US Democratic Presidential candidate Joe Biden nih Amazon tupi sáwksâmtu ah Brazil a puh ruangah Brazil President cu Joe Biden cungah a thin  ahang.US Presidential candidate pahnih Donald Trump le Joe Biden debate an ngeihnak ah khan Joe Biden nih Amazon tupi ceureu tertu cu Trump le a hawipa Brazil president Bolsonaro a puh i Amazon tupi sersiamnak dingah ramdang hna nih US dollars $20 million hlut hna seh law tiah a duhnak a chim.

Jair Bolsonaro limits ban on fires in Brazil to Amazon only - The Hindu

Joe Biden biachimmi nih President Bolsonaro thin a phawh ngai ngai, Brazil ramchung thil le economy ah Joe Biden rak i thlak lo dingin a duhnak a chim i cuhlan US – Brazil i pehtlaihnak le i hawikomhnak hrawk kho lei i bia chim tilo dingin Bolsonaro nih Joe Biden bia a cah.Joe Biden nih hin Trump he debate an ngeihnak ah Trump foreign  policy chiat ning tahchunhnak ah Brazil khi zoh ding a siko tiah Brazil tupi tha Amazon tupi cu Trump le Brazil President ceureu termi ah a puh.

Facebook blocks 12 accounts of Brazil president Bolsonaro's supporters -  The Week

Kan hnungkum 2019 ah khan Amazon tupi hi fak ngai i arak kang, a kanghnak ruang fiangfai in theih a silo. Mithiamsang hna nih an chim ning ah Vawleicung Oxygen 20% hi Amazon tupi nih a chuahpimi an si, kan hnungkum ah khan fak tuk in a kangh ruangah pawngkam thil ummi hna caah harnak tampi a chuah an zumh. CBN News

Thawngpang dang>> President Donald Trump hi a rumlianhnak le Company a ngeih mi kong le ngunkhuai kong he pehtlai in cathanh chuahnak a ngeih lo ruangah Upadi phung ning in zuamcawhnak fak ngai a ton lio a si. 1970 kum hnu khan ngunkhuai kong he cathanh a chuah lo mi President zong a si.  Biden caah atu lio US dirhmun tha lo paoh a char i Trump tuknak ah a hmanter.Trump nih Biden chambaunak a char poah ah Moderator a thahpiak leng. Tu zan Biden hi politician experience ngei a sinak a lang ve. Moderator pa kha an rak merhpiak cang caah maw a hnangam le si hnga ka thei lo. Trump nih bia in nonnok a timh tawn nain i a ti kho lo. A vaivuan kho bak ve lo. Twitter in Wallace a von phomh colh lai.An bia ka ngaihmi hna chungin ka hmuhning tawi si.

Biden tries to hide radical economic agenda as he accepts Democratic  Party's nomination | Fox Business

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.
Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.
Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha