NLD le AungSan Suukyi dopawl catial nan dai thlang deuh e van tial rih ne u ca November ni 8 tiang lawng au nak caan nan nei.Khi pin khin cun NLD pawl sin ah nan duh herh tete nan chim ve cang lai.Nan au khuan lo ah cun Media ca rel ding hna kan nei lo hi.


NLD pawl cu dai te khan um ko u sih.Mi that lo nak chim le tial kha mee hmuh nak asi lo i a tu lio minung cu an fim dih ko cang hna i an lung chung tein vote ding kha timh cia tein an um ko.Kawl pawl le bang khi cu politic kong va chim hna hmanh သိပြီသိပြီ an ti ko.A chim hmanh an huam lo. NLD ah thlak ding in Ready an si ko.NLD cu kan Upa te hruai nak thawng in thisen le thlan he dirh mi party asi ruang ah kan sung lai lo.Kan pi Suukyi dam chung a sung bal lai lo.A thih hnu zong ah mino hruai tu tha tha kan ngei ko.


Dai tein in le mi that lo nak chim lo tein na pawng kam rak sawm hna a za ko. Kan nih kan Moto le kan i tinh mi cu Ralkap uk nak doh kha pakhat nak asi ko. Midang cu thut dan ruah ah le Contact ngah duh ah asi ko khah.2010 ah အခြေခံဉပဒေ ကာကွယ်မည် ti in sign ထိုးmi pawl hna kha cu tih an nung tuk khah. Kan hawi an si kho lo khah. Ralkap uk nak zong kha an pom pi ve ti nak asi khah i ral ring usih. Catialtu: David

Relchap< Vice President Henry Van Thio nih a ttuanchuah mi lakah ka uar tukmi le Chin miphun vialte nih lomh phu taktak bak a si ti in upat ka peeknak- 15. Chin miphun thuam a ser khawhmi- Kei hi Myanmah Socialist Lansin Party chan, General Ne Win chan lio 1968 kum June thla in Halkha Party Unit ah rian a rak ttuanmi ka si i, cu lio ah Chin upa a si
mi hna U Son Khaw Lian, Mj Kep Lo, Pu Van Kulh, Pu Khen Za Hmung, Pu K. Kim Ngin, Pu Kap Cung Nung, Pu Sing Khaw Khai, Pu Kam Lian Buai, Pu Tum Khar, Pu Pau Do Nangte hna pawl an rianttuannak kha ka theih piak hna i a cheu cu an khual tlawnnak ah an hnuzultu le a bultawltu hna tiang ka rak si bal.

Cu lawng si lo in kan Chin miphun lak ah cun upadi lei lam hruaitu a simi le kan upat mihna BA.LLB a rak awngka mi hna Pu Lian Uk, Pu Hre Lian Kio, Rev. Hniar Kio, Rev. Sang Or, Rev Dr. Chum Awi, Pu Thio Cin, Pu Cin Sian Thang, Pu Kap Tial te hna he zong i kom hawi in a ummi kan rak si hna. A hnu ah cun kei zong LL.B ka hong si ve 1973 kum constitution suai lai ah Yangon phan Chin mino hna ruahnak peekmi ca an rak ttialmi cu keimah nih tape ka rak tuk piak hna.
Mah ca ah cun an rak tlaih dih hna i kum 2 chung thong an rak thlaak hna. Kei zong an ka tlaih sual lai tiah kan cauk ttialmi cu vawlei ah ka rak phum diam. ( A tu ceu hi langhngan in ka phuan ) Hi kong hi a tu a nung rihmi Pu Lian Uk le Pu Hre Lian Kio nih a dikdiar in an theih ko lai.

Hi vialte tuanbia bantuk ka chimmi hi keimah kaa hlorh duhnak ca ah si lo in mah hi hna vialte Chin miphun kan pa le hna nih hin CHIN miphun thuam aa khat in ser an rak duh dih ko na in an ser kho hrimhrim lo. An I tonnak le an meeting tuahmi hi tampi ka rak theih ko i, a cheu record cu keimah nih tape in ka rak tuk tawn. Asinain Chin thuam, Lai thuam timihi Laitlaang chung i a ummi Myone pakua ca hmanh, lungkhat tein an rak ser kho bak hna lo. An ruahnak tha a rak ba. A tu kan Pu Henry Van Thio cu Vice President a hung chuah tik ah kan Pi Suh Kyi ruahnak peeknak in All Chin Society nih Chin thuam ser ding a van i zuam i raulo te in a ser khawh.

Chin miphun tling ai awhtu Myone pakua lawng siloin, Zofa, Asho, Sumtu, Thado, Sizin, Mara, Zo, Sami, Lautu, Zotung an dihlak hnatlaak te in ser a si i an i hruk dih cang. Kan ram hruaitu asimi Daw Awng San Suh Kyi zong nih Chin ram a tlawn ah cun aa hruk ve cang. Cu lawng si lo in mah kan Chin thuam cu ni kum 2019 kum Christmas cu Vice President Pu Henry Van Thio nih an umnak inn ah sunglawi tak in a tuah tik ah kan ram President a simi U Win Myinh le vuanci pawl hna hrimhrim zong nih kan Chin thuam angki te cu an van i hruk dih tik ah lung a leng ban tuk lomhnak mitthli a tla lai bak tuk in kan um dih.

Kawlrampi uktu Vice President innpi hna I Christmas voi thumli van tuah khawh hrimhrim zong hi kan Pu Henry Van Thio lawng si lo in kan pi Anna hrimhrim a rak mak tuk, tluk awk ttha lo bak an si ko, kan Chinmi cawisang tu hrimhrim an si ka ti. Chinmi kan upa hna tampi, ahohmanh nih an rak tuah khawh lomi kan Chin miphun thuam a kan tuah piak khotu Vice President Pu Henry Van Thio hi mah hi ka cathluan hin upatnak ka peek. Catialtu: JP Biak Tin Sang

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha