Bishop Dr. CK No Chhum Nih Hakha CDM Ah Aa Tel Mi Hna Dinti Le Veve Sing 4 Leng Man Bawmh

Bishop Dr. CK No Chhum Nih Hakha CDM Ah Aa Tel Mi Hna Dinti Le Veve Sing 4 Leng Man Bawmh

Bishop Dr. CK No Chhum nih Hakha CDM ah aa tel mi hna dinti le VeVe sing 4 leng man bawmh: 22-2-2021, Believers Church, Myanmar hruaitu Bishop Dr. CK No Chhum nih Hakha ah CDM cawlcanghnak in lam a zawh mi hna dinti le VeVe sing 4 le cheu man a bawmh hna, tiah kan theih.

May be an image of 1 person, standing, outdoors and text that says 'SKYNET NET Esther Store Believers Church Hakha We Pray For M anmar'

Hi kong he pehtlai in Hakha Station Believers Church in Bishop Dr. R. Mang Hre nih, “Hi bawmhnak hi Yangon lei in kan pubik a si mi Bishop Dr. CK No Chhum nih lamzawh mi hna an tihal in an baa lai tiah VeVe box 70 (Dur 1680 hrawng le dinti boxes tampi) kha rak bawm hna u, a kan ti. Amah pumpak nih bawmh mi a si. Kanmah Station Believers Church Mino zong nih dinti le VeVe sing 1 le cheu man hrawng an rak bawmh cang hna. CDM cawlcanghnak ah hin kan dihlak kan i tel a hau. Ramkheel lei lawng ah ruat loin ram a that nakhnga Biaknaklei upa zong kan i tel a herh,” tiah The Hakha Times ah a chim.

Bishop Dr. CK No Chhum nih hin Yangon lei lamzawhtu hna ca ah Laichi boxes 2000, a voi hnihnak ah arsa le changreu 1000, Kanpetlet lei minung 250 ca ah chuncaw le Thantlang lamzawhtu hna ca ah VeVe boxes tampi a rak bawmh bal cang hna, tiah kan theih. Credit: The Hakha Times

May be an image of one or more people, people walking, people standing, crowd and road

CDM RawlṬam Le Tihalmi Hna Caah:- Dear Upatmi Bishop Dr. CK No Chhum, Kan ram luatnak le daihnak ding ca CDM cawlhcanghnak i rawlṭam le tihal tuar mipi hna caah tiah:- (1) February ni (14) ni, Hledan lampi i minung (1000) hna caah chuncaw fun (1000) le (2) February ni (17) ni, Myanmar Company Bank (1) hmai, minung (2000) renglo an i tonnak hmun ah Chicken Rice Vermicelli (ကြက်ကြာဇံကျော်) fun (1000) na kuatmi hna kan hmuh tikah na cungah kan i lawm tuk hringhran.

Atulio kan ram, kan hmailei hei cuanh tikah muikhup in a ummi a ceu ṭhan khawh nakhnga CDM cawlhcanghnak zongah na thlacampiaknak long siloin, thilṭha tampi na tuahmi cungah kan i lawm tuk. Na tuahmi dangdang a um ko ti zong a thlam cun kan theih ko nain na kan theihter duh rih lomi zong a can a phak tik i kan theih te lai ding zong kan i ngaih tuk hringhran.

May be an image of one or more people, people walking, people standing, crowd and outdoors

Na rian biapibik Khrihfabu zohkhenh, biakinn sak le missionary tampi thlahnak rian na ṭuan long siloin, kum 2008 lio kawlram Buhbel tiah auhmi Ayeyarwady le Rangoon Division ah Nagis ruangah mithong tampi an rak thih le an rak loh, harnak an rak ton lio thawkin, Hakha pi cimh lio, Rakhine State ah kum fatin tilian ruangah harnak a tongmi,

Rakhine ralzam harnak a tongmi phu tampi hna sin le, Covid-19 ruangah harnak a tongmi hna tiangin, kum fatin mi bawmtu dingah Pathian nih an hmannak ka hmuh tikah Pathian le na cungah hi Capar hin lawmhnak ka van chim. Hi bantuk Khrihfabu hruaitu ṭha kan in ngeih hi Pathian sin le na sinah kan i lawm tuk tiah ka van nawlh ṭhan. Sincerely, Za Ling Sang

 

Hakha Innwa bank ah riantuan mi minung pakhat CDM ah aa tel ca ah rian in an phuah: Hakha Innwa bank ah rian a tuan mi Francis cu CDM ah aa tel ruang, February 17 zaanlei ah rian in an phuah tiah kan theih. “CDM an thokka Zarhteni in zung ka kai ti lo. Kan manager nih a ka auh i nikhatni in zung na rak kai lo ahcun cunglei ka chimh hna lai i rian in kan in phuah lai a ka ti. Nan duhning poh in ka tuah ko uh. CDM a dih hlan lo cu zung ka kai lai lo ka ti hna.

Nizaan February 17 ah kan manager nih a ka chawnh i cunglei pek ding ah chuahnak ca rak tial a ka ti. Ka tial lai lo tihin ka chuah ko uh ka ti hna,” tiah CDM ah aa tel mi Innwa bank ah riantuantu Francis nih The Hakha Times ah a chim. Innwa bank ah riantuantu dihlak an chuah mi telh in minung 11 an si. Innwa bank riantuantu ah Laimi nakin Kawlmi an tam deuh tiah kan theih. Credit: The Hakha Times

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

Leave a Reply

Your email address will not be published. Required fields are marked *