8888 lio ahcun Mipi sandahpiah in Ralkap an do. Asinain 2021 ahcun bell le kheng tum le CDM in Ralkap an do. Sandah an piah chih. 2021 Ralkap dohning hi hmual a ngei bak! Tawlreltu an thiam.

Image result for min aung hlaing

A khua kip, a sang kip ah hruaitu an ithim. An sang ah Ralkap or police nih hruaitu tlaih dingin an rak chuah bak in Bel an tum colh i, bel ttum thawng an theih in, an bel he Mipi an chuak cio i, an bel cio an von tum taktak cu, khuari le ttektlak bak in an awn cio tikah, Ralkap or police cu ningtti lak in an tuah hna. Hmun zeimaw ahcun tlaih an duhmi zong an tlai ngam hna lo’ ti a si. Chun ah CDM in Ralkap an doh i, zan ah bel le kheng tum in an nolh. Bel tum thawng cu, pakhat le pakhat signal ipeknak ah an hman fawn.

Image result for min aung hlaing

Min Aung Hliang nihcun 8888 lio bantuk, old style kha aa chuahpi, misual thongtla a chuah hna. Buainak ser in, Mipi kah khawhnak Khua a khang. Asinain 2021 ahcun Mipi an fim tuk cang i, buainak an hrial khawh tuk. Daite in sandah an piah. CDM in an doh. Khuachia le khuavang tthawl in bel an tum hnawh tikah, awlawkchong in a um cang ko.

Bator pa cu aa chuahsual cikcek cang ko hi! Ralkap aana a ting cu, a Nawl ngeihnak Mipi sinah pek he aa khat te ko lai. Ram chung lei a ummi vialte, nan tha chia hrim hlah u! Chun ah CDM in nan doh. Zan ah bel-kheng tum in nan nolh. Ralkap le police nih hruaitu tlaih dingin an rat tikah bell tum in signal nan ipekmi le bell tum bu in Mipi nih nan chuah hnawh hna tikah, an thlarau zong a chuak/pawt dih i, a celh te an celh lo. Nan tei tuk hna.

Relchih: MRTV nih tunainah Zulhphung 4/2021 ah mipi runvennak le himnak ca tuahmi Section 5,7,8 cu hlonh a si cang nak kong an thanh. Section 5 ah cun țuanvo neitu nih Mipi himnak a runven lai i Inn pakhat ah minung kawl duh zong ah mah le veng cio upa pakhat le minung 2 an i tel hau tisi. Ralkap nih Cu zulhphung cu tuzaan thawk in hlonh asi cang tiah an thanh.

Secrion 7nak ah cunglei chuahmi nawl telh loin mipakhat khat kha nazi 24 chung hren khawh a silo, tisi. Ralkap nih cu zulhphung cu tuzan thawk in hlanh asi ve cang tiah thawnngthanhnak an tuah rih.

Section 8nak ah tlaihkhihnak ding catlap tello, Uktu hna nawlneitu hna min tel loin Mi inn ah luh in luh i va kawl, va tlaih a ngah lo. Mi hnu leiin dawi le ngiat zong a ngah lo. cakuat, sms, email tiang check piak khawh si lo. Mi pakhat khat nih a neih mi thil zong Hramhram in laak le țhial zong a ngah lo. Ralkap nih cu zulhphung cu tuzaan thawk in hlonh asi cang tiah thawngthanhnak an tuah rih cang.

Cu caah an chuahmi nawl an nunter bak in an duh caan poh  ah duhmi minung poh dawh khawh, tlaih khawh an si cang. CMD hi Mipi hiamnamaar bik asi caah ngol hrimhrim hna hlah u sih. Share Share

By Chuncha

Leave a Reply

Your email address will not be published.