“Nelson Mandela hi hruaitu a rak si naisai lo. A ram ningpi a hrawh dih. A z**ng deuh si lai. A ram cu ekkhur ah a chuah,” tiah Donald Trump nih president a rak si hlan 2013 ah a chim tiin a sihni (lawyer) hlun Michael Cohen nih a rauh hlan i rel khawh a si ding a cauk “Disloyal, A Memoir” ah a ttial. Mah cu kong cu USA media nih a cauk an rel chungmi chung in an char i an hun langhter tikah White House nih cun a el, “A dik lomi a si,” tiah. Asinain Trump pumpak in lehnak a um lo.

Nelson Mandela 100th birthday: 100 facts about South African leader

Michael Cohen hi kum tampi Trump caah sihni a rak ttuanmi a si i President Trump he ngunkhuai an peklomi kong le Trump nih a rak ton tawnmi tawzuar nu phaisa in a kaa a phihmi kong ah biaceihtu sinah lih a chim i Trump a rak pheh piak caah thong an thlakmi a si. Cucaah White House nih zumh a tlak ti lomi pa a si, an ti.  BBC News nih Cohen cauk an rel chungmi ah an hmuhmi cu Trump nih Minak paohpaoh hi a niamdeuh le mi nauta ah a chiah hna i minak an music-culture le politics tiang khi a niamtuk ah a chiah ti a si.

𝗠𝗮𝗻𝗱𝗲𝗹𝗮 𝗸𝗼𝗻𝗴 𝘁𝗹𝗮𝘄𝗺𝗽𝗮𝗹: https://teirialcatialtu.blogspot.com/search?q=Mandela

WATCH: President Trump, White House Coronavirus Task Force April 15 briefing

President a si hnu 2018 ah hin Norway prime minister nih Trump a rak ton lio ah a chimmi cu Ekkhur-ram pawl (south america le africa) nakin Norway mipem tamdeuh in an luh ding ka duhdeuh tiah a rak chimmi American Reporters nih an rak ttial/ chim len.Cu a si bu ah “Keimah hi USA president lakah mi a thleidang (racist lo bik) lobik ka si,” tiah journalist pawl sin ah a rak chim. Trump nih Obama he a mui aa lomi pakhat a hlaan ter hna i President Obama mualphoh can ah White House in a phuah, tiah Cohen nih a ttial chih. Cucu Trump le White House nih an let lo. Mah  kong a ttialnak cahmai ah Trump le minak pakhat a zungkhan ah an totti lio aa tel. Cc: BBC / ABCNews / Washington Post

24 of Nelson Mandela's most inspirational and timeless quotes - Business  Insider

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha