President Trump Nih Income Tax $750 Lawng A Pek: New York Times .2016 ah US rampi President sinak hmunhma a tei i, US President rian a tuan cuahmah lio mi President Donald Trump cu President a tuan chung ah income tax a pek mi $750 lawng a si tiah New York Times thanhca nih a tial.

Opinion | The Republican Party Has Embraced Its Worst Self - The New York  Times

New York Times nih President Trump nih ngunkhuai a peknak tehte kan ngah tiah an thanh. Cu tehte chung ahcun Trump nih ai ngeih mi Company nih hin kum 20 chung ah kum 15 chung ngunkhuai a hrial tiah a thanh chih fawn. Hi kong he pehtlai in President Donald Trump nih a leh  ve mi cu “fake news” tiah a soisel hna. “Ngunkhuai ka pek ko. Ngunkhuai kong he pehtlai in ca a chuah tikah nan theih telai.” tiah a chim ve. Cu pin ah, “ramchung ngunkhuai peknak zung hi ka cungah an dikfel lo” ti zong ah a hrang.

President Trump signs orders to lower prescription drug prices - The Sunday  Guardian Live

President Donald Trump hi a rumlianhnak le Company a ngeih mi kong le ngunkhuai kong he pehtlai in cathanh chuahnak a ngeih lo ruangah Upadi phung ning in zuamcawhnak fak ngai a ton lio a si. 1970 kum hnu khan ngunkhuai kong he cathanh a chuah lo mi President zong a si. Source: BBC

Donald Trump halts WHO funding over 'severely mismanaging and covering up'  on Coronavirus - The Statesman

Thawngpang dang>>The Hakha Post hi mipi zong nih kan bochanmi hna le kan zumhmi hna an si. Bu riantuannak ahcun thil i hmuh kho dih ti cu a fawi te cu a si lo nain mipi caah rian hlei a tuanmi hna le zumhmi hna cu thawngchia theih um lo in kalti lenti tuanti le thanwgtha i theih khawh peng hi siseh law zeitluk in dah a va nuamh lai mu. Minung thisa in a nung mi le mui le hmai, ruahnak thinlung i khat lo cio cu si ve kaw riantuan tha hmuhnak tha, ruahnak tha, thinlung tha tiah kan hmuh mi le kan ruah mi hi mi caah cun a rak hmang lo a si kho peng ti hi theih a rak tha ngai hih teh.

The Hakha Post Dirhtu le A ngeitu chungtel Lallawmpuia@Papui nih The Hakha Post in a chuahnak Thawngfianternak September 28, 2020 A Tuah. Papuia nih Video fianternak a tuahmi kan zoh cu ngaih a chia hringhran ko. Amah a chim ning ahhin cun atu i lutlai a tuanmi cungah tih a nung ngaingai thil a si. Minung sinak in riantuan cu i cuh phung a si ve ko nain a chung thilri phaisa kong tiang i riantuannak a lang tikah a poi kho taktak ko.

Mah hi Chin Broadcasting Network nih an rak thlahmi video ah fianternak a tuahmi kan hmuhmi a si. Papuia nih achim ning ahhin lung a fak hringhran ko, minung cu phungphai a ngeimi an si ko caah rian dinnak a si ah thil sining kong cu tha tein i hmuh ton in chim le rel in chuah kho sisehlaw a dawh tuk ding khi a si. Media thar kan i chapnak kong zong fianternak a kan tuahmi kan hmuh i kan i lawm. Hakha Times tiin a rauhhlan ah kan hmuh than lai. Video hi a si khawh ahcun CBN ah hin rak zoh khawh dih i zuam te uh.

By Chuncha