Mah bia hi Bishop Dismond Tutu nih a liam ciami caan ah khan Aung San Suu Kyi caah a rak halpiakmi a si. ” You Will Be A Blessing To Myanmar ” tiah Pathian sinah thlacamnak in thluachuah a rak hal piak. Dismond Tutu cu mizei dah a si?South Africa ram, Anglican Khrihfabu ah Pathian riantuantu Archbishop a tuanmi le All African Conference of Churches zongah President a rak tuanmi, vawleicung ah politician bangin minthang pakhat a si. Nuhrin covo kong le miphun thleidannak a that lonak kong biatakten a rak aupi ruangah minthatnak lawmman a phunphun Nobel Peace Prize tiang an pekmi pa a si.Kawlram a rak rat lio ah mah ti hin thla a rak campiak.

Image may contain: 2 people, people standing, text that says 'i'

Aung San Suu Kyi kong ah zeidah an chim?Rozer Steer nih ” Aung San Suu Kyi and The Bible ” timi ah ti hin a rak tial.” Aung San Suu Kyi nih a chimmi cu ka pu hi a nung Pathian a duh ngaimi a si i mitha tak tak a si. Zanlei chiarte Bible ka rak relpiak tawn” tiah a chim. Voi khat cu Chin State CM Pu Lian Luai sinah Aung San Suu Kyi nih aa ruah lo tukin bia a rak hal. ” Bible hi voi zeizah dah na rel thlu cang ” tiah. Pu Lian Luai nih aa thawh i, ” Voi khat hmanh ” tiah a leh.Anih nih a timi cu ” Hi tluk a thami dawtnak, velngaihnak le tangdornak lawngte i a khatmi hi maw na rel dih bal lo, kei cu voi 25 bak chuak lakin ka rel dih cang” tiah a leh. Zapi cu chim lo, Pathian riantuantu hmanh nih tluk ding phun a si loh. Azei khom si ah anih cu ” Myanmar rampi caah thluachuah a kan phorhpiaktu ” caah Bishop Dismond Tutu nih thluachuah a rak halpiakmi pei a rak si fam cu.

Bible - Wikipedia

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si. Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim.

White House scrambles to clarify details on coronavirus response ...

Oct.7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Trump says he may give nomination speech from the White House - CGTN

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha