Atu lio American thimnak pi cu a pui kho taktak ko. Atu tiang dirhmun le mi tampi media le mipi thinlung ah 2020 election thimnak President a tlingmi cu Joe Biden a si ko cang tiah thanhnak le lawmhpinak tampi an tuah cang. News tampi nih a chim ahcun Biden nih vote 273 a hmuh i, Trump nih 217 a hmuh tiah an tial. President tuan khawhnak ding ah vote 270 a tlin hmangsa mi kha teitu a si caah Biden hi 273 a tlingmi a si caah amah hi US President a si cang tiah an tial cio mi cu a si.

Image may contain: 1 person, text that says 'JOE BIDEN ELECTED 46TH PRESIDENT KDKA 02'

 

 

 

 

 

 

 

 

 

Avoi 46nak American President a tuan ding mi Joe Biden a tuanbia hi theih kan duh ngai cio a si lai tiah ka ruah. Joe Biden hi a ngakchia tein a holh ka a a harh ngai mi pa a si. Sianginn a kainak zong ah a hawi le sianginn kaiti nih a holh a harh tuk ruangah an rak nek ngai mi a si, a si nain Joe Biden hi mi teima a si i, hawi hleinak in ca a rak thiam tikah sianginn zongah hruaitu ah a rak chuak mi a si. Holh kongah tampi a rak sersiam ngai mi le biatak in a thiam khawh nak lai zong a rak cawn. Cu ti cun a hung than i, college akai tiang zongah zeihmanh zukhmong a tong lo timhmi ngeih in a rak zuam mi a si. A rak tinh mi cu ni khatkhat ah US President ka si lai tiah a rak timh mi asi. 1965 kum ah Universty college ah political since le history boih pahnih a rak ngah tu a si. Republic Party ah Cazi hna a rak tuan mi a si.

A karlakah tampi rian a tuannak zong a um. A nupi le a fa le hna nih accident in mual an rak liam tak. A tuar a rak fak hringhran, a fapa upa bik nih thluak cancer in mual a liam tak ve hawi. Obama President a tuan chungah kum 8 tiang Vice President zong a tuan mi a si. American thimnak ah President vote tam cem a hmuh mi zong hi a mah long a si rih, Atu a voi 46nak American a tlinmi hna chung zongah kum 78 a si cang caah kum sau/tam bik a si ti zong tuanbia a tial tu a si. Atawi nak in ka lakmi asi caah video tu ah tlamtling tein ngaih khawh cio rak i zuam hram uh. Video Credit: The Chin Family

Jill Biden heading out on campaign trail for husband Joe Biden

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.
Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.
Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.