Hihi virus a ngeih tiah kan rak langhter mi kha asi ii,tutang ah hi  vialte chung in Aung la nsang cu damnak tlamtling a hmuh tthan cang  tiah thawng kan thei.Myanmar Python tiah zapi hngalh mi Kachin MMA celh thiam Aung La Nsang sin ah coronavirus aum tiah hmuh asi tiin amah Aung La Nsang Facebook ah July 2 khan aa tar. A luan cia mi cacawn nikhat ni ah cu kong cu a fiang tiah ati.

Cu asi caah Aung La Nsang le a chungkhar pawl cu khoika hmanh kal lo in ni 14 chung aa dang tein um asi lai tiah theih asi. Kha hlan ni 2 chung ah khan a tak lin pah, a thawchuah aa harh pah, a pum fak i thadih zaangba in aum mi dah ti lo cun an chung ning tein an tha ko tiah amah Aung La Nsang nih cun a Facebook ah a tial. Aung La Nsang cu Maryland State, Baltimore khua ah chungkhar he hmunkhat tein caan a hman lio asi.

Image may contain: 2 people

Aung la  nsang cu  virus a nei tiah an ti lio zongah a fans pawl sinah achim mi cu zeihman lungrethei ding a um loh ka dam colh lai arau hlah tiah a rak ti hna.A ruang amah pawl cu titsa a ttha mi Vaitaman zong attha mi an si caah Virus tei kho nak ding cu a fawi ngai ko.Amah nih  a rak chim bang in tutang ah damnak tlawmtling a hmuh tthan tak tak cang.

Image may contain: text

Thawngpang dang relchap duh mi caah<<Party Lutlai Sinak In Rian Ṭhumh le Chungtel Sinak In Phuah Hi A Um Tawnmi A Si Ko; Tuhrawng cu CNLD Central Executive Committee (CEC) nih Thantlang CNLD Chairman le Secretary, Party chungtel sinak in an chuahnak hna thawngpang nih Facebook cahmai a luah dih. Hi thawngpang hi CNLD le Laimi sining hrawng long a cuanhmi caah cun thilmak ngaimi (ထူးဆန်း) thawngpang a si kho men ko.

Nain Buu le Phu ah siseh, ramkhel party ah siseh a um tawnmi a si ko. USDP chung zongah party member sinak in an chuah hna i, NLD zong nih an chuah ve ko hna. Kum 2016 April thla ah khan USDP Surlu pakhat a si vemi U Shwe Mann le a dang minung 16 cu USDP chungtel sinak in an rak chuah hna. U Shwe Mann cu USDP in an chuah hnu ah UBP a dirh i, tutan thimnak ah an lut ve lai. Ṭhutdan zeimawzat zong an hmuh lai zumh a um.

NLD zong nih kum 2018 August thla ah khan, Rangon ramṭhen, Dagon Myone in Pyithu Hluttaw palai Dr. Thet Thet Khine le Rangon ramṭhen Hluttaw palai U Kyaw Zeya cu CEC chungtel sinak in an rak dinhter hna. Cun Botahtaung Myone in Pyithu Hluttaw palai Daw Me Soe zong tukum May thla ah khan, Party chungtel sinak in an rak chuah ve. Cu long silo, nizan nai bik ah, Ayewarwady ramṭhen Wakema peng i NLD party chairman cu, Chairman sinak in an ṭhumh i, Secretary cu NLD chungtel sinak in an chuah.

Cucaah cun party lutlai sinak in ṭhumh le party chungtel sinak in phuah tibantuk hi tutan CNLD longah a cangmi a si lo. USDP zong ah a um tawn i, NLD zong ah a um tawnmi a si ko caah Thantlang peng CNLD Chairman le Secretary Party chungtel sinak in an chuah hna hi thilmak (ထူးဆန်း) tukmi a si lem lo. 16 July, 2020 Catialtu: Salai Biak Tum Lian

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha