Chin Ramkulh, Hakha khua le a dangdang khua ah April 6 thawk in COVID-19 i khamhnak ca ah dawr vialte kharter dih a si lai, ti mi thawngpang a leng i cu kong ah Chin Ramkulh Lamsuul lei Minister Pu Sui Thio nih, “Thawngpang dik lo a si,” tiah DVC ah a chim.

COVID-19 i khamnak ca ah dawr vialte kharter dih an si lai, ti mi thawngpang fiang lo a len ca ah khuami dawr a ngeitu pawl lung vaivuan in an um i dawr khar ding khar lo ding an i laklawh, tiah kan theih.

Hi kong ah Chin Ramkulh Lamsuul lei Minister Pu Sui Thio nih, “Cu bantuk dawr khar ding cu Chin Ramkulh Cozah nih biachahnak a tuah mi a um lo. Hmun dang ah cun sii dawr le eidin dawr lawng an honter hna i a dang dawr poh an kharter hna. Asinain, Chin Ramkulh Cozah nih cu bantuk biachahnak cu a um rih lo. Thawng fiang lo le, bia vaivuan an theih i a si lai,” tiah DVC ah a chim.

Khuami cheukhat nih, “Zaan ah COVID-19 i khamnak kong thawngthanhnak a tuah mi nih an au,” tiah an chim nain, Minister Pu Sui Thio nih, “A ngaih an i palh sual i a si lai. Dawr khar dih ding, ti mi biachahnak kan tuah rih lo,” tiah DVC ah thawngfianternak a tuah. Credit: DVC

By Chuncha