Nizaan 2.7.2020 Zan Suimilam 11:30 ah Nu Nau ngeikaa cu a nau ngei ahar ngaingai caah Thantlang Zatlang Zohkhenh Nak Bu nih zan hlan in Thantlang Siizung in Hakha Siizung ah an kal pi lio asi tiah thei asi .

A zaw mi nu cu an min le a khua le asining detail an rak  langter rihlo caah hnu deuh ah thawngpang fiang thanh kho colh kan van I zuam lai. Zatlang Zohkhenh nak Bu lei in thlacam bawmnak kan herh ko tiah an ti caah , thawngpang fiang detail an langter rihlo nain thlacam bawmnak hal asi ruangah a hlan kang te in kan rak share chunnak asi . Thlacam tu bawm hram usih .Bawipa nih dam nak tlamtling pe hram she.

Thawngpang dang relchap<<Independent in Thantlang Peng Pyithu Hluttaw ah MP aa cuhding Salai Dokhar (Thantlang peng Tisen khuami) nih Thantlang peng Pyithu Hluttaw caan Independent in cuhding ah thawng a rak thanh cang. Salai Dokhar hi mino te si in University mino hruainak ah a cawlcang ngaimi a si tiah kan theih. Kalay in sianginn a dih hnu Kankaw Education Center tbk ah sianginn a kai i CHRO zong in Intern a tuah balmi a si.Akonglam fiangte in amah nih thanhnak a kan tuah piak cang. Lawmh a um hrinhran, mino te nih hi bantuk in ram le miphun caah a pum pek ngamh mi kan hmuh tik ah upat a tlak hrim hrim. Teinak zong a hmuh ko lai ti ruahchannak tampi kan ngei. Chin mino hna nih kan miphun kilkam le kilveng hram cio uhsih.

Thantlang Pyithu Hluttaw in aa cuhding ah CNLD in Salai Van Bawi Lian (Martin), NLD in Pu C. Za Cung le Independent in Salai Dokhar hna an min a chuak. USDP nih cun July 11 hnu ah thanhnak kan tuah te lai tiah an chim.Mah hi amah nih alangter mi asi. atangah video a um chih lai. Mipi Sin ah i theiternak : Ka min: Salai Dokhar Ka khua: Tisen Ka kum: 27 Education: B.Sc.,Hons, Dip in CLASS Ka rian ttuannak: Federal, Phunhrampi, Nu Covo, Policy le Leadership

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha