Barcelona le Lionel Messi cu an buainak fak chin dawh in a lang, tu ni ah La Liga lei in thanwg an thanhmi cu Messi caah chuahkhawhnak lam um dawh in a lang ti lo, La liga nih tu lio Barcelona le captain Messi buainak kongah biachahnak an chuahmi cu Barcelona thiam an co ter hna ti a si. kan hnu zarh lei khan Messi nih kum 16 chung a rak chuih cang nak Barcelona ka chuah tak lai tiah Barcelona a chim hna I, a contract dih ter dingin a hal hna.

Barcelona leiin cun Messi cu chuah ter lo in um ter an duh ngaingai rih, a chuah sual a si zawng ah man ngei lo tuk in chuah ter an timh lonak a lang I, a release-clause a pe kho tu lawng ah chuahter an timh. Messi hi atu ah a release-clause euro million 700 a ngei lio a si, amah a khulkhotu hna nih mah zat hi an pek khawh lawngah a chuak kho tiah an chim.

Messi hi 2017 khan Barcelona he contract an tuah than I, mah contract an tuahmi a hnu bik ah hin season a dih in zei bantuk club ah kal a duh ahcun free in chuahnak nawl a ngeihnak a tel chih, a si nain mah chuahnak a ngeih mi cu May thla ah khan a rak si diam cang, mah May thla chung ahkhan chuah a duh ahcun Barca sinah a rak chim ding a si I zei hmanh a chim lo ti asi.

A si nain ruah lo tuk in atu lio vawlei cung harsatnak a kan petu Covid-19 ruangah bawlung chuih zong an rak I din ve tikah atu thla an on, an chuih mi hnu long in chimnak a ngei ve caah atu hi chim caan tha a si rih ko tiah a ti ve hna i. ka chim mi a si ati, Barcelona leiin le May thla chung ah khan na kan chim ti lo caah a caan a dih cang tiah an I tlaih ve.

Messi le Barcelona cu an kar ah I hmuh thiam lo nak a chuak chin lengmang I tu ni ah Barcelona player vialte cu PCR test ngeih dingin an kal dih nain Messi belte cu a rak lan lo, an boruak a tha lo in a lang ngai. La Liga lei nih cun Messi le Barcelona buainak kong ah hin biachahnak thanwg an thanh mi cu Barcelona cu thiam an co ter tikah, Messi hi mah ti ning in a chuah khawhnak lam um chung cu a release-clause euro million700 a pe kho tu lawng nih an lak khawh.

Messi caah cun a duh zong ah cepa, a duh lo zawngah varit ti he a lo bantuk in a caah a um lio asi. Khat leiin Barcelona nih hin an siang hrim lo ti hi hmuh khawh a si ngai, Messi nih le Barcelona ah um duh dawh a lan ti hawi lo I an buai thlak ngaingai veve ko, Messi a chuak lai tiah thawng a theihtu nih club minthang hna Man City le PSG le Man U hna nih anbawh peng rih, Man City nih hin cun a zei poah in cawk khawhnak asi poah ahcun a huam in a lang ve, Messi hi a chuak kho hna nan zumh cio maw? Atu lio cu a caah a har ngai lio asi.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha