nei ve lai timi a fiang tuk. Mah ruangah nan ttanhtuk mi Trump nih Biden mee fir a puh bantuk in Myint Aung Hlaing zongnih NLD party mee fir puh ve cu a ngamh tuk cang. Aruang cu Kawlram Khrihfa tam deuh nih Trump nan dirpi mi cu Kawl ralkap pawl nih an I fiang tuk. Phundang in kan chim rih ahcun Trump a ttanhtu, Kawlram Khrihfa pawl nih khuachia ttha lo nan auhmi cu atu hi bel le kheng tum in nan tthawl tthan cu. Trump dirhmun le Myint Aung Hlaing dirhmun sining hi tampi a khat/a lo.

May be an image of one or more people, people standing and outdoors

A dang nolh cu nikum October/September hrawng thok in Trump le Than Shwe le Myint Aung Hlaing te cu unau rual an si ka rak ti lengmang cang voi 6 leng. Curuang ah Myint Aung Hlaing nih Trump nawl a cawn ve. Aruang cu an lungput le an ziaza le an ruahnak a khat. Laimi cheukhat zongnih nan ti vemi cu Trump I a thlaici tuhmi cu Kawlram ah a kheu nan ti. A hmanmi si. Aruang cu Mike Pompeo I a chimmi bia hna kha philh hlah u. Pehtlaihnak tampi a nei ve. Kawl ralkap nih a ttih bikmi cu USA ram hi a si ko. Mah ruangah Trump I a ttha lomi tuahsernak cu an I cawn ve. Aruang cu US nih soiselnak le mawhchiatnak kan cungah tuah awk nei hna hlah seh ti an duh caah a si ko. Mah ruangah thimnak a phichuak a dik lo, a hman lo ti lei in an I la ve. Kawlram ralkap nih hin UN zong an ttih lem lo cu. Aruang cu UN ah Tuluk le Russia nih an dirpi peng. UN cu a nem tuk fawn Kawl ralkap caah cun.

Atutan anaa laknak kongah ka lungah a chuakmi hla funghnih a um. 1.Salai Sun Ceu nih a sakmi “Nun man nei lomi maw nan rak si” timi hla a si. Kawlram chung I a ummi vialte hi vawlei ah nun man nei lomi tluk nan rak si cang ko rua ka ti. “Pa chankhat chuah ve I dawtmi colo ahcun ka thih siarem lai lo Cung Zingnu ka bawm law dawtmi co lainak ah” timi hla hi a si. Ram pakhat a chung I a ummi vialte nih vawlei cung nunchung I a dik a hmanmi Democracy uknak tep ve loin nunnak liam ko lai hi cu kan thih sia a rem hrim lai lo. A thimi zong an tampi cang. Cung Pathian nih a dik a hmanmi democracy uknak kan pe zau ko seh. Kawlram chung I a ummi minung kan dirhmun cu zeihe dah a lawh ti ahcun rawl thawthaw a phunphun kan tuah I mah cu thaw ngai le nuam ngai in kan ei lioah mitthalo ralbawi pawl nih an kan buaihnawh I kan rawlkheng le kan tthutdanh cabuai vialte cu an kan lehpiak dih I khim manh loin an kan zamter dih/an kan dawi dih. Laklawh in an kan tuah dih/an kan umter dih. Democracy uknak rim kan hnimh kan ti vial ah an kan lakkhanh diam ko/an kan chuhpiak ko.

Image result for myanmar army

Trump ttanh ruang I hehtiah a au lengmangmi Lai pastor le evangelist pawl khoika dah nan si dih e? Ziah Kawl ralkap le Myint Aung Hlaing hna khi nan au hnawh len ve hna lo e? Ziah sandahpiah hna ah nan I tel ve lo e? Ziah hruaitu hna nan ttuan lo e ralkap uknak dohding ah, profet hna bantuk in? Keimah soisel le volhpamh lawngah maw Trump ttanhtu, Laipawl san nan tlaih lai? Myint Aung Hlaing le ralkap pawl hna khi kawlca hna in hei soisel len hna u law hei vawlpam len hna u ca. Biden nan au hnawh le fir nan puh bantuk in Kawl ralkap uknak ttha lo zong au hnawh len hna u law fir le hrokhrawl hna puh len hna u ca. Sandahpiah tik zongah va I tel len ve u ca. Trump nan ttanh ruangah nan palh I rawl-ulh in thla rak cam u kan ti hna nan nan duh lo ruangah dantatnak fakpi kan tuar cang hi aw. Kawl ralkap ttha lo nih kum tam nawn ceilak tein an kan phomh rih lai hi.

Kawl ralkap cu an puar, an hrang, an ttha lo, mitlaih an hmang I mithah an hmang ruangah nan ttih hna I cutluk pi cun nan soisel ngam hna lo I nan auhnawh ngam hna lo. US cu democracy ram a si bang in luatnak le zalonnak le nuhrin covo biapi tuk in an chiah ruangah hehtiah Biden le a party hna duhtawk tein nan soisel ngam hna I nan auhnawh ngam hna. Kawl ralkap ttha lo cu nan ti ngam ti hna lo. Chinmi hrimhrim cu politics kong ahcun kan ralchia tuk. Karen nungak pahnih hmanh khi kan tluk hna lo.

Image result for myanmar army

Uknak ttha lo a chuah tikah innchung ah umphung a si tilo/I benh phung a si tilo. Lengah chuah in lam cungah sandahpiah dih a hau cang. Sandahpiah cu a phun2 a um ko lai. San an tlai dih cio ko lai. Nan Kawlram sining tuak tik ah lamcung bak ah chuah in sandahpiah a hau. Mi tampi nih nan I thawh I atuchan cu social media chan a si I minung kan fim tuk cang. Thil ttha lo le din lonak thuh khawh a si ti lo ruangah uknak hi a thleng zau ko lai tiah nan zumh. Uknak thleng zau cu kan dihlak te duhbikmi a si ko. Nan cucu a tak ah fawi dawh a si ti lo. Kum tampi rau dawh a si cang. Ralkap butkedanh hnawtpiak le ralkap tang 3/4 awnglo pawl kha boss le sayakyi ti auh in kum tam nawn hmang rih dawh kan si ko hi. Kum 60 chung nawn a phunphun in duh lonak kan langhter nan thlengnak taktak cu a chuahpi kho lo tikhawh a si. Curuangah atutan cu fak chinchin in kan I zuam a hau lai.

Laimi (Chinmi) le Kawlram miphun dang, politics kan kalnak lamthluan ahhin fimkhur tein le ralring tein kal cang hna u sih. Trump cu palhttanh in kan ttanh tuk ruangah kanmah cungah Myint Aung Hlaing hmang in dantatnak kan tong cang hi. Kan lung a fim rih lo. Trump, Than Shwe le Myint Aung Hliang te pawl lungput le ziaza le kalning cu a khat bakte an si tiah voi 6 leng ka rak ti cang kha. Trump a hlawh tling lo. Myint Aung Hlaing teh a hlawhtling ve lai maw? Atutan uknak ttha lo nan auhmi cu bel le kheng tum, le a phunphun in tthawl nan I zuam nan thlengnak taktak a chuahpi lai maw chuahpi lai lo theih khawh a si rih lo. Atutan I ralkap uknak tthalo, langngam ti loin nan tthawl khawh lo ahcun ruahchannak a um tilo tluk a si cang ko. Zungzal in ralkap kut tangah nan um a hau ko lai. Keicu beiseinak ka nei tuk lem lo. Ka pehtthan te lai. By Van Tum

By Chuncha

Leave a Reply

Your email address will not be published.