Ruah lo taktak in Victoria pengkulh ah COVID-19 zawtnak ahung karh tthan ai. Zawtnak a karhthannak zarhhnihnak lei a hung a si cang. Mizaw thar hmuh than lengmang a si. Nikhat hnu nikhat zawtnak a tam chin than. Cucaah phihkharnak zong tuahthannan a si. Mipi ralrin thiam ko uhsih. Rian na tuan i atu lio zawtnak na ton sual le na lunghrin sual ahcun atang lei bantuk langter ning hal khawh a si lai. A cozah thatnak cu hi bantuk mipi caah zawnruahnak an tuah mi hi kan vanthatnak a si.

Victoria Ramkulh Ummi Caah: COVID-19 zawtnak na chawnh ruangah silole zawtnak hmelchunnak nih an tlunh ve ruangah rian in dinter na si sual i sick leave le annual leave ti bantuk na dinh chung thlahlawh don awk na ngeih lo cun cozah sin ah $1500 bawmhnak na hal khawh hna.Credit: Australia Chin Cummunity-EM

Thawngpang dang Relchap duh mi caah<<Kum 2020, kum hramthawk ah President Trump nih Middle East Peace Plan a tuah mi kha, Israel mipi caah thawngtha, natein Palestinian mipi caah mitthli tlaknak a si. July 1 thawk in West bank & Jordan valley annexation hi Benjamin Netanyahu cozah nih kalpi a tim cang. Palestinian nih fakpi in an duh loning an langter thluamah cang. Mah ruangah UN security Council meeting cu a rang khawh in tuah a si. UN secretary-general nih cun annexation hi kalpi a si ah cun two state solutions caah le Israel Palestinian remnak caah fakpi in buainak a chuah lai tiah a chim. Guterres’s nih Israel sin ah mah bantuk in annexation plan nan tuah mi hi ngawl hram ko u tiin zaangfah a nawl hna Arab League chief Ahmed Aboul Gheit ” Kum 30 chung, daihnak a um khawhnak caah buainak fakpi a um. Independent Palestinian state a um khawhnak ding caah fakpi in lam kawl a si. Palestinian mood & scene vialte hrawh hi keini nih cung kan duh bak lo mi thil a si tiin a chim” .

Palestinian leaders pawl nih future state caah lam tampi an kawl.  Prime Minister Benjamin Netanyahu’s right-wing government nih July ni 1 thawk in West bank le JORDAN valley ah nawlngeinak an nih tim ning fiangtein an langter cang fawn. Israel nih 1967 war lio ah an rak lak cang mi, Bible ningtein zoh ah cun Isreal ram a rak si cang mi, mah bantuk in Isreal ram chung bantuk ah ser tthan an nih timnak kongah hin European Union le Arab pawl a buaiter tak tak cang

US President Donald Trump cu November 3 ah US President caah a cu thang hoi lai. Israel mipi caah Donald Trump hi Modern Messiah bantuk a si fawn. November election ah mah Israel annexation nih hin President Trump tampi a hrawh kho fawn. President Trump nih voters lungthin tampi a tei a hau fawn. Tu dirhmun zoh ah cun Joe Biden nak in poll ah a niam deuh fawn. Mah bantuk lio ah boruak thalo Black Lives Matter nih America ram chungah buainak fakpi a chuapi lio a si fawn.

President Trump nih Israel cu 100% bak in a dirpi fawn. Vote kawl a hau fawn. America ram chunga mirum, Isreal a si mi, Trump Trump campaign ah fund millions leng a hlut ding mi an tam fawn, an mah pawl lungtlinternak ding kawl a her fawn. Trump fanu pasal Gold an ti bak ve mi Middle East Peace Plan architecture hi Israel mi a si fawn. Middle East Idohnak a chuak khawh dirhmun ah a um lio a fi fawn. International pressure hi Israel/ Trump nih zeitin dah an kalpi lai, an kalpi sual cik cek ah cun idohnak a chuak ding mi dirhmun tian a si faw. Tu lio cu buainak lawngte si ko hi. Credit-The Guardians, Fox News

By Chuncha