Coronavirus zawtnak checknak tuah a si lai; Ruah lo taktak in Victoria pengkulh ah COVID-19 zawtnak ahung karh tthan ai. Zawtnak a karhthannak Ni 10 a si cang. Mizaw thar hmuh than lengmang a si. Tuchun zongah mizawthar Minung 30 hmuh than a si. Cucaah phihkharnak zong tuahthannan a si.

Cucaah Ram cozah nih siseh, Pengkulh cozah nih siseh Mi vialte nih i check cio dingah forhfial kan si. Tangrai a karh biknak Sang 10 hna lebang cu Inn kip ah kal hnawh cuahmah an si. A zaw,zawlo ti loin check dih ding in timhlamhnak ngeih a si.

Kanmah Nichuah lei zongah kan hnuthla khan EACH clinic le hmun dangdang hna ah Covid19 zawtnak checknak rak on an si. Mitam taktak an izoh(test)a si, nain a tu tiangah Kawlmi Miphun, a hleice in Chinmi chungin Checknak a tuah mi chim ding kan um tuk loh.Kan um lo khi a si ko. Aruang tampi a um khomi a si ko. Angaite ti ahcun Checknak tuah hi kan mah caah a ttha, midang ca zongah thil tttha tuah asi. Zeimaw a va um sual zongah thinphan ding zeihmanh a um lo. Cozah nih bomhnak le zohkhenhnak ttha taktak tuah piak a si.

Hi zawtnak hi Communities chungah biatak tein ichawnh le a karh mi zawtnak asi ruangah kanmah Chin Miphun btk aa naihniam hna nih hin ralrin khun a hau mi a si. Cucaah Each Clinic bawmhnak in Laimi ca lawngah a dang tein checknak tuah a si lai. Kan dihlak hrimhrim in check cio khawh I zuam hna usih. Atanglei hmun le caan ah Nithum chung tuah a si.

Ahmun : VCBC Biakinn, Ani: 1-3/07/2020 Acaan: 9am-3:30 pm Man pek a si lai lo. Free🙏🙏 Hi atanglei zawtnak phun a neimi cu check hrim ding a si lai. A zualmi na si lo zongah tlawmte acumpi mente na si zongah check hrimhrim ding ah kan in nawl hna. Mah hihi Nangmah le na pawngkam Miphun Damnak le Himnak a si lai. 1. Hnaptawh 2. Hnarpin 3.Hrokfak 4.Thawchuahhar 3. Khuh pah lengmangmi 4.Khuasik/ raifenh 5. Luhfah 6.Ruhkhuafak/taksa fah 7.Tak linh 8.Tha dih(fatigue) Na test in Ni 3-5 chungah Result thawng thanh colh na si lai. Miphun zawnruahnak he,
Ref: ACCEM

By Chuncha